Daniel 11:44 - Dios Iwene

⁴⁴ Jemi ikenama jawo̧ meajobekwötjö baledi̧ wenebi, jakwölakwötjö baledi̧ wenebi a̧ja̧kwakobe, ja̧danö a̧ja̧kwö yeaibakobe. Ja̧danö juluwanö labinö i̧'yakobe öpöjojodönö söbebö loobö, ja̧danö ba̧jekwadö jojodönö kwabö loobö.

Daniel 11:44 Referans Kwoze

Apocalipsis 17:13

Ja̧danö, jobadö domulataja la'aka luwedöma, bakwainö omukwatö, Ökwödö webö dö̧ji̧ma bite duwo̧nö iyö dujuno, jo̧bada webö ö̧jobö, jö̧ba̧lö, tjomukwatakwedö. Ja̧danö, jobadöma, la'aka luwedöböködö babibö, sulabo̧ duwo̧ ömöayedöda batjibakwedö.

Apocalipsis 16:12

Ja̧danö, ikena luwo̧ ángel, jelemutjö bakwo̧ sa̧bo̧ baibanö ángelma, idȩja̧'do̧ do̧ba̧lö, ja̧'do̧nö okwobu ojwe nöödönö, Eufrates mikwödönö sa̧obe chedijatö. Sa̧emi okobe jwiinö kököachibobe chedijatö, nijida baibanö. Ja̧danö, ju'wedö la'aka luwedöma, tjömöayedö guardia jojodökwö ja̧wo̧ ichobetjö labebö tjichakobetjö̧, nijida baibobö sa̧bo̧, ángelma.

Daniel 11:30

Quitim nijitjö Egipto jojodönö pjabatadö tjisowinö tjichakobetjö̧. Ja̧danö, pjabatö ichajadönö edö, yeaibakobe, ja̧danö ȩwa̧jakobe. Ja̧danö ȩwa̧jö, jwiinö ölabikobe Diosnö ösödadönö, ja̧danö Diosnö ösödakwawa söbebö lootö jö̧ba̧lö ja̧akobe, ja̧danö Israel jojodötjö Diosnö kabatibadönö pjaatakobe.

Daniel 11:11

Jejenö tjichibiökwe, Egipto la'aka luwo̧ma jwiinö dameakwö ölabikobe, ja̧danö ömöayedö guardia jojodökwö laebakobe, Siria la'aka luwo̧ ömöayedökwö ölakwabikwawobö. Ja̧danö, Siria la'aka luwo̧ yelösöda ba̧jekwadökwö ichö ölakwabikwawijayonö, Egipto la'aka luwo̧ma jobadönö ujuluwakobe.

Daniel 11:43

Ja̧danö jo̧ba Siria luwo̧ma Egipto jojodönö juluwajo̧ okobe jwiinö Egipto niji nöinö mikwawi̧ jawa tojö tjujunina jawa 'döebakobe, orotjö ja̧danö platatjö ja̧danö ju'wi nöinö mikwawi̧ jawatjö otikwa jawama. Ja̧danö ju'wibi Libia jojodöbi, Etiopía jojodöbi wetjakobe, Siria luwo̧ma la'aka tjuluwo̧ baibobö.

Daniel 11:45

Ja̧danö, Siria luwo̧ma 'ya̧nö, tji̧sȩdo̧tjö otikwöte, iteda ö̧jakwöte löwötebiya ujunakobe Israel nijinö, jobe ja̧nö ölakwabikwawobö. Ja̧ ujunakwa̧ma, inesö otiwa'o Jerusalén comunidadsa'obi, jwaibalawabi 'da̧de löwötebiya ujunakobe, ja̧danö jobetjö debö i̧'yakobe, jo̧banö pjabatadö detjakobetjö̧— jö̧ba̧lö yöawinobe ángelma Danielnö.