Apocalipsis 22:1 - Dios Iwene

¹ Ikenama ángelma ötjönö ojwe i̧sebijatö. Jödötjö ojwiyoma, ba̧kwȩlö̧jatebö ja̧kwawa ojwiyo. Chedemi jödöma Dios ö̧belö, Obeja Itji̧danö Jo̧ ö̧belö labebö isuwödö. Yelösöda salödö, isa̧yu̧ jwiinö salöayu̧danö.

Apocalipsis 22:1 Referans Kwoze

Apocalipsis 7:17

Ja̧danö, Obeja Itji̧danö Jo̧ma otiwanö ite'ada̧lobetjö̧ inia tjötjinö baledököwö̧. Ja̧danö, jobadönö otiwanö öbibö 'yo̧ ojwese'do jo̧bekwö, ba̧kwȩlö̧jatebö ja̧kwawa okwe'dokwö. Ja̧danö, jobadöma belöma budekwabinö tjuju̧kwinajayonö, tjo̧wi̧, babema budekwaböködö. Otiwanö ju̧kwadö, Diosma pjaatinobetjö̧— damö la'aka luwedötjö bakwo̧ma jö̧a̧lijatö ötjönöma.

Juan 4:14

Jo̧kwaijayonö ötjö chiyobu owo̧ma yemidanöma ojwiyo owoböma o̧ti̧lö̧jökökwe, jo̧ba o̧'wo̧ luwo̧ okwanö ojwese'dodanö okwobetjö̧, ba̧kwȩlö̧jatebö ja̧kwawa okwe'dodanö— yöawinobe Jesúsma.

Apocalipsis 21:6

Tjo̧wi̧ta, okobe jwiinö 'dö̧ibajabe. Ötjödasa la'akatjöda ji̧nama. Ja̧danö, ötjödasa 'dö̧bibajö̧kö̧ma. Ötjöma ojwiyo o̧ti̧lö̧jökwenöma ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoda.

Apocalipsis 22:17

Ikenama Dios O̧'wo̧ Luwo̧ma, Obeja Itji̧danö Jo̧ ilekwo baibanö emakwujukwö Jesúsnö jwötjobe cha̧ja̧kwijatö, Baikwö ichi, jö̧ba̧lö. Ja̧danö, jojodönöbi jwöobe cha̧ja̧kwijatö, Ökwödöbi bi'ye yöawi̧ a̧ja̧kwadöma, Jesúsnö jwöbaduwi, Ichi, jö̧ba̧lö. Jejenö cha̧ja̧kwijatö. Ja̧danö, Dios O̧'wo̧ Luwo̧ma yöawijatö: —Bakwo̧ ojwiyo o̧tinö jo̧nö ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoma— yöawijatö, Dios O̧'wo̧ Luwo̧ma.

Isaías 41:18

Jau, ojwiyo tjujuna̧lakobetjö̧, mösa'iju kököelö, ojwe isuwobö wetocha, ja̧danö wabekijutjö, ojwese'diju pjuebobö wetocha. Jojodö deemima o̧pesobu baibanö wetocha, ja̧danö kököemi niji ö'wejenö, ojwe isuwobö wetocha.

Apocalipsis 3:21

Chömöledö, bakwo̧ sulabetjö juluwinanöma chö̧jobekwö ichibena, ötjö la'aka luwo̧ webö chö̧bemi pjeanö ö̧bobö wetakwo̧. Ötjöma wobajaletjö chujuluwina ikena Chabe'do ö̧bemi pjeanö chöbamatijatö, ba̧kwȩlö̧jatebö jenada chö̧bobö. Ja̧danö, sulabetjö juluwinanöbi, chö̧jobekwö ichibena chipjeanö ö̧bobö, la'aka luwo̧ baibanö.

Hechos 2:33

Jo̧banöma mölejȩbe kaekwajinö ja̧bijetö Diosma, iteda öwaisobekwöchobe öbamatobö, la'aka inesö ö̧bena. Ikenama Diosma iyijetö iteda O̧'wo̧ Luwo̧nö Jesúsnöma, isabenö yöawinadanö. Jemi tupakwöma Jesúsma iyijetö Dios O̧'wo̧ Luwo̧nö ökwödönöma. Bena ju'wedö tjiwene wajwidijayonö yödawobe kwedaja̧duwabi, kwa̧ja̧kwaja̧duwabi Dios O̧'wo̧ Luwo̧, Jesús ökwödönö weajökwe ja̧aja̧— yöbawijetö Pedroma—.

Apocalipsis 21:11

Yelösöda, 'yayi̧ Jerusalénma jwiinö dewinö dejatobe, Dios, iteda jwiinö dewinö idejati̧ma jobe salöobetjö̧. Salöanö dejatobe chedijatö, inawa otiwawa jape mikwawa salöi̧danö. Yelösöda, isa̧yu̧ salöi̧danö dejatemi .

Juan 15:26

Jesúsma ina yöawinobe öba̧ja̧di̧ waisachadönö: —Ötjöma Pjabato̧nö wetakwo̧sa, Dios O̧'wo̧ Luwo̧nöma, ökwö kwö̧jaduwobekwö —yöawinobe—. Jo̧bama jweinöda yöbawo̧. Baikwö ichö ötjönö yöawakobe ökwödönöma.

