Apocalipsis 22:11 - Dios Iwene

¹¹ Ja̧danö, sulabenö ju̧kwadöma, sulabenö tjuju̧kwobö jo̧be. Ja̧danö, otiwanö ju̧kwadöma otiwanö tjuju̧kwobö jo̧be. Ja̧danö, taba̧lö̧ji̧ jawada omukwatö ju̧kwadöma taba̧lö̧ji jawada omukwatö tjuju̧kwobö jo̧be. Ja̧danö, otiwanö omukwatö ju̧kwadöma otiwanö omukwatö tjuju̧kwobö jo̧be. Ja̧danö, wainö ja̧nö sulabedökwö pjabacha̧lökönö ju̧kwadöma jejenö, wainö pjabacha̧lökönö tjuju̧kwobö jo̧be— jejenö ángelma jö̧a̧lijatö ötjönöma.

Apocalipsis 22:11 Referans Kwoze

Daniel 12:10

Ja̧danö baikwö yötawakwö, ba̧jekwadö tjo̧'wo̧ luwo̧ tjusula otiwanö dichö lotjakobe, okwanö bakwainö dewadö batjibanö, jo̧kwaijayonö sulabedöma ina tupakwönönö sulabenö ja̧bö tjö̧jakobe. Ja̧danö sulabedöma la'akatjöda ökwönö yötawaja̧ jawa tjöwaisachibökakobe, jo̧kwaijayonö waisanö omukwatadöma kwiwȩyudi̧ yöba̧lö edinö tjöwaisachibakobe.

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.

2 Timoteo 3:13

Jau Timoteo, sulabedöbi, Jesúsnö ösödadösa jö̧ba̧lö omöna yöba̧ladöbi ida̧ökö sulabenö ja̧tjobe babema, jo̧kwaijayonö 'dö̧ibaji̧ mölema jemi bajalekwönönö jwiinö sulabenö ja̧tjakobe, jojodönö omöna yöba̧löbi, omöna yöa̧lakwawa ösödöbi.

Mateo 5:6

Jwaikwöda sulabe jwii̧ Dios ösödi̧ jawa isakwadöma, isabenö tjo̧'wo̧ ösöwanö tjö̧jakwedö, Dios öba a'otjö sulabe jwibadö tjö̧jakobetjö̧.

Diosnö ösödo̧ Job mikwo̧ usula emawina jawa 17:9

–Dios ösödi̧danö ja̧badösa, –jö̧ba̧ladöma jwaikwöda idöda tjomukwati̧danö tjö̧jakwedö, ja̧danö, –Otiwanö ja̧badösa, –jö̧ba̧ladöma ajayitjö bajalekwönönö, –Jweinö omukwatadösa, –jö̧ba̧lö tjomukwatakwedö.

Judas 1:24

Okobe deinö Diosnö dösödaduwo chömöledö, jo̧bada meköbaduwapji jö̧ba̧lö pjabato̧ma, ja̧danö jo̧bada iteda inesö dewinö salöinö öba a'o wene jwiinö kwö̧jaduwobö pjabato̧ma, kwo̧'wo̧duwi jwiinö ösödachibanö.

Mateo 25:10

Jo̧kwajabetjö̧, jobadö waisanö omukwatöködöma dejuwa'yu̧sobu emö tji̧'yinobe, ja̧danö tji̧'yaja̧ okobe, ilekwonö emajo̧ma ichibinobe. Ichibenama, pjiesta junö teachinobe, ja̧danö möayedö tetjachobö te'ada̧ladöbi jo̧bakwö pjiesta junö tetjachinobe. Tetjachaja̧ ikenama, apjude tjipje'datinobe.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Efesios 5:27

Jejenö ökwödönö dichö loinobe Cristoma, jwiinö otiwadönöda, dewamachibadönöda emobö. Ja̧danö, Cristoma dichö loinobe itenöda ösödadönöma, iteda ömöledö batjibinö 'da̧batö junö, ja'yubebi suli̧ jwibadö batjibinö.

Mateo 21:19

Ja̧danö, mana ö'öbösowi higos towi edö, towinö wa̧ji̧ ukwotö jö̧ba̧lö towi jo̧bekwö i̧'yinobe. Jo̧kwaijayonö, ichibö, sule öjiyada jo̧wi, wa̧ji̧ jwiowida öbadekwajinobe. Jejenö öwa̧jö jwiiökwe, Jesúsma yöa̧linobe: —Towi sulabowija. La'akatjöda wa̧jökakwowija— jö̧ba̧lö. Ja̧danö, jejenö yöawenama, jowi higos towima juluwanö kököbachibö woinobe.

Juan 8:21

Ja̧danö, Jesúsma yemidanö yöawinobe: —Ötjöma betjöma chȩwa̧jakwo̧sa. Ötjönö kwisakwaduwijayonö kwichibaduwökakobe. Ja̧danö, ötjönö kwichibaduwokobetjö̧, kwusuladuwi̧ma söbebö lobawöködöda woköbaduwakwedöja. Ja̧danö, chȩwa̧jakwemima kwichibaduwökakwedöja— yöawinobe Jesúsma fariseo jojodönöma.

Apocalipsis 16:21

Ja̧danö, inawiyadanö ji̧, öwiyawi̧ ömöki̧ öwiya, labinö mölejȩbetjö tjoduwobe chedijatö, yelösöda, ömöki̧ öwiya. Bakwawama jojo ömöki̧danö ömöki̧ öwiya. Jejenö jwiinö inia tjötjinö balediawö̧ jobe ju̧kwadöma Diosnö jwiinö tjölabobe, Sulabo̧, jö̧ba̧lö, chedijatö. Döpöjödökwe, jwiinö yeabikwa jawa ja̧bo̧, ökwödönöma, jö̧ba̧lö, tjölabobe chedijatö.

Apocalipsis 22:3

Jobe 'yayi̧ Jerusalénbema Dios öpöjödi̧ma teatakwawokobe. Otiwi̧ jawada teatakwawobe 'yayi̧ Jerusalénbema. Ja̧danö, jobe 'yayi̧ Jerusalénnöma Dios ö̧bakabi jo̧be. Ja̧danö, Obeja Itji̧danö Jo̧ ö̧bakabi jo̧be. Ja̧danö, jobadö tjömöayedöma, jobe ja̧nö jobadönö tjösödobe.

Colosenses 1:22

Jo̧kwaijayonö, babema iteda Itji̧ böjȩ jojoso̧ baibanö midawö woinobetjö̧, Diosma iteda ömöledö bakibaduwanö ja̧inobe, ja̧danö ökwödönö 'da̧batö ujuninobe, bakwainö sulabe jwibadö, ja̧danö wene jwibadö jo̧ba öba a'o kwö̧jaduwakobetjö̧.

Mateo 5:45

Jejenö ja̧köbaduwo, mölejȩbe jo̧ kwabe'doduwi i̧tji̧mu otiwanö ja̧bö tjö̧ji̧danö otiwanö ja̧bö kwö̧jaduwakobetjö̧. Jau chömöledö, kwabe'doduwima, sulabedönöbi, otiwadönöbi pjabatö bakweminö möle jawo̧nö idejatobö webo̧, ¿jö̧tö? Ja̧danö, sulabenö ja̧badönöbi, otiwanö ja̧badönöbi pjabatö, ojwiyo o̧bobö webo̧, ¿jö̧tö? Jau chömöledö, kwabe'doduwima okobe deinö jojodönö pjabato̧.