Daniel 5:6 - Dios Iwene

⁶ Jejenö edö, yeaibinobe yelösöda, ja̧danö yeaibobetjö öbama deöja baibinobe, ja̧danö u̧yu̧kijuma tjö̧awinobe, ime'dawachibanö.

Daniel 5:6 Referans Kwoze

Daniel 7:28

Jobekwö chedatö chi̧'wi̧dinö. Ja̧danö ötjö Danielma, ja̧ jawa omukwatö yetaibatö, tajijö jö̧ba̧lö, ja̧danö chöbama deöja baibatö. Jo̧kwaijayonö ju'wedönö yötawökötö ja̧ chedaja̧ma.

Daniel 4:5

Ja̧danö, cho̧'wo̧ ösöwanö chö̧jemi ja'ötjö, chi̧'wi̧dikwijatö, ja̧danö chi̧'wi̧dikwajabetjö yetaibijatö, taji jö̧ba̧lö chi̧'wi̧dikwaja̧jö jö̧ba̧lö. Ja̧danö, kamapjonö ba̧nö chi̧'wi̧dikwaja̧ omukwatö yebabinö chö̧bijatö abökönö.

Daniel 4:19

Jejenö yöawiökwe, Daniel, ju'wi imi Beltsasarma o̧'wo̧ tjo̧bekwö ö̧jinobe, yöbawökönö, ja̧danö Nabucodonosor i̧'wi̧dikwina jawa omukwatö, Ayö jö̧ba̧lö omukwatö ö̧jinobe. Jejenö ö̧jiökwe, Nabucodonosorma jo̧banö yöa̧linobe: —Yebabökönui, chi̧'wi̧dikwina omukwatö yebabökönui, ja̧danö labebö loawa omukwatöma yebabökönui, yebabökönö jweinö yöbawitjö— jö̧ba̧lö. Yöa̧liökwe, Daniel ju'wi imi Beltsasarma atadinobe: —Chuluwo̧, kwi̧'wi̧dikwina jawa ökwönö baledobö chöpöjöda, kwöpöjojodönöda baledobö chösöda, isabenö labi̧ jawa baledakwa̧ kwi̧'wi̧dikwinobetjö̧.

Hebreos 12:12

Jo̧kwaobetjö̧ chömöledö, Dios yöbawö kwabö lȩebi̧ma ökwödö kwöda̧peachaduwinö pjaatobetjö̧, kakatibaduwoko, ¡Ayö! Chime'dawachiba, katatiba, jö̧ba̧lö. Chömöledö ja̧ kwime'dawachibaduwitjö̧ juluwachibö kabatibökönö kwi̧'yaduwo kwo̧'wo̧ luwo̧duwinö.

Daniel 3:19

Jejenö tjatadiökwe, jwiinö ödameakwinobe Nabucodonosorma jobadönö, öbabi wainö balewachibanö jwiinö ödameakwinobe. Ja̧danö, ökwöla otidadönö weinobe, ajayitjö bajalekwönönö, jelemutjö dötölajatajanö ajayitjö bajalekwönönö tubinö 'dii jawa otidadö otidajitjola tjujuwobö.

Daniel 2:1

Nabucodonosor inesö la'aka luwo̧ ja̧nö döbalataja o̧biya weaja̧ ikena baikwö baledinobe: Ju'wi yö̧te i̧'wi̧dikwinobe, ja̧danö edajiö̧kö̧ jawa i̧'wi̧dikwajabetjö, Ayö, dakwö jö̧ba̧lö chi̧'wi̧dikwaja̧jö jö̧ba̧lö bö̧ti̧ jwibekwö ö̧jinobe.

Isaías 35:3

Jobekwö isabenö baledakobe chömöledö, jo̧kwajabetjö̧ ja̧ baledakwa̧ yöbawö, me'dawachibadö, tjujulu jwibadönö tjujuluwachibanö pjakataduwo.

Isaías 5:27

Ja̧danö tjichenema, tjime'dawachibökakwedö, ja̧danö töbö metjö̧kakwedö, ja̧danö tjabökakwedö, abökönö juluwanö tjichibakobetjö̧. Ja̧danö koleasö̧jȩ ejachibikönö, ja̧danö sapatu di̧atakwawö̧jȩ 'döawökönö tjichobö weakobe, otiwanö tjölakwabikwawakobetjö̧.

Daniel 5:5

Jejenö owö, o̧'wo̧ jawa tjösödemi ja'ötjö, juluwanö tjö̧jȩko tjöekweminö diwawemi wame tjömamu öwawachö i̧sekwachibö wȩyudobe tjedinobe, dejewa'yu̧ otiwanö dejatemima. Ja̧danö la'aka luwo̧ Belsasarma, ja̧ tjömamu öwawachö wȩyudobe edinobe.