Daniel 10:3 - Dios Iwene

³ Söi̧ kwakwawabi, itebiabi kwökönö, ja̧danö ubasobu o̧'do̧bubi owökönö ö̧töchö chö̧jijatö. Ju'wibi ja̧ wa̧pötakwa semana baledibanö ja'yubebi omewasobu dubawökönö chö̧jijatö, jwiinö cho̧'wo̧ tjoachobetjö̧.

Daniel 10:3 Referans Kwoze

Mateo 6:17

Jau chömöledö, jobadö ja̧tji̧danöma ja̧köbaduwa. Ökwödö Diosnö omukwatö ö̧tö̧chö kwö̧jaduwenama, kwöwö'ye so̧bekwö, kwöba dichawö ja̧köbaduwo.

Daniel 11:8

Ja̧danö, jejenö juluwajo̧, nöinö tjitea emö ȩwa̧jakobe itebo Egiptobe, 'dii jawatjö otikwedö o̧'wo̧ jawa tjösödawö̧bi, nöinö mikwawi̧ dȩja̧pi̧ya orotjöbi platatjöbi otikwaö̧pi̧yabi. Jemi ikenama ja'yubenö lekwe Siria jojodökwö ölakwabikwawoböma isakwökakobe.

1 Corintios 9:27

Jau chömöledö, wanedö yötawa: Chiteba'o kwakwabö chöba̧ja̧dobedanö ichejekwa, jwaikwöda chösödi̧danö chiteba'o ja̧o jö̧ba̧lö. Jau chömöledö, jejenö ja̧bö chö̧jobe, ju'wedönö yötawaja̧ ikena, ötjöda waekwo̧ batibapji jö̧ba̧lö.

Daniel 6:18

Ja̧danö, kabatajo̧, La'aka luwo̧ Daríoma iteda ejube ȩwa̧jinobe. Ja̧danö, ja̧ yö̧te baledibanö Daríoma kwakwawa kwökönö ö̧töchö ö̧jinobe, ja̧danö o̧'wo̧ ösöwachibobö pjabatadö tjichobö weinokobe, Danielnö omukwatö. Ja̧danö, Danielnö omukwatö, bö̧ti̧ jwiinö yö̧te baledibanö abökönö ö̧jinobe Daríoma.

Diosnö ösödo̧ Job mikwo̧ usula emawina jawa 33:20

Jejenö inia tjöbö ja̧nö, kwakwawabi ukwobö öpöjödachibena, jwiinö söi̧ kwakwawabi ukwobö öpöjödena,

2 Samuel 19:24

Ikenama Saul ö'dö̧ Mefibosetma la'aka luwo̧ Davidnö edö ichinobe. Jo̧ba Mefibosetma, David Jerusalentjö laebinelö, yemidanö wene jwiinö ȩwa̧jenanö kabatö ömasapiyabi dichawökönö, ja̧danö ajesa'ye jwobawö lobökönö, ökamiji̧do̧ dichökönö ö̧jinobe, la'aka chuluwo̧ Davidnö cho̧'wo tjo̧acha jö̧ba̧lö.

Lucas 7:46

Ja̧danö, ötjönö otiwanö kwomukwati̧ i̧sebö, olivo o̧te tokebökötö chuunö, jo̧kwaijayonö bisuma ötjönö otiwanö jomukwati̧ i̧sebö, nöinö mikwawi̧ omewi̧ jawa tojebajabe chömasapanö.

Daniel 10:12

Jejenö tjöbawö chö̧jiökwe, yöawinobe baikwö: —Daniel, yekabi, Diosma isabenö akebi̧ a̧ja̧kwobetjö̧. Jau Daniel, ökwöma Dios öba a'otjö, mikwawö̧kö̧sa̧ jö̧ba̧lö, kwedina jawa kwöwaisachibobö akebinobe Diosnö, ja̧danö ja̧ möletjö baikwö bajalenö, akebi̧ a̧ja̧kwo̧ Diosma, ja̧danö jejenö akebiökwe ökwönö yötawobö weajabe Diosma.