Apocalipsis 5:13

Jemi ikenama cha̧ja̧kwijatö okobe deinö, mölejȩnö ju̧kwadöbi, böjȩnö ju̧kwadöbi, böjȩ teebe ju̧kwadöbi, ojwe nöödö okwa ju̧kwadöbi, inesö ba̧kwawakanö bo̧nöbi, Obeja Itji̧danö Jo̧nöbi ösödö lo̧tji̧ma. Biya̧ lo̧awa lo̧tji̧ma cha̧ja̧kwijatö: Ösödö lo̧daduwo inesö ba̧kwawakanö bo̧nöbi, ja̧danö, obeja itji̧danö jo̧nöbi. Dösödodönö, Jwiinö otiwadöja, jwiinö mikwawadöja, jö̧ba̧lö. Jwiinö dewinö dejatadöja, jwiinö juluwadöja, jö̧ba̧lö, dösödodönö, jö̧ba̧lö lo̧tjijatö.

Isaías 48:18

Chömöledö, isabenö ökwödönö weti̧ kwa̧ja̧kwaduwo jö̧ka̧linaduwobe. Weti̧ a̧ja̧kwö kwö̧jinaduwatjö̧ma, isabenö otiwanö kwö̧jaduwo jö̧ka̧linaduwobe. Baikwö wanedö yöta̧la, ojwe tjo'omanö kabatibökönö isuwi̧danö, ja̧danö jwaibalawa kabatibökönö ba̧kwelöjatebö loidanö, ba̧kwelöjatebö wene jwiinö ja̧nö, otiwanö kwö̧jaduwo jö̧ka̧laduwena.

Apocalipsis 5:6

Jemi ikenama, Obeja Itji̧danö Jo̧nö chedijatö, inesö ba̧kwawaka badeibö jo̧nö. Ja̧danö, tjöbajalebiya a̧tja̧bayedöda ju̧kwawö̧ Obeja Itji̧danö Jo̧ ö̧jena i̧sȩko̧nö tjö̧jijatö. Ja̧danö, damö la'aka luwedöbi, veinticuatronö, jo̧ba ö̧jena i̧sȩko̧nö tjö̧jijatö. Jo̧ba Obeja Itji̧danö Jo̧ma 'yaba̧lo̧ ö̧jijayonö tibatö lobawo̧danö ö̧jijatö. Jo̧bama ö'yekiya juna̧lo̧, jelemutjö dökölataja jawa ö'yekiya. Ja̧danö, öbajalebiyabi jelemutjö dölelatajanö ju̧kwökwe. Jejenö öbajalebiya jelemutjö dölelatajanö Dios O̧'wo̧ Luwo̧ okobe jwiinö ujulu i̧sebi̧ wanekwachobe, böjȩ bakwameachibanö ujulu i̧sebi̧ma.

Isaías 66:12

Baikwö yöawobe Diosma: Baikwö wanedö yötawaduwakwö: Isabenö otiwanö pjatatocha Jerusalennö, ojwe kabatökönö isuwi̧danö, otiwanö jö̧jobö pjatatocha, ja̧danö tjitebotenia jojodö tjitea nöinö mikwawi̧ma, ojwe okwatibi̧danö jobujunö welachobö wetocha. Ja̧danö ökwödö jitji̧muma, otiwanö kwö̧jaduwakwedöja. Kwojo'doduwi Jerusalenma otiwanö jo̧do'bi̧ ojwö jiteada̧lakwawö̧ja, ja̧danö jö̧dö̧lö'anö apjö̧alö je'ewakwawöja, ja̧danö ji̧sȩ'bonö wananö döjeabikwawö̧ kwö̧jaduwakedöja.

Apocalipsis 1:1

Ötjöma Juan mikwo̧sa. Jesucristo ömöayo̧sa. Böja kwialusöja chiwȩyudi̧ma Jesucristo i̧sebi̧ jawa, lekwokobe baledakwa̧ma. Ja̧danö, Diosma ajayima ja̧ lekwokobe baledakwa̧ma Jesucristonö i̧sebijetö. Diosma Jesucristonö webijetö iteda ömöayedönö i̧sebobö, ja̧ baledakwa̧ i̧sebi̧ma. Ja̧danö, Jesucristoma webijetö ángelnöma ötjönö i̧sebobö.

Apocalipsis 21:9

Ja̧danö, ángelma, jelemutjö du̧ju̧tajanö dȩja̧'di̧ju juna̧ladötjö bakwo̧ ichö jö̧a̧lijatö ötjönöma: —Ötjökwö ichi, Obeja Itji̧danö Jo̧ ilekwo̧ baibanö emakwujunö chi̧sebokwö— jö̧a̧lijatö.

Apocalipsis 22:6

Ikenama ángelma yöawijatö ötjönö: —Juan, okobe jwiinö yötjawi̧ kwa̧ja̧kwaja̧ma, isabenö baledakobe, jweinö wene yötjawobetjö̧. Ja̧danö, Duluwo̧ Diosma ötjönö weijatö baledakwa̧ chi̧sebobö ökwönöma. Ja̧danö, okobe deinö Dios ömöayedö, baledakwa̧ yöneawachi̧ tjöwaisachibobö Duluwo̧ Diosma weijatö ötjönöma, ökwönö chi̧sebobö. Ja̧danö, Duluwo̧ Dios, iteda yöawi̧ yöbawinadö tjo̧'wo̧ luwo̧ okwa yöbawo̧ma, jo̧bada ötjönö webo̧, ökwönö chi̧sebobö.

Juan 13:32

Ja̧danö, bakobe, ötjöma Dios otiwi̧ chi̧sebena Diosma ötjö chotiwi̧ i̧sebobe. Babeda Diosma ötjö chotiwi̧ i̧sebobe— yöawinobe.