Daniel 5:17 - Dios Iwene

¹⁷ Yöa̧liökwe, Danielma la'aka luwo̧nö atadinobe baikwö: —Ja̧ kwiyobö jö̧ka̧laja̧ma chösödökö, ja̧ jawama ökwöda kwitea. Jelo̧nö kwiyobö jö̧ka̧litjö̧ma kwiyo, jo̧kwaijayonö ötjöma ja̧ jawa chösödökö chemobö. Jo̧kwaijayonö kwiyakwa̧ chemobö chöpöjödijayonö, yayonö weyukwi̧ jawa yöta̧locha, ja̧danö labebö lobö yötawocha ökwö la'aka chuluwo̧nö.

Daniel 5:17 Referans Kwoze

2 Reyes 5:16

Yöa̧lökwe, —Iyawa chemökö Naaman, ötjöma Isabenö Jo̧ ömöayo̧sa, ja̧danö chuluwo̧ öba a'o ja̧nö, isabenö yöbawö chujunakwö, iyawa chemökakwo̧sa, —jö̧ba̧lö. Yöa̧liökwe, —Kwemobö jo̧be, —jö̧ba̧lö yöa̧lijayonö, öpöjödinobe Eliseoma, —Chemökö, —jö̧ba̧lö.

Génesis 14:23

teatjöma ja'yubebi chemokobe, jö̧ba̧lö. Chemokobe jö̧ka̧laduwapji jö̧ba̧lö, ökwödöda, Abramnö pjadatajabe balada luwo̧ ö̧jinö, jö̧ba̧lö.

Hechos 8:20

Jo̧kwaijayonö jejenö aebiökwe Pedroma jö̧ba̧lijetö: —Sulabenö kwomukwatajabetjö̧ kwu̧kwa baladakwö ökwöla ubobekwö 'ya̧wi. Diosma ujulu mikwa jwiinö iyijayonö ökwöma sulabenö omukwatö jö̧ka̧lajabe, Baladanö midö chemocha, jö̧ba̧lö.

Daniel 5:29

Wȩyukwi̧ jawa Daniel labebö lobö yöawiökwe, Belsasarma chiyocha jö̧ba̧lö yöa̧laja̧danö iyinobe. Ömöayedönö weinobe Danielnö la'aka luwo̧ ö̧ka̧misido̧nö 'dutjatobö, ja̧danö orotjö otikwopja tjöladobö, ja̧danö Danielnö yötjawinobe jojodö tjöba a'otjö, inesö la'aka luwo̧ wa̧medukwa la'aka luwo̧ jojoma Danielda, okobe deinö Babilonia jojodötjö, sule du̧ju̧tajada Danieltjö bajalekwönönö la'aka luwedö tjö̧jakobe jö̧ba̧lö,

Daniel 2:6

Jo̧kwaijayonö chi̧'wi̧dikwaja̧bi, labebö loawabi yökawaduwitjö̧ma, balekwa mikwa otiwanö chiyakwawö̧ja, isabenö otiwa jawa chiyakobe, ja̧danö okobe deinö ökwödönö otiwanö tjomukwatobö pjatatakobe. Jo̧kwajabetjö̧, chi̧'wi̧dikwaja̧bi, labebö loawabi yöbawaduwitjö— jö̧ba̧lö.

2 Reyes 5:26

Omöna yöa̧lökwe, —Naaman ökwökwö yöa̧lakwawobö meibenama, ötjö cho̧'wo luwo̧ma jobe deaji̧? Deokobe Giezi, cho̧'wo luwo̧bi ökwödökwö ja̧nö edajabeta. Ja̧danö baikwö yötawakwö Giezi, babe Dios iteda ujulu i̧sȩbaja̧ mölema, tea emawa mölemaökö, baladabi, kamijido̧bo, olivo batjobi, uba batjobi, obejadönöbi, pakayadönöbi, tjömöayedönöbi tjiyitjö kwemoböma.

2 Reyes 3:13

Jobekwö tjichibiökwe, Eliseoma Israel la'aka luwo̧ Joramnö yöa̧linobe: —Ökwödöma bakwaiböködösa, ötjöma Diosnö ösödo̧ chö̧jonö, ökwöma ju'wedönö ösödo̧ja. Jo̧kwajabetjö ötjönö abebö a̧ja̧kwökönö, kwabe'do ja̧danö kwojo'do abebö tja̧ja̧kwinawö̧, tjösödawö̧ yötjawi̧ yöbawadönö abebö kwa̧ja̧kwo, —jö̧ba̧lö. Yöa̧liökwe, —Ja̧maökö Eliseo, Isabenö Jo̧ Diosda ökwödönö ko̧ko̧dö jwöbina, baikwö dichibanö iyö loobö, Moab la'aka luwo̧ ökwödönö ujuluwakobetjö̧. Ja̧danö jo̧bada ökwödönö iyö loobetjö̧, jo̧ba yöawi̧ abebö da̧ja̧kwakwö, —jö̧ba̧lö atadinobe Israel luwo̧ Joramma.