Colosenses 4:6 - Dios Iwene

⁶ Ja̧danö, jobadönö yöka̧laduwi̧ma, dösölö̧jinö yöka̧laduwodönö. Ja̧danö wanedö yötawa: Meyuwanöma yöka̧laduwoko, söinö yöka̧laduwodönö chömöledö. Ja̧danö, jojodö ökwödönö abebö tja̧ja̧kwenama, otiwanö kwatadaduwo jö̧ka̧laduwi̧danö atadakwawa kwöwaisaduwo chömöledö, otiwanö jobadönö kwatadaduwakobetjö̧.

Colosenses 4:6 Referans Kwoze

Efesios 4:29

Ja̧danö, sulabema yöka̧laduwa chömöledö. Pjabatö yöa̧lakwawada yöka̧laduwo, bakwo̧ o̧'wo̧ tjo̧bekwö jo̧nö pjabatö. Jejenö yöka̧laduwi̧ a̧ja̧kwadönö pjakataduwakobe, tjo̧'wo̧ luwo̧ ösöwachibawö̧ jö̧tja̧lobö, Bidöma otiwanö pjabatö yöba̧ladö, jö̧ba̧lö.

Marcos 9:50

Ina yöbawijetö, wanedö yöbawö, sayu yöawakwawama: —Sayuma pjabatö otikwa otiwijayonö suli̧ waekwenama sayuma yemidanö otiwachökö. Ja̧danö ökwödöma, ju'wi jaye kwakwawa sayu pjabatö otikwadanö, suli̧ waekwökönö otiwanö pjabatakwawö kwuju̧kwaduwo kwömöledökwö—yöbawijetö Jesúsma öba̧ja̧di̧ waisachadönöma.

Proverbios 15:4

Ja̧danö, ju'wibi yötawa: Bakwo̧ tjo̧'o̧manö ösödö yöba̧lo̧ yöa̧li̧ma jwiinö mikwawobe. Wanedö yötawa: Towinö wa̧ji̧ma jojodönö pjaati̧ jawa, kwanö tjo̧'wo̧ 'yaba̧lö tjö̧jobö. Ja̧ pjaati̧danö bakwo̧ tjo̧'o̧manö ösödö yöa̧li̧ma yöa̧laja̧wö̧nö pjaatobe tjo̧'wo̧ ösöwanö tjö̧jobö. Jobekwö pjaatokobe sulabenö omukwato̧ ömöna yöa̧li̧ma. Sulabenö omukwato̧ omöna yöa̧li̧ma ja̧kwawö̧kö̧ ji̧. Yöa̧laja̧wö̧nö sule o̧'wo̧ tjo̧achinöda tjö̧jobö ja̧obe.

Proverbios 15:7

Ja̧danö, ju'wibi yötawa: Jweinö omukwatö yöbawadöma jojodönö pjabatö yöbawadö, ju'wi jawabi ju'wi jawa tjöwaisobö. Jobekwö pjabatö yötjawokobe jweinö omukwatöködöma. Jweinö omukwatöködöma ¿dakwö pjabatö yötjawoböda? Jwibadö. Jojodönö pjabatö yötjawoböma jwiyobe jweinö tjo̧mukwatokobetjö̧.

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

Mateo 5:13

Tupakwö wanedö yöawinobe Jesúsma: —Chömöledö, sayu kwakwawa söinö pjaati̧danö, ökwödöma böjȩ jojodö tjö'da̧de ja̧nö pjakataduwo. Jau chömöledö, meyuwökönö kwö̧jaduwo, baikwö yötawa: Sayuma kwöwaisaduwa, sayu meyuwachibitjö̧ma, mikwawökö ji̧, ja̧danö yemidanö o̧toböma jwii̧, ¿jö̧tö? Jejenö meyuwitjö̧ma, ikwö lotjena, ja̧danö jojodö tjö̧jatena, ¿jö̧tö?

Proverbios 10:21

Ja̧danö, ju'wibi yötawa, wanedö: Dios wei̧ a̧ja̧kwadö yötjawi̧ma jojodönö ba̧jȩkwadönö pjaatobe tjo̧'wo luwo̧ tjujuluwachibanö. Kwakwawa kwanö tjujuluwachibi̧danö tjo̧'wo̧ luwo̧ tjujuluwachibobe, Dios wei̧ a̧ja̧kwadö yötjawi̧ tja̧ja̧kwobetjö̧. Ja̧danö, ju'wibi yötawa: Jweinö omukwatöködöma omukwatökönö tjö̧jobetjö̧ debö tji̧'yakwedö.

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

1 Crónicas 16:24

Tjitebokwena jojodönö yödawaduwo, —Isabenö Jo̧ma dejatinö juluwo̧, —jö̧ba̧lö. Okobe deinö tjitebokwena jojodönö yödawaduwo, iteda ujulunö jojodö edajitjökö jawa i̧sȩbinama.

Deuteronomio 11:19

Ja̧danö ju'wibi ökwödönö yötawi̧ jawa kwitji̧muduwinöbi kwö̧ba̧ja̧daduwo, jobadöbi omukwatö tjö̧jakobetjö̧. Kwejuduwinö kwö̧jaduwenabi, jelobe kwö̧jaduwenabi, kwabaduwobö kwöbamataduwenabi, kwa̧la̧ibaduwenabi, ja̧ jawa yöka̧laduwobö jo̧be chömöledö, isabenö mikwawobetjö̧.