Daniel 4:18 - Dios Iwene

¹⁸ Ötjö inesö la'aka luwo̧ Nabucodonosorma jobekwö chi̧'wi̧dinö chedina yötawakwö Beltsasar, ja̧danö labebö loköbobö atebakwö. Jau Beltsasar, okobe deinö ju'wedö chömöayedö waisanö omukwatadöma, labebö lobö yötjawobö jwibadö, jo̧kwaijayonö jobadö yötjawobö jwitjijayonö, chöwaisa ökwönö Beltsasar, isabenö yökawobö jo̧be jö̧ba̧lö. Jau Beltsasar, chöwaisa, isabenö diosbedö tjo̧'wo̧ luwo̧ tjö̧jökweja, ja̧danö isabenö yökawobö jo̧be— jö̧ba̧lö yöawinobe Nabucodonosorma Danielnö.

Daniel 4:18 Referans Kwoze

Daniel 5:15

Ju'wedö waisanö omukwatadöbi, mea bobadöbi biya̧ wȩyukwi̧ jawa yötja̧loböbi, labebö lobö yötjawoböbi tjichatö, jo̧kwaijayonö waekwatö, labebö loböma yötjawökötö.

Génesis 41:8

Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

Daniel 5:8

Jo̧kwaijayonö, okobe deinö jobadö waisanö omukwatadö jö̧ba̧lö ötjabiwö̧ tebachö tjedijayonö, bakwo̧bi deinobe wȩyukwi̧ yöba̧lo̧ma, ja̧danö bakwo̧bi deinobe labebö lobö yöbawo̧ma.

Génesis 41:15

Ikenama faraónma ichajo̧nö yöbawijetö: —Ötjöma chi̧'wi̧dikwatö, ja̧danö bakwo̧bi chi̧'wi̧dikwaja̧ labebö lobö yöawotjöwe jö̧ta̧lemi deatö. Ja̧danö, yötjawi̧ cha̧ja̧kwatö ökwönöma, 'wi̧di̧kwakwawa labebö loawa waiso̧, jö̧ba̧lö— yöbawijetö.

Daniel 2:7

Weawö̧, yemidanö tjatadinobe: —Kwi̧'wi̧dikwaja̧ yökawo, ja̧danö a̧ja̧kwajadö labebö lobö yödawakobe— jö̧ba̧lö.

Isaías 19:3

—Egipto jojodö waisanö omukwatö tjujunaja̧ma waekwobö wetocha, ja̧danö waekwiawö̧, tjo̧'wo tjo̧bekwö tjö̧jakwedö, –Ayö, dakwö ja̧dakwajö, –jö̧ba̧lö. Ja̧tjakwa̧ tjöwaisachibotö jö̧ba̧lö, o̧'wo jawa tjösödawö̧nöbi atjebakwedö, jadanö ö'wö babibinadö tjo̧'wo luwo̧nö abebö tja̧ja̧kwotö jö̧ba̧lö, mea boawa otidadönöbi, ju'wedö ö'wö babibinadö tjo'wo luwo̧nö yöbaladönöbi abebö tja̧ja̧kwakwedö.

Génesis 40:12

Jejenö yöawiökwe jö̧ba̧lijetö Joséma jo̧banö: —Baikwö yötawa, kwi̧'wi̧dikwaja̧ labebo lobö. Ja̧ wa̧pö'bakwama wa̧pötakwa möle ji̧.

Daniel 1:20

Isabenö otiwanö waisanö tjomukwatinobe jobadöma. La'aka luwo̧ma nöinö abebö a̧ja̧kwinobe jobadönö, waisanö tjatadojobö jö̧ba̧lö. Waisanö omukwatakwawa ji̧ jawabi, waisakwawa ji̧ jawabi abebö a̧ja̧kwinobe, ja̧danö okobe deinö ju'wedötjö o̧penönö waisanö tjatadinobe. Okobe deinö Nabucodonosor ömöayedö mea boawa luwedötjöbi, yuawa luwedötjöbi jwiinö bajalekwönönö waisanö omukwatö tjatadinobe, domulatajanö baibanö jwiinö bajalekwönönö waisanö omukwatö tjatadinobe, Danielbi, ömöledöbi.

Daniel 2:38

Diosma ökwönö ujuninobe, okobe deinö tjitebotenia ju̧kwadö tjuluwo̧ bakibanö, jojodöbi, tebonö ju̧kwadöbi, mö kö̧ba̧ladöbi tjuluwo̧ bakibanö. Ja̧danö o̧'wo̧ jawa kwedinökwe uuma, orotjö otikwuuma ökwönö badekwachobe.