Apocalipsis 8:3 - Dios Iwene

³ Jemi ikenama jelo̧ ángel ichö, juwö iyawemi la'aka jamato̧nö chedijatö. Jo̧ba dȩja̧'do̧danö ichejekwa'do̧, orotjö otikwa'do̧ do̧ba̧lo̧nö chedijatö. Ja̧'do̧ma söinö 'dö̧ekwi̧ jawa, juwawa okwa'do̧. Ja̧danö, söinö nöekwi̧ jawa iyajökwe, jo̧ba ángelma, ja̧ söinö nöekwi̧ jawakwö, Dios ömöledö babibinadö atjebi̧kwö ja'do̧ okwa iwiwodobe chedijatö. Wiwodajo̧, ujuwobe chedijatö.

Apocalipsis 8:3 Referans Kwoze

Apocalipsis 5:8

Ikenama, tjöbajalebiya a̧tja̧bayedöda ju̧kwawö̧ ö'wejemu luwabi, damö la'aka luwedö veinticuatronöbi tju̧yu̧ju̧ki̧junö bamatö, tjuu nijakwö bȩtjachibijatö, Obeja Itji̧danö Jo̧ öba a'o. Jobadöma, bakwo̧nökwena, harpa do̧ba̧lakwawö bȩtjachibijatö. Ja̧danö, dȩja̧'di̧ju, orotjö otikwa o'di̧ju, bakwo̧nökwena do̧ba̧la̧kwawö bȩtjachibijatö. Ja̧ o'di̧junöma söinö nöekwi̧ jawa, imiyu'wo söinö nöekwi̧ o'wo baibanö tjujuwi̧ jawa, okwijatö, su̧'bȩnö. Ja̧ söinö nöekwi̧ jawatjö söinö nöekwi̧ imiyu'woma Dios ömöledö babibinadö Diosnö atjebi̧ wanekwachobe.

Apocalipsis 8:4

Ja̧danö, söinö 'dö̧ekwi̧ jawakwö Diosnö atjebi̧ jawakwö ubemi imiyu'woma, Dios ö̧bemi badeibö kaamobe chedijatö, ángel juwö iyajemitjö.

Lucas 1:10

Ja̧danö, ba̧kwȩlö̧jatebö ja̧biatji̧danö, jo̧ba Dios ejutjö omewi̧ jawa ujuwonö, jojodöma a̧petutjö Diosnö ösödö atjebinobe.

Apocalipsis 9:13

Ja̧danö, jemi ikena ángel trompeta pjubo̧, jelemutjö bakwanusanu pjubo̧ baibanö pjuenama iwene ökwi̧ cha̧ja̧kwijatö. Ja̧ iwenema, Dios ö̧bemi badeibö, söinö nöekwi̧ jawa juwö iyawapjo, orotjö otikwapjotjö ökwöi̧ cha̧ja̧kwijatö, ö'wejemu jawa ö'ibiya ju̧kwa 'do̧'do̧kwetenia.

Hebreos 9:4

Ja̧danö isapjo ji̧nobe, Diosnö iyawemima. Japjo wamenö söinö nöekwi̧ jawa juwiatjinobe, okwasȩko̧tjö Diosnö iyö. Japjoma, towi ötebiatjö tjotidinapjo. Ja̧danö, japjoma orosapitjö pötjebinapjo okwakwöchobenöbi, wamekwöchobenöbi. Ja̧danö okwasȩko̧, jwiinö inesösȩko̧nö jelepjo ji̧nobe. Japjobi orosapitjö pötjebinapjo, okwakwöchobenöbi, o̧pekwöchobenöbi. Japjoma Dios jojodönö ajayinö yöbawö ujunina wanekwachinapjo. Japjo okwa orotjö otikwa'do̧ a̧jinobe, Dios Israel jojodönö iyina kwakwawa maná mikwi̧ a̧ja'do̧ma. Ja̧danö, Aarón kwebachö otokwawina'obi, pokwa'o a̧jinobe ja̧pjo okwa. Ja̧danö inabiyabi, Dios jojodönö ajayinö yöbawö junö iwȩyudina öbiyama japjo okwa a̧jinobe.

Éxodo 40:26

Ja̧danö, söinö 'dö̧ekwa'be juwawapjo tebatö junijadötö jeju okwa, abönösȩko̧, la'akasȩko̧nö, okwasȩko̧, inesö la'akasȩko̧ tjöekwa'wo badeibö.

Hebreos 7:25

Jo̧kwaobetjö̧ Jesúsda jojodö Dioskwö ichibö tjö̧jibinö pjabato̧, Jesúsma dö̧jibinö pjabato̧, jö̧ba̧ladönöma. Ja̧danö, jobadö tjö̧ji̧bi okobe jwiinö pjaatinobe Jesúsma, ja'yubebi ji̧bökönö. Ja̧danö, Jesúsma jo̧banö ösödadönöma ba̧kwȩlö̧jatebö tjö̧jibinö pjabato̧, Jesúsma ba̧kwȩlö̧jatebö Diosnö abebö jobadönö pjaatobö ö̧jobetjö̧.

