Daniel 6:13 - Dios Iwene

¹³ Jejenö atadawö̧ la'aka luwo̧ Daríonö yötja̧linobe: —La'aka duluwo̧, damötjö iteda itebo Judátjö öbibö tjichejebinökwe Danielma ökwönö a̧ja̧kwö̧kö̧. Jelo̧nö aebobö jwiobe jö̧ba̧lö wȩyudö weköbinajayonö, yayonö mölekwena wa̧pötakwanö iteda ösödökwe Diosnö abebo̧— jö̧ba̧lö yötja̧linobe.

Daniel 6:13 Referans Kwoze

Daniel 3:12

Jo̧kwaijayonö, Judá jojodötjö weköbaja̧ a̧ja̧kwöködö tjö̧jobe, belö Babilonia niji luwedö batjibanö kwujuninawö̧ma, bidö: Sadrac mikwo̧bi, Mesac mikwo̧bi, Abednego mikwo̧bi. Duluwo̧, jobadöma weköbi̧ a̧ja̧kwöködö, o̧'wo̧ jawa kwösödawö̧nö tjösödobö öpöjödadö, ja̧danö orotjö otidö kwujuninökwenöbi bȩbachibö tjösödobö öpöjödadö— jö̧ba̧lö yötjawinobe Nabucodonosornö.

Hechos 5:29

Jejenö jö̧a̧liawö̧ Pedroma ju'wedö Jesús webawedöbi jö̧ba̧lijadötö: —Ökwödöma Dios wei̧da a̧ja̧kwadösa. Böjȩnö jojodö wainö wetji̧ma, Dios weidanömaökö wetji̧ ja̧doböma jwiobe yelösöda.

Daniel 2:25

Jejenö yöa̧liökwe, Ariocma juluwanö Danielnö öbibö i̧'yinobe la'aka luwo̧ Nabucodonosor ö̧jobekwö, ja̧danö jo̧banö yöawinobe baikwö: —Chuluwo̧, Judá nijitjö öbibö dichejebinawö̧tjö bakwo̧nö chöbadekwajabe, kwi̧'widikwina jawa labebö lobö yöawakwo̧nö— jö̧ba̧lö.

Daniel 5:13

Jejenö yöjawiökwe, Belsasarma Danielnö tjichejebobö weinobe, ja̧danö tjichejebajökwenö yöa̧linobe baikwö: —¿Ökwöma chabe'do Nabucodonosor Judá nijitjö öbibö ȩwa̧jinökwe Daniel mikwo̧ kwö̧jiji̧?

Daniel 1:6

Jejenö weökwe, Aspenazma tjichejebajawö̧tjö ju'wedönö omudawö ujuninobe, ja̧danö Judá nijitjö omudawö ujunajawö̧tjö ju'wedöma bidö, Daniel mikwo̧bi, Ananias mikwo̧bi, Misael mikwo̧bi, Azarías mikwo̧bi.

Hechos 17:7

Bite Jasón jobadönö pjaatajabe, ite ejunö tjabobö tebatö. Jo̧ba, jo̧ba ömöledö, bidö okobe deinö duluwo̧ César weina öpöjödadö. César ökwödö duluwo̧bö̧kö̧, Jesúsda ökwödö Duluwo̧, jö̧ba̧lö, yöba̧ladö— yöba̧lijadötö.

Daniel 3:8

Ja̧danö, ja̧ möle si̧li̧'idönö waisachadötjö ju'wedöma Nabucodonosor öba a'o ichibö tjo̧'wo suli̧nö yötjawinobe Judá jojodönö.

Daniel 3:11

ja̧danö bȩbachibö ösödö̧kö̧nö ökwöla jwiinö ubolanö ikwö lotjobö weköbatö, ¿jö̧tö?