Daniel 3:12 - Dios Iwene

¹² Jo̧kwaijayonö, Judá jojodötjö weköbaja̧ a̧ja̧kwöködö tjö̧jobe, belö Babilonia niji luwedö batjibanö kwujuninawö̧ma, bidö: Sadrac mikwo̧bi, Mesac mikwo̧bi, Abednego mikwo̧bi. Duluwo̧, jobadöma weköbi̧ a̧ja̧kwöködö, o̧'wo̧ jawa kwösödawö̧nö tjösödobö öpöjödadö, ja̧danö orotjö otidö kwujuninökwenöbi bȩbachibö tjösödobö öpöjödadö— jö̧ba̧lö yötjawinobe Nabucodonosornö.

Daniel 3:12 Referans Kwoze

Daniel 6:13

Jejenö atadawö̧ la'aka luwo̧ Daríonö yötja̧linobe: —La'aka duluwo̧, damötjö iteda itebo Judátjö öbibö tjichejebinökwe Danielma ökwönö a̧ja̧kwö̧kö̧. Jelo̧nö aebobö jwiobe jö̧ba̧lö wȩyudö weköbinajayonö, yayonö mölekwena wa̧pötakwanö iteda ösödökwe Diosnö abebo̧— jö̧ba̧lö yötja̧linobe.

Daniel 2:49

Ja̧danö, Danielma Nabucodonosornö aebinobe, ömöledö Sadracnöbi, Mesacnöbi, Abednegonöbi luwedö batjibanö kabebö ujunobö. Ja̧danö Daniel aebaja̧danö jobadönö ujuninobe, luwedö babibö Babilonia niji jawa tjotidobö. Jo̧kwajabetjö̧, ja̧ tjotidinobe, ja̧danö Danielma Nabucodonosor ejunö otidö ö̧jinobe.

Hechos 17:7

Bite Jasón jobadönö pjaatajabe, ite ejunö tjabobö tebatö. Jo̧ba, jo̧ba ömöledö, bidö okobe deinö duluwo̧ César weina öpöjödadö. César ökwödö duluwo̧bö̧kö̧, Jesúsda ökwödö Duluwo̧, jö̧ba̧lö, yöba̧ladö— yöba̧lijadötö.

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Hechos 5:28

—Ökwödöma ¿tajawedö yelösöda kwa̧ja̧kwaduwököda? Labinö lȩdebijatö ökwödönöma, Jesús ö̧jina jawa yökawaduwoko, jö̧ba̧lö. Jejenö lȩdebinajayonö ökwödöma okobe jwiinö Jerusalén nijinö yökawaduwobe. Ju'wibi yöka̧laduwobe, ökwödönö waneda̧lö, Jesús woinama ökwödöda wedinobe, jö̧ba̧lö— jö̧ba̧lijetö.

Daniel 1:7

Ja̧danö, jobadönö omudawajo̧, Aspenazma jobadönö tjimi wainö imidinobe, Babilonia jojodö tjimikwi̧danö, baikwö: Danielnö Beltsasar jö̧ba̧lö imidinobe, ja̧danö Ananiasnö Sadrac jö̧ba̧lö imidinobe, ja̧danö Misael mikwo̧nö Mesac jö̧ba̧lö imidinobe, ja̧danö Azarías mikwo̧nö Abednego jö̧ba̧lö imidinobe.

Daniel 2:48

Ikenama la'aka luwo̧ Nabucodonosorma nöinö otiwa jawa iyinobe Danielnö, ja̧danö jo̧banö kabebö ujuninobe, okobe jwiinö Babilonia niji la'aka luwo̧ baibanö, ja̧danö okobe deinö iteda ömöayedö waisanö omukwatadö ötjabiwö̧tjö la'aka luwo̧ baibanö.

Daniel 3:11

ja̧danö bȩbachibö ösödö̧kö̧nö ökwöla jwiinö ubolanö ikwö lotjobö weköbatö, ¿jö̧tö?

Daniel 3:16

Jejenö yöawiawö̧, Sadracbi, Mesacbi, Abednegobi la'aka luwo̧nö tjatadinobe: —Duluwo̧ Nabucodonosor, ökwönö datadobö jwiobe, weköbaja̧danö dösödakwedösa jö̧ba̧löma.

Daniel 3:29

Jo̧kwajabetjö̧ babema 'yayi̧ weawa wetobe baikwö: Bakwo̧bi bidö tjuluwo̧ Diosnö sulabenö yöa̧lobö jwiobe, okobe deinö chömöayedötjö tjitebotenia jojodöbi, bakwosokwena jojodöbi, wainökwena yöba̧ladöbi, otiwanö yötja̧lobö jo̧be bidö Sadracbi Mesacbi Abednegobi tjösödökwe Diosnö. Ja̧danö bakwo̧ jo̧banö sulabenö yöa̧litjöma, jo̧banö bulabinö lotjakwo̧, ja̧danö ejuma jwiinö pjolö lotjakweju, inasoda baibanö. Isabenö tjuluwo̧ Diosdanöbo̧ma deobe, jo̧ba pjaataja̧danö ömöayedönö tjö̧jibinö pjabato̧ma deobe— jö̧ba̧lö yöa̧linobe Nabucodonosorma.

Daniel 3:30

Ikenama Nabucodonosorma ajayitjö bajalekwönönö kabebö ujuninobe Sadracnöbi Mesacnöbi Abednegonöbi, ajayitjö bajalekwönönö Babilonia niji la'aka luwedö batjibanö.

Daniel 6:14

Jejenö yötja̧li̧ a̧ja̧kwö, jwiinö o̧'wo̧ tjoekwinobe Daríoma, ja̧danö möle baledibanö omukwatö isakwinobe, ja̧ weaja̧tjö̧ Daniel ö̧jibobö. Yö̧te baibenanö kabatö, Danielnö pjaatobö omukwatinobe Daríoma, jo̧kwaijayonö waekwinobe.