Romanos 8:34

Ja̧danö, ¿bakwo̧bi ö̧jobeji̧, ökwödönö, Bidöma Dios lȩebakwawö̧, jö̧ba̧lö yöawakwo̧ma? ¿Cristo Jesúsda jejenö yöawenaji̧? Yöbawö̧kö̧ chömöledö, Cristoda midawö woinobe, ökwödö dö̧jibobö. Ja̧danö, midawö wobajo̧, woawatjö tjeachajinobe. Ja̧danö, tjebachajo̧, babema Abe'do Dios öwaisobekwöchobe jo̧ jo̧bama. Ja̧danö, öwaisobekwöchobe ja̧nö, Bidönö ötjönö ösödadönö lȩkeba, jö̧ba̧lö webo̧ chömöledö.

1 Reyes 7:50

dȩja̧piyabi, dȩju̧wa'yu tiekwa jawabi, dȩju̧wa'yu jawa dȩja̧piyabi, ju'wi dȩja̧piyabi, omewinö ubi̧ jawa deja̧pi̧yabi, okwasȩko̧ apjude jawa visagrasbi, nöȩko̧ apjude jawa visagrasbi. Okobe jwiinö ja̧ jawa bakwa̧i̧ orotjö otidinobe Salomonma.

Apocalipsis 7:2

Jemi ikenama jelo̧ ángelnö chedijatö, ja̧wo̧ ichobetjö labebö mölejȩbekwö kabekwajo̧nö. Jo̧bama seyu dobö wȩyukwa jawa do̧ba̧lö kaekwachajobe chedijatö, Ba̧kwȩlö̧jatebö 'Yaba̧lo̧ Dios u̧kwa seyu dobö wȩyukwa jawama. Kabekwachajo̧ mölejȩbe ichibö ángelesdönö, jwa̧lȩ'epjo tjöbeba̧ladönöma, böjȩbi, ojwebi, sulabenö baibanö ja̧tjobö webawedönöma labinö jwöi̧ cha̧ja̧kwijatö .

Apocalipsis 6:9

Ja̧danö, Obeja Itji̧danö Jo̧ma ösöja tö'awi̧ ö'be pöekwatjö bakwamusa'be baibanö kaebobe chedijatö. Ja̧'be kaebena juwö iyawemi chedijatö mölejȩbetjö. Jemi juwö iyawemi teebetjö chedijatö öwawöködönö, Jesúsnö ösödadönö kwabö lotjinawö̧ tjo̧'wo̧ luwo̧. Jobadöma, Dios iwene tjösödobetjö̧, ja̧danö, jo̧ba iwene yötjawobetjö̧ kwabö lotjinawö̧.

Apocalipsis 10:1

Ikenama ju'wi i̧sebi̧ma chedijatö. Ja̧danö, mölejȩbetjö jwibacho̧ ángel, jwiinö juluwo̧nö chedijatö. Jo̧bama ojwiyo'wo lö̧ökwe. Ja̧danö, uu wamema mayo ö̧lökwe. Ja̧danö, jo̧ba ángel öbama ja̧wo̧danö dewinö dejato̧. Isȩ'biju salöbo̧, okwi'iju ubi̧ o'ijudanö.

Isaías 6:6

Jobekwö yöta̧liökwe, serafinesbedötjö bakwo̧ma pji̧ekwakanö, Diosnö iyawötetjö ubö̧'a emibö, chö̧jobekwö köbö ichinobe,

Apocalipsis 8:5

Ja̧danö, ángelma juwö iyawelö ujuwaja̧pja̧ yemidanö juwawa okwa'do̧nö anajo̧ ja̧'do̧nö labinö nijibe wa̧ebobe chedijatö. Nijibe wa̧ebena böba labinö kwawobe ökwöi̧ cha̧ja̧kwijatö. Ja̧danö, tjiwene ökwöi̧bi cha̧ja̧kwijatö. Böba nei̧bi, ja̧danö, böjȩbi jwiinö tjö̧bebö lileibobe chedijatö.

Apocalipsis 14:18

Ja̧danö, jo̧ba ökömanö jelo̧ ángel laebobe chedijatö, juwö iyawapjotjö labebo̧nö. Jo̧bama ökwöla juawa te'ada̧lo̧. Ja̧danö, jo̧ba ángelma kwölöte'o sȩa'o juna̧lo̧ ángelnö wei̧ cha̧ja̧kwijatö, baikwö: —Kwölöte'onö 'wibi okobe jwiinö böjȩ batjijutjö uba ochijuma, ida̧ökö yȩobetjö̧— wei̧ cha̧ja̧kwijatö.