Biblia Todo Logo
Bib sou entènèt

- Piblisite -




Daniel 11:9 - Dios Iwene

9 Jemi ikenama, ja'yubenö lekwajabetjö, Siria la'aka luwo̧ma ömöayedökwö Egipto nijibe i̧'yakobe ölakwabikwawobö, jo̧kwaijayonö juluwanö tjitebobe tjȩwa̧jakobe.

Gade chapit la Kopi




Daniel 11:9
6 Referans Kwoze  

Ja̧danö jobadönö baledakwa̧ baikwö yötawa: jakwölakwö a̧li̧kwötebö Egipto la'aka luwo̧ma juluwo̧ ö̧jakobe, jo̧kwaijayonö jo̧ba ömöayedötjö bakwo̧ guardia la'aka luwo̧ma, iteda uluwo̧tjö bajalekwönönö juluwo̧ baibakobe, ja̧danö uluwo̧bajo̧nö ujuluwakobe, ja̧danö isabenö jalobe yöbawö weakobe guardia la'aka luwo̧ma, ajayinö uluwo̧bajo̧tjö bajalekwönönö jalobe yöbawö weakobe.


Ja̧danö, jejenö juluwajo̧, nöinö tjitea emö ȩwa̧jakobe itebo Egiptobe, 'dii jawatjö otikwedö o̧'wo̧ jawa tjösödawö̧bi, nöinö mikwawi̧ dȩja̧pi̧ya orotjöbi platatjöbi otikwaö̧pi̧yabi. Jemi ikenama ja'yubenö lekwe Siria jojodökwö ölakwabikwawoböma isakwökakobe.


Jemi ikenama Siria la'aka luwo̧ i̧tji̧muma, Egipto luwo̧kwö tjölakwabikwawakobe. Jobadöma yelösöda ba̧jekwadö guardia jojodönö ko̧ko̧dö Egipto nijikwö tji̧'yakobe, ja̧danö yelösöda ba̧jekwadö Israel niji tjöbaledakobe, wanedö yötawa, ojwe okwatö okobe jwiinö okwati̧danö, okobe jwiinö Israel niji bakwameachibanö tjö̧jakobe. Ja̧danö ölakwabikwawö ichö, Egipto luwo̧ 'diinö tjöbebö otidina comunidad tjichibakobe, jo̧banö tjujuluwotö jö̧ba̧lö.


Jejenö tjichibiökwe, Egipto la'aka luwo̧ma jwiinö dameakwö ölabikobe, ja̧danö ömöayedö guardia jojodökwö laebakobe, Siria la'aka luwo̧ ömöayedökwö ölakwabikwawobö. Ja̧danö, Siria la'aka luwo̧ yelösöda ba̧jekwadökwö ichö ölakwabikwawijayonö, Egipto la'aka luwo̧ma jobadönö ujuluwakobe.


Ja̧danö, jobadöma Obeja Itji̧danö Jo̧nö tjujuluwobö tji̧'yakwedö. Jo̧kwaijayonö waekwakwawö̧ yelösöda. Obeja Itji̧danö Jo̧ma jobadönö jwiinö ujuluwakwo̧. Jo̧bama inesö Duluwo̧obetjö̧, inesö La'aka Luwo̧obetjö̧ jobadönö jwiinö ujuluwakwo̧. Ja̧danö, Obeja Itji̧danö Jo̧kwö ja̧döma, jo̧ba jwöbö, omudawö ujuninawö̧ma, jo̧banö kabatibökönö tjo̧'wo̧ wana̧ladö— yöawijatö ángelma ötjönöma.


Swiv nou:

Piblisite


Piblisite