Daniel 6:16 - Dios Iwene

¹⁶ Yötja̧liökwe, la'aka luwo̧ Daríoma weinobe Danielnö ikwö lotjobö, ja̧danö ikwö lotjakwa̧ abönö Danielnö yöa̧linobe: —Daniel, ba̧kwȩlö̧jatebö kwuluwo̧ Dios wei̧ a̧ja̧kwö jo̧ja, ja̧danö kwösödökwe Dios kwö̧jibinö pjaatobö chösödakwö— jö̧ba̧lö.

Daniel 6:16 Referans Kwoze

Diosnö ösödo̧ Job mikwo̧ usula emawina jawa 5:19

—Jau Job, Diosnö kwa̧ja̧kwitjö̧ma, isabenö otiwanö kwö̧ji̧binö pjaatakwo̧ja. Jo̧banö ösödö kwa̧ja̧kwitjö̧ma, okobe jwiinö sulabenö baledi̧tjö̧ kwö̧jibinö pjaatakwo̧ Diosma, baikwö labebö lobö yötawa:

Daniel 3:28

Jejenö balediökwe, Nabucodonosorma yöa̧linobe: —Isabenö okobe deinö tjösödobö jo̧be, Sadracbi Mesacbi Abednegobi tjösödökwe Diosnöma. Bidöma tjuluwo̧ Diosnö ösödö, weti̧ tjöpöjödinobe, debö di̧'yitjö̧böbi sule Duluwo̧ Diosnöda dösödakwedösa, jelo̧nö la'akatjöda dösödökakwedösa jö̧ba̧lö. Ja̧danö jejenö tjo̧'wo̧ tjöwana̧liökwe, Diosma iteda ömöayo̧ ángelnö weajabe, ökwölatjö tjö̧jibinö pjabatö, jo̧kwajabetjö̧ okobe deinö jo̧banö tjösödobö jo̧be.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

2 Samuel 3:39

Tupakwö yöawinobe Davidma, —O̧te tobebö, la'aka luwo̧ baibanö tjujuninökwema ötjödasa, jo̧kwaijayonö babe mölȩma juluwo̧danömabö̧kö̧sa, me'dawo̧danöbo̧sa. Idö Sarvia ji̧tji̧mu Joabbi, Abisaibi isabenö labidö, ja̧danö jobadönö chödöyötobö juluwö̧kö̧sa. Isabenö Jo̧ Diosda jobadönö lȩebakwo̧, sulabenö Abnernö kwabö lotjiökwe, isabenö Diosda balekwa mikwa lȩebakwo̧, —jö̧ba̧lö yöa̧linobe Davidma.

Daniel 3:17

Yöka̧lajadanö ökwödönö ökwölanö ikwö loköbitjö̧ma, Duluwo̧ma, wei̧ a̧ja̧kwö dösödökwe Diosma isabenö juluwo̧, okwöla jwiinö tubinö ubolatjö dö̧jibanö pjaatobö. Ja̧danö duluwo̧ Nabucodonosor, dedemi Diosma isabenö kwujulutjö dö̧jibinö pjaatakwo̧.

Daniel 6:20

Yöne ichibö, o̧'wo̧ tjo̧achö jwöinobe: —Yabalo̧ Dios ömöayo̧ Daniel, ¿ba̧kwȩlö̧jatebö wei̧ a̧ja̧kwö kwösödökwe Diosma, didibatjö kwö̧jibinö pjaatobö ujuluwaji̧?— jö̧ba̧lö.

Hechos 25:11

Isabenö, sulabenö ja̧tinatjö̧ma, kwabö loawa wetji̧ jawama, Jau kwatjö̧ma, kwabö lobaduwitjö, jö̧ta̧lena. Jo̧kwaijayonö, judío jojodöma omöna yötjawobetjö̧ jobadönö iyö loawama jwiobe. Babema ju'wi chomukwata. Ökwönö ateba inesö la'aka luwo̧nö, Césarnö webitjö, jo̧bada a̧ja̧kwö weawa wene yöawobö—jö̧ba̧lijetö Pabloma.

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

Romanos 13:3

Jau chömöledö, otiwanö ja̧bö ju̧kwadöma yebaböködö luwedönöma, sule sulabenö ja̧bö ju̧kwadöda yebabidö, wetji̧danö ja̧bö tjö̧jokobetjö̧. Ja̧danö, luwedönö yebabökönö kwö̧jaduwobö jö̧ka̧laduwitjö̧ma, otiwanö ja̧bö kwö̧jaduwo. Ja̧danö, otiwanö ja̧bö kwö̧jaduwitjö̧ma, luwedöma ökwödönö tjösödena, otiwanö ja̧badöja jö̧ba̧lö.

