Daniel 6:23 - Dios Iwene

²³ Daniel ina yaba̧lo̧ ö̧jiökwe, Daríoma jwiinö o̧'wo̧ ösöwachibanö ö̧jinobe, ja̧danö weinobe Danielnö i̧lȩdo̧tjö tötjebobö. Ja̧danö i̧lȩdo̧tjö Danielnö latjebenama, ja'yubebi didibadö suli̧ tjöwaedajökökwenö tjedinobe. Diosnö o̧'wo̧ wana̧lö ösödiökwe, Diosma tjöbeba̧lö ite'ada̧linobe Danielnö, didibadö ja'yubebi Danielnö suli̧ tjöwaedapji jö̧ba̧lö.

Daniel 6:23 Referans Kwoze

1 Crónicas 5:20

ja̧danö jobadökwö tjölakwabikwawenama, Diosnö atjebinobe, —Duluwo̧ Dios, juluwanö pjakatobö adebakwö, —jö̧ba̧lö. Jobekwö tjo̧'wo wana̧lö atjebiökwe, atjebi̧ a̧ja̧kwinobe Diosma, ja̧danö otiwanö pjaatinobe. Jo̧kwajabetjö̧, jobekwö pjaatiawö̧, jwiinö tjujuluwinobe agarenos jojodönöbi, agarenos jojodönö pjabatadönöbi.

Daniel 3:25

Tjatadiökwe Nabucodonosorma yöa̧linobe: —Ömadö wa̧medukwa nu'yawedönö lodajayonö, ömadö öwejemubedö jojodönö chedobe, ökwöla okwatjö ejatakwawedö kwetjachobe cheda, ja̧danö ökwölanö kwetjachijayonö uböködönö, wene jwiinö kwebachadönö chedobe. Ja̧danö ju'wibi, lodajawö̧kwö kwebacho̧ma diosdanö ichejekwo̧— jö̧ba̧lö yöa̧linobe Nabucodonosorma.

Marcos 9:23

Jejenö jö̧a̧lökwe Jesúsma jö̧ba̧lijetö: —¿Tajawedö jejenö jö̧ka̧la, Kwöwaisitjö̧ma, jö̧ba̧lö? Wajwiena, jö̧ba̧lö, ¿kwomukwatiji̧? A̧ja̧kwitjö, bakwo̧ ötjönö o̧'wo̧ wana̧lo̧ma baikwö waisachibo̧: Jesúsma okobe jwiinö jo̧banö atebi̧ma, isabenö atebi̧danö ja̧awa waiso̧, jö̧ba̧lö, waisachibo̧—jö̧ba̧lijetö Jesúsma.

Daniel 6:18

Ja̧danö, kabatajo̧, La'aka luwo̧ Daríoma iteda ejube ȩwa̧jinobe. Ja̧danö, ja̧ yö̧te baledibanö Daríoma kwakwawa kwökönö ö̧töchö ö̧jinobe, ja̧danö o̧'wo̧ ösöwachibobö pjabatadö tjichobö weinokobe, Danielnö omukwatö. Ja̧danö, Danielnö omukwatö, bö̧ti̧ jwiinö yö̧te baledibanö abökönö ö̧jinobe Daríoma.

Isaías 26:3

Ökwönö omukwatö jo̧nö, otiwanö teada̧lo̧ja duluwo Dios. Ökwönö o̧'wo wa̧na̧lö ösödö ö̧jobetjö̧, bakwainö wene jwiinö ö̧jobö pjabato̧ja.

Proverbios 18:10

Ja̧danö, ju'wibi yötawa: Isabenö Jo̧ma jo̧banö tjo̧'wo̧ wa̧na̧ladönöma te'ada̧lo̧. Wanedö yötawa: Isabenö Jo̧ma o̧do möeju, 'diinö otikwejudanö wanekwacho̧. Jo̧banö tjo̧'wo̧ wa̧na̧ladöma labi̧ jawa ichena jeju jo̧bekwö juluwanö ö'öbakwawö tetjachi̧danö tjö̧jibobö tebachadö.

Hebreos 11:33

Chömöledö, jobadöbi, jobadödanö ju̧kwadöbi, Diosnö tjo̧'wo̧ tjöwana̧lobetjö̧ jelobe ju̧kwadö tjöpöjojodökwö 'böbabikwawö 'ya̧jadö tjujuluwinobe. Ja̧danö, jobadötjö ju'wedöma jweinöda webö tjuju̧kwinobe Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma Dios yöbawö ujunina, Chiyocha, jö̧ba̧lö, iyi̧ma tjeminobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma di̧di̧ba̧dönö tjöbadekwajenabi debö tji̧'yinokobe, Diosnö tjo̧'wo̧ tjöwana̧lobetjö̧.

Daniel 6:14

Jejenö yötja̧li̧ a̧ja̧kwö, jwiinö o̧'wo̧ tjoekwinobe Daríoma, ja̧danö möle baledibanö omukwatö isakwinobe, ja̧ weaja̧tjö̧ Daniel ö̧jibobö. Yö̧te baibenanö kabatö, Danielnö pjaatobö omukwatinobe Daríoma, jo̧kwaijayonö waekwinobe.

1 Reyes 5:7

Salomon yöa̧li̧ yötjawiökwe, jwiinö o̧'wo ösöwachibanö a̧ja̧kwinobe Hiramma, ja̧danö a̧ja̧kwajo̧ yöa̧linobe, —Isabenö babe Isabenö Jo̧nö dösödobö jo̧be, Davidmine itji̧ waisanö omukwato̧nö la'aka luwo̧ baibanö kabebö ujuninobetjö̧. Jau, israel jojodöma inesö otiwadö juluwadö, ja̧danö jobadötjö inesö la'aka luwo̧ baibanö, David itji̧ waisanö omukwato̧nö kabebö ujuninobetjö̧, jo̧banö dösödobö jo̧be, —jö̧ba̧lö.

Éxodo 18:9

Ja̧ Moisés yöawi̧, Israel jojodönö pjaatina yöawi̧ a̧ja̧kwö jwiinö ösödö yöba̧lijetö Jetroma: —

Daniel 3:17

Yöka̧lajadanö ökwödönö ökwölanö ikwö loköbitjö̧ma, Duluwo̧ma, wei̧ a̧ja̧kwö dösödökwe Diosma isabenö juluwo̧, okwöla jwiinö tubinö ubolatjö dö̧jibanö pjaatobö. Ja̧danö duluwo̧ Nabucodonosor, dedemi Diosma isabenö kwujulutjö dö̧jibinö pjaatakwo̧.