Apocalipsis 21:10 - Dios Iwene

¹⁰ Ikenama Dios O̧'wo̧ Luwo̧, ötjö cho̧'wo̧ luwo̧nö öba̧ja̧da̧lonö, jo̧ba ángelma