Daniel 11:30 - Dios Iwene

³⁰ Quitim nijitjö Egipto jojodönö pjabatadö tjisowinö tjichakobetjö̧. Ja̧danö, pjabatö ichajadönö edö, yeaibakobe, ja̧danö ȩwa̧jakobe. Ja̧danö ȩwa̧jö, jwiinö ölabikobe Diosnö ösödadönö, ja̧danö Diosnö ösödakwawa söbebö lootö jö̧ba̧lö ja̧akobe, ja̧danö Israel jojodötjö Diosnö kabatibadönö pjaatakobe.

Daniel 11:30 Referans Kwoze

Génesis 10:4

Ja̧danö, Javántjö tupadanö jojodöma bidö: Elisa jojodö, Tarsis jojodö, Quitim jojodö, Dodanim jojodö.

Daniel 11:28

Ja̧danö, nöinö itea emajo̧, Siria la'aka luwo̧ma itebobe ȩwa̧jakobe. Ja̧danö, ȩwa̧jena, Israel nijibenö ȩwa̧jakobe. Jejenö Israel niji baledö ȩwa̧jonö, jwiinö öpöjödakobe, Israel jojodö Diosnö tjösödi̧ma, ja̧danö jobadö Diosnö ösödadönö sulabenö ja̧akobe, ja̧danö sulabenö ja̧bajo̧, ȩwa̧jakobe.

Isaías 23:12

Jobekwö webö, Sidon jojodönö yöa̧lajabe: –Bemi tupakwö kwo̧'wo ösöwanöma yöka̧lökakwujuja, ökwö Sidon itjiju möayujuma. Usula emawö, jwaibalawa pebibö, Chipre ö'wejesa'obe kwi̧'yo, jo̧kwaijayonö jobe kwichibijayonö, yayonö wene jwiinö kwö̧jökakwujuja, –jö̧ba̧lö yöa̧lajabe, Sidon niji jojodönö, —jö̧ba̧lö laebobe Dios yöawi̧, Tiro comunidad baledakwa̧ jawama.

Isaías 23:1

Baikwö laebobe Dios yöawi̧, Tiro comunidad baledakwa̧ jawa: —Ökwödö Tarsis niji isowibiyanö kwebachadöma, o̧'wo tjo̧achö kwubudekwaduwo, tjola lamatajiköbaduwola söbebö lotjinobetjö̧. Jau, ödötjö ichajadö, Tiro comunidad tjolabe kwichibaduwobö jö̧ka̧laduwijayonö, comunidadbi, tjolabi söbebö loawemida jo̧be. Chipre nijitjö ichajadö ökwödönö yötjawinadanö isabenö baledinobe, jo̧kwajabetjö̧ kwubudekwaduwo.

Apocalipsis 12:12

Ja̧danö, Awetjanö tjujuluwinobetjö̧ ökwödö mölejȩnö ju̧kwadöma, otiwanö, kwo̧'wo̧duwi ösöwanö ju̧kwaduwi, jobema deobe Awetjama. Jo̧kwaijayonö jejenömaökö böjȩnö ju̧kwadöma. Yelösöda kwo̧'wo̧duwi ösöwanöma kwö̧jaduwokobe. Böjȩkwö jatjajökwema, yelösöda ölakwabikwawobe ökwödönöma. Jo̧bama öwaisa, Tjo̧wi̧, chö̧ji̧ma 'dö̧ibaja, lekwökö, jö̧ba̧lö. Jo̧kwaobetjö̧ ökwödönö labinö, inia tjököbaduwinö ja̧obö omukwato̧— jejenö mölejȩbetjö iwene yöawi̧ cha̧ja̧kwijatö.

Mateo 24:10

Ja̧ möle, ba̧jekwadö katjatibakobe, ja̧danö tjömöledönö tjöpöjojodönö iyö lotjakobe, ja̧danö tjömöledönö tjöpöjödakobe.

Daniel 7:25

Ju'wibi jo̧bama sulabenö Diosnö yöa̧lakobe, ja̧danö Diosnö ösödadönö sulabenö ja̧akobe, usula tjemawinö. Ja̧danö Dios weina pjiesta jawa möle balewö loobö isakwakobe, ja̧danö Dios jojodönö wei̧bi balewö lobö wainö weobö isakwakobe. Ja̧danö Diosma weakobe, wa̧pötakwa o̧biabi, ju'wi o̧ba ja'öbi Diosnö ösödadönö ujuluwobö.

1 Crónicas 1:7

Ja̧danö Jafet itji̧ Javan itji̧mu tupadanö jojodöma bidö: Elisa jojodöbi, Tarsis jojodöbi, Quitim jojodöbi, Dodanim jojodöbi.

Daniel 11:29

Ja̧danö Dios badedö ujunina möle badekwachenama, yemidanö Egipto nijibe ujuluwotö jö̧ba̧lö i̧'yakobe Siria la'aka luwo̧ma. Jo̧kwaijayonö yemidanö i̧'yenama, ajayinö ujuluwinadanöma baledökakobe,