Daniel 5:18 - Dios Iwene

¹⁸ Chuluwo̧, Okobe Jwiinö Juluwo̧ Diosma kwabe'do Nabucodonosornö iyinobe inesö la'aka luwo̧ baibobö, ja̧danö ba̧jekwadö jo̧banö otiwanö tjomukwatobö, ja̧danö jo̧banö otiwanö yötja̧lobö iyinobe Diosma.

Daniel 5:18 Referans Kwoze

Daniel 4:17

Jobekwö omukwatö tjujunajabe, böjȩ te'ada̧ladö la'aka ángelesdöma. Jobadöma jejenö wetjajabe, okobe deinö böjȩnö ju̧kwadö tjöwaisachibobö, Okobe Jwiinö Juluwo̧ Diosda böjȩnöbi yöbawö webo̧ jö̧ba̧lö, ja̧danö jo̧bada la'aka luwedönö omudawö juno̧ jö̧ba̧lö. Isabenö Diosda iteda ösödi̧danö omudawö juno̧ma, ja̧danö ösödenama jo̧kwadabedönöbi kabebö juno̧, la'aka luwedö batjibanö. Jobekwö böjȩ jojodö tjöwaisachibobö bite towi badekwachökwenö baledakwa̧ wetjajabe jö̧ba̧lö yöawinobe ángelma.

Hechos 26:19

Ina jö̧ba̧lijetö: —Chuluwo̧, ikenama jejenö mölejȩbetjö öwawachö iwene jwöi̧ wei̧danö yötawijatö.

Hechos 26:13

Chuluwo̧, ja'ö chi̧'yemi ja̧wo̧ jweinö ö̧jena, omönanö mölejȩbetjö dewinö dejati̧ salöi̧ma, ja̧wo̧ dewitjö̧ o̧penönö dewinö dejati̧ salöi̧ma, tjösawibijatö ötjöbi ötjökwö ichajadöbi di̧'yenama.

Hechos 7:48

Jejenö baledijayonö, La'aka Luwo̧ Diosma jojodö tjotidinejunöma jö̧kö̧. Damötjö Dios iteda yöawi̧ yöbawo̧nö wanedö iwȩyudobö yöbawijetö, domukwatobö, Diosma jwiinö nöbo̧, jwinö juluwo̧, jö̧ba̧lö.

Daniel 6:22

Chuluwo̧ Dios öba a'otjö wene jwiinö chö̧jiökwe, Diosma iteda weökwe ángelnö weajabe, didibadö tjaa umu'dudobö, jo̧kwajabetjö̧ ötjönö suli̧ tjöwaedökötö. Jau chuluwo̧, Dios öba a'otjöbi, ökwö kwöba a'otjöbi wene jwiinö chö̧jobe, isabenö suli̧ waedökönö otiwanö chö̧jobetjö̧— jö̧ba̧lö atadinobe Danielma.

Daniel 4:32

ja̧danö jojodö tjö̧'da̧detjö ökwönö a'dewö lotjakwo̧ja. Tebonö ju̧kwadökwö kwö̧jakwo̧ja, ja̧danö pa̧ka̧yö̧ tjukwi̧danö meje'ye kwanö kwö̧jakwo̧ja, jelemutjö döbölataja o̧biya baledibanö. Jejenö baledakobe ökwönö, Diosnö bajalianö kwöwaisachibenanö kabatö, Isabenö Okobe Jwiinö Juluwo̧ Diosda inesö la'aka luwo̧ma, Diosda böjȩ luwedönö omudawö juno̧ma jö̧ba̧lö kwöwaisachibenanö kabatö— jö̧ba̧lö ökwöinobe.

Daniel 4:2

Okobe jwiinö juluwo̧ Diosma isabenö iteda ujulu i̧sebö, jojodö edajitjökö jawa i̧sebö pjaatinobe ötjönö, ja̧danö jejenö i̧sebö pjaatinobetjö̧ kwöwaisaduwobö yötawaduwakwö.

Deuteronomio 32:8

Jau chömöledö, okobe deinö la'aka luwedötjö inesö La'aka Luwo̧ Diosma jojodönö 'da̧batö ujuninobe, tjitebokwena jojodö batjibanö, ja̧danö tjitebo bakwachobekwena omukwatö ujuninobe. Jau, teada̧ladö angeledö tjö̧ba̧jekwi̧danö, tjitebokwena jojodönö 'da̧'yö ujuninobe.

2 Reyes 25:28

Ja̧danö ka̧lena labebajo̧, dösölö̧jinö̧ yöa̧linobe Joaquinnö, ja̧danö ju'wibi jo̧banö kabebö ujuninobe, ju'wedö jo̧bakwö ju̧kwadö la'aka luwedötjö bajalekwönönö mikwawo̧ baibanö.

Daniel 4:34

Ja̧danö, ja̧ jelemutjö döbalataja o̧biya baledibajenama, ötjö Nabucodonosorma mölejȩbekwö chedijatö, ja̧danö yemidanö jojo omukwati̧danö otiwanö chomukwatijatö. Ja̧danö Okobe Jwiinö Juluwo̧ Diosnö chösödijatö, ba̧kwȩlö̧jatebö jo̧nö chösödijatö, otiwo̧, juluwo̧ jö̧ba̧lö. Isabenö ba̧kwȩlö̧jatebö la'aka luwo̧ jo̧ Diosma, isabenö ba̧kwȩlö̧jatebö 'dö̧ibajökönö la'aka luwo̧ ö̧jakwo̧.

Daniel 5:21

Jojodöma jo̧banö tjö'da̧detjö a'dewö lotjinobe, ja̧danö omukwati̧ma tebonö ju̧kwadö tjomukwati̧danö omukwatinobe, ja̧danö labidö buludökwö ö̧jinobe. Pa̧ka̧yö̧ tjukwi̧danö meje'ye ukwinobe, ja̧danö yȩayikwena si̧li̧'idö tji'olitjö i̧'bȩkwinobe. Jejenö ö̧jinobe, bajalianö otiwanö Diosnö öwaisachibenanö kabatö. Jau, böjȩtjö tjitebotenia yöbawö waeawatenia isabenö yöbawö webo̧ma Okobe Jwiinö Juluwo̧ Diosda, ja̧danö tjitebotenia yöbawö weawatenia la'aka luwo̧nö 'da̧batö juno̧ma, Okobe Jwiinö Juluwo̧ Diosda, ja̧danö jejenö öwaisachibenanö kabatö kwabe'do Nabucodonosorma tebonö ju̧kwadö tjö̧jidanö ö̧jinobe.

Daniel 4:19

Jejenö yöawiökwe, Daniel, ju'wi imi Beltsasarma o̧'wo̧ tjo̧bekwö ö̧jinobe, yöbawökönö, ja̧danö Nabucodonosor i̧'wi̧dikwina jawa omukwatö, Ayö jö̧ba̧lö omukwatö ö̧jinobe. Jejenö ö̧jiökwe, Nabucodonosorma jo̧banö yöa̧linobe: —Yebabökönui, chi̧'wi̧dikwina omukwatö yebabökönui, ja̧danö labebö loawa omukwatöma yebabökönui, yebabökönö jweinö yöbawitjö— jö̧ba̧lö. Yöa̧liökwe, Daniel ju'wi imi Beltsasarma atadinobe: —Chuluwo̧, kwi̧'wi̧dikwina jawa ökwönö baledobö chöpöjöda, kwöpöjojodönöda baledobö chösöda, isabenö labi̧ jawa baledakwa̧ kwi̧'wi̧dikwinobetjö̧.