Jejenö ja̧bö tjö̧jakwedö, Diosma jejenö tjomajade okwanö tjomukwatobö ja̧inobetjö̧. Ja̧danö, jobadö domulataja la'aka luwedöma, wajwitjijayonö, jobuju inia tjöjinö ja̧tjakwa̧ma, Dios ösödi̧da ja̧tjobö tjö̧jakwedö. Ja̧danö, Diosma jobadö tjomajade okwanö tjomukwatobö ja̧inobetjö̧, bakwainö omukwatö, sulabo̧ duwo̧nö kabebö tjö̧wanakwedö, Ökwöda webö kwö̧jo, jö̧ba̧lö. Ja̧danö, Ökwödöma ökwö kwömöayedöduwisa, la'aka luwedöböködösa, jö̧ba̧lö, sulabo̧ duwo̧nö kabebö tjö̧wanakwedö, Diosma jobadö jejenö tjomukwatobö ja̧inobetjö̧. Jejenö ja̧bö tjö̧jakwedö, Dios badedö ujunina möle badekwachenanö baibanö.
Daniel 3:3 - Dios Iwene3 A̧debaja̧danö, okobe deinö jobadöma tjichinobe, ja̧danö ichibajadö, o̧'wo̧ jawa Nabucodonosor ujunajökwe öba a'o tjö̧jinobe. Gade chapit la |
Daniel 3:3
11 Referans Kwoze
Ikenama, otidö junajo̧, La'aka luwo̧ Nabucodonosorma okobe deinö tjitebotenia luwedönö tjichobö weinobe, jalobe la'aka luwedönöbi, gobernador otidadönöbi, balada te'ada̧ladönöbi, lȩekwa otidadönöbi, okobe deinö ju'wedö luwedö jawa otidadönöbi tjichobö a̧debinobe, o̧'wo̧ jawa ujunajökwenö ösödakwawa ajayi möle tjujunobö.
Ikenama jobe ko̧ko̧kwibajadönö yöbawo̧ma labinö yöawinobe: —Ökwödöma böjȩ bakwameachibanö tjitebotenia jojodöja, ja̧danö bakwasokwena jojodöja, ja̧danö wainökwena tjiwenetenia yöba̧ladöja, jo̧kwaijayonö okobe deinö bakobe kwa̧ja̧kwaduwobö jo̧be Inesö la'aka luwo̧ ökwödönö wei̧ma, okobe deinö ökwödönö wei̧ma bakwaiobe.
Ikenama okobe deinö gobernadorebedöbi, ju'wedö luwedöbi, lȩekwa otidadöbi ko̧ko̧kwö tjedinobe ökwölatjö labebadönö, ja̧danö tjedemi ökwöla ja'yubebi juluwököwö̧nö tjedinobe. Ökwöla okwa kwetjachajayonö, tjöwö'yebi, tjö̧ka̧misi wamesado̧bi, ja'yubebi ubajököwö̧nö tjedinobe, ja̧danö ökwölatjö latjebijayonö, imiyu'wo 'dö̧ekwi̧ ja'yubebi 'dö̧bekwöködönö 'dö̧tjatinobe, ökwöla jwiena ja̧dödanö.
Piblisite