Daniel 1:12 - Dios Iwene

¹² Jo̧banö aebinobe baikwö: —Domulataja möle baledibanö atebaja̧danö dukwobö weköbo, sule batjo jawada dukwobö weköbo, ja̧danö sule ojwiyoda dowobö weköbo, domulataja möle baledibanö.

Daniel 1:12 Referans Kwoze

Romanos 14:2

Baikwö labebö lobö yötawa chömöledö: Ökwödötjö ju'wedö tjomukwatena, Okobe jwiinö kwakwawama otiwa, suli̧ waedökö kwakwawama, wame jawa, jö̧ba̧lö tjomukwatena. Jejenö omukwatö, okobe jwiinö kwadö jobadöma. Jo̧kwaijayonö, ju'wedö ina tjo̧'wo̧ luwo̧nö me'dawadöma, wainö omukwatadö tjuju̧kwena, baikwö omukwatadö: Itebiya chukwitjö̧ma, suli̧ waedena, Dios öpöjödena jö̧ba̧lö tjomukwatena. Ja̧danö, jejenö omukwatö, sule batjo jawada kwadö jobadöma.

Daniel 1:16

Ja̧danö, jejenö edajo̧, jemi tupakwö sule batjo jawada tjukwobö, ja̧danö sule ojwiyoda tjowobö weinobe, inesö la'aka luwo̧ u̧kwa tjukwoböma weinokobe.

Deuteronomio 8:3

Jau chömöledö, Juluwöködösa, jö̧ba̧lö kwöwaisachibaduwakobetjö̧, ajayinö a̧wi̧chi̧löji̧ weinobe, ikenama mölejebetjö tjoduwi̧ Mana ötjabi̧ kwawawa iyinobe, ökwödöbi kwa'dödöbi wajwiköbinaduwa jawa kwakwawa kwukwaduwobö iyinobe. Jejenö ba̧ja̧dö iyinobe chömöledö, kwöwaisachibaduwakobetjö̧, –Sule kwakwawa kwanödama otiwanö jö̧ködö jojodöma, okobe jwiinö Isabenö Jo̧ yöawi̧ da̧ja̧kwitjö̧da otiwanö dö̧jakwedösa, –jö̧ba̧lö kwöwaisachibaduwakobetjö̧.

Apocalipsis 2:10

Yötawaduwakwö lekwokobetjö inia tjököbaduwinö baledakobe ökwödönöma. Jejenö baledi̧ma yekabiduwoko, chömöledö. Kwo̧'wo̧ 'dibachibö kwö̧jaduwo. A̧ja̧kwaduwitjö. Awetjama ökwödötjö ju'wedönö ka̧lena ba̧kwawejunö tjödobö weakobe, ötjönö kwo̧'wo̧ kwöwana̧laduwi̧ma kakatibaduwojobö edobö. Ja̧danö, jo̧bama inia tjököbaduwinö ja̧tjobö weakobe, ja'yubeda lekwe, domulataja möle baibanö. Ja̧danö, chömöledö, kabatibökönö kwo̧'wo̧ kwöwana̧laduwotjö, kwabö lotjobö jö̧tja̧lenabi. Yekabiduwoko chömöledö. Ö'wö bakibaduwaja̧ ikena, chöba a'o kwichibaduwena, ba̧kwȩlö̧jatebö ja̧kwawa chiyakwo̧sa, Otiwanö kwujuluwaduwajabe, jö̧ba̧lö.

Daniel 1:11

Jejenö Aspenaz öpöjödiökwe, Danielma jelo̧nöbi aebinobe, Aspenaz ömöayo̧nö. Aspenazdama kwakwawa iyaböma otidinokobe, ömöayedötjö ju'wedönö ujuninobe, kwakwawa iyawa luwedö batjibanö, ja̧danö jobadötjö bakwo̧nö Danielnöbi, ömöledönöbi kwakwawa iyawa luwo̧ baibanö ujuninobe. Jo̧kwajabetjö̧, jo̧ba kwakwawa iyawa luwo̧nö aebinobe Danielma.

Daniel 1:13

Jemi ikenama, domulataja möle baledibajenama, döba edö badedö kwedo, didötjö o̧penönö otiwadö tjö̧jojobö jö̧ba̧lö, ökwödödaena, ju'wedö möayedö inesö la'aka luwo̧ u̧kwa kwadödaena. Ja̧danö, jejenö badedö edajo̧, kwomukwati̧danö du̧kwa weköbo— jö̧ba̧lö aebinobe Danielma.