Daniel 6:18 - Dios Iwene

¹⁸ Ja̧danö, kabatajo̧, La'aka luwo̧ Daríoma iteda ejube ȩwa̧jinobe. Ja̧danö, ja̧ yö̧te baledibanö Daríoma kwakwawa kwökönö ö̧töchö ö̧jinobe, ja̧danö o̧'wo̧ ösöwachibobö pjabatadö tjichobö weinokobe, Danielnö omukwatö. Ja̧danö, Danielnö omukwatö, bö̧ti̧ jwiinö yö̧te baledibanö abökönö ö̧jinobe Daríoma.

Daniel 6:18 Referans Kwoze

Daniel 2:1

Nabucodonosor inesö la'aka luwo̧ ja̧nö döbalataja o̧biya weaja̧ ikena baikwö baledinobe: Ju'wi yö̧te i̧'wi̧dikwinobe, ja̧danö edajiö̧kö̧ jawa i̧'wi̧dikwajabetjö, Ayö, dakwö jö̧ba̧lö chi̧'wi̧dikwaja̧jö jö̧ba̧lö bö̧ti̧ jwibekwö ö̧jinobe.

Apocalipsis 18:22

Yelösöda, otiwinemi ajayinöma, Babiloniama. Ba̧jekwadö otiwanö harpa, ju'wi opjianö pjeawa pjebö ju̧kwiatjinobe. Ja̧danö, lo̧böbi lo̧biatjinobe. Pjuawanubi pjubiatjinobe. Trompetabi pjubiatjinobe ajayinöma, Babiloniatjöma. Jo̧kwaijayonö detjakobe, pjetji̧bi, lo̧tji̧bi, pjutji̧bi ökwöökönö. Ja̧danö, otidinadö, okobe jwiinö jawa otidinadöma detjakobe. Ja̧danö, trigo dobö tjotidi̧ ökwöi̧ma ökwöökakobe, dotjokobetjö̧.

Diosnö ösödo̧ Job mikwo̧ usula emawina jawa 21:12

Musica jawa tamborilbi, arpabi ökwi̧ a̧ja̧kwö, tjo̧'wo ösöwanö lo̧badö, ja̧danö tjo̧'wo ösöwachibanö flauta ökwöi̧ a̧ja̧kwadö.

1 Reyes 21:27

Elias Dios yöawi̧ yöawiökwe, o̧'wo tjo̧ekwinobe Acabma. A̧ja̧kwajo̧, ökamiji̧do̧ kȩ'ekwö loinobe, ja̧danö kamiji̧do̧ epju̧yunö kalukaa̧do̧ 'dubawö, u̧kwa kwökönö ö̧tö̧chö ö̧jinobe. Yöte abenabi kamijido̧ epju̧yunö kalukaa̧do̧ 'dubawö abinobe, ja̧danö kweachenama, o̧'wo tjo̧achö kweachinobe, —Isabenö Dios öba a'otjö sulabenö ja̧binasa, —jö̧ba̧lö.

2 Samuel 19:24

Ikenama Saul ö'dö̧ Mefibosetma la'aka luwo̧ Davidnö edö ichinobe. Jo̧ba Mefibosetma, David Jerusalentjö laebinelö, yemidanö wene jwiinö ȩwa̧jenanö kabatö ömasapiyabi dichawökönö, ja̧danö ajesa'ye jwobawö lobökönö, ökamiji̧do̧ dichökönö ö̧jinobe, la'aka chuluwo̧ Davidnö cho̧'wo tjo̧acha jö̧ba̧lö.

Daniel 6:19

Ikenama, dewachenama, Daríoma a̧laibö juluwanö i̧lȩdo̧ didibadö tjö̧bajȩdo̧be i̧'yinobe.

Daniel 10:3

Söi̧ kwakwawabi, itebiabi kwökönö, ja̧danö ubasobu o̧'do̧bubi owökönö ö̧töchö chö̧jijatö. Ju'wibi ja̧ wa̧pötakwa semana baledibanö ja'yubebi omewasobu dubawökönö chö̧jijatö, jwiinö cho̧'wo̧ tjoachobetjö̧.