Daniel 6:7

Ökwödö okobe deinö yöbawö weköbena ju̧kwadö presidentebedöbi, gobernadorbedöbi bakobe omukwatö dujunajabe, otiwanö jojodönö weköbakwa̧ma. Isabenö otiwo̧ duluwo̧ja, diosdanöbo̧ja duluwo̧. Jo̧kwajabetjö̧ diosdanöbo̧ kwö̧jobetjö̧, isabenö ökwönöda tjo̧'wo̧ wana̧lö atjebobö jo̧be, treinta möle baledibanö. Jo̧kwajabetjö̧ jojodönö weawa kwiwȩyudo baikwö: Diosbedötjö bakwo̧nöbi, jojodötjö bakwo̧nöbi jojodö atjebobö jwiobe, sule inesö la'aka luwo̧ Daríonöda tjo̧'wo̧ wana̧lö atjebobö jo̧be treinta möle baledibanö. Ja̧danö bakwo̧ jelo̧nö o̧'wo̧ wana̧lö aebitjö̧ma, didibadö tja̧jaju i̧lȩdo̧nö jabö lotjakwo̧ jö̧ba̧lö kwiwȩyudo duluwo̧.

Daniel 3:15

Isabenö jejenö kwöpöjödaduwatjö̧ma, bakwötanö ina lȩlö̧jinö chedena, yemidanö kwösödaduwobö chite'ada̧lena. Jo̧kwajabetjö̧ yemidanö lo̧awa jawa ökwöi̧ kwa̧ja̧kwaduwenama, nijakwö bȩbachibö kwösödaduwo, ja̧danö jejenö kwösödaduwitjö̧ma, wene jwiena. Jo̧kwaijayonö kwösödaduwökötjö̧ma juluwanö ökwödönö ökwöla jwiinö tubola 'dii jawa otikwolanö ikwö lotakwawö̧ja. Ja̧danö jejenö ikwö lotitjö̧ma, ¿tida ökwödönö pjaatakwo̧ma? ¡Deakobe! Diosbedötjöbi bakwo̧bi deakobe, kwö̧jibaduwinö pjaatobö juluwo̧ma —jö̧ba̧lö yöawinobe Nabucodonosorma.

Hechos 25:9

Ikenama Festoma, judío jojodö atjeba̧li̧danö ja̧obö jö̧ba̧lijetö, tjösödobö itenöma. Ja̧danö, omukwatijetö, Pablonö öbibö chi̧'yena Jerusalénbe, jobetjöda judío jojodö Pablo ja̧ina jwötjeba̧li̧ a̧ja̧kwö yötawobö, jö̧ba̧lö. Jejenö omukwatö Pablonö abebö a̧ja̧kwijetö: —¿Ökwöma kwösödiji̧ Jeruslalénbe wetoböma, jobetjöda judío jojodö ökwö ja̧köbina jwötjeba̧li̧ a̧ja̧kwö weawa yötawobö?— abebö a̧ja̧kwijetö.

Hechos 24:27

Ja̧danö, döbalataja o̧biya baledibajena, jelo̧nö kabebö junijadötö, tjuluwo̧ baibanö, Porcio Festo mikwo̧nö. Ajayi tjujuninökwema, Félixma, laebakwa̧ abönö webijetö, Pablonö labebaduwökönuwi, jö̧ba̧lö, ka̧lena ba̧kwawejutjöma. Félixma, judío jojodö tjösödi̧ ja̧obö jö̧a̧lobetjö̧ jejenö webijetö, Pablonö labebaduwökönuwi, jö̧ba̧lö.

2 Corintios 1:10

Ja̧danö, Diosma isabenö labi̧ jawatjö, debö di̧'yo jö̧da̧linatjö dö̧jibinö pjaatinobe. Ja̧danö jemi tupakwöbi dö̧jibinö pjaatakwo̧, chömöledö. Jau chömöledö, Diosnö do̧'wo̧ wana̧ladösa, isabenö tupakwö ökwödönö pjaatakwo̧ jö̧ba̧lö, ja̧danö ökwödö Corintio jojodönö ateba, ökwödöbi pjabatö Diosnö akebaduwobö, jejenö pjaatobö. Jejenö akebaduwiökwe Diosma isabenö tupakwöbi pjaatakobe chömöledö, ba̧jekwadö ökwödönö pjaataja̧ omukwatö, Diosnö tjösödakobetjö̧, otiwanö pjabato̧ja jö̧ba̧lö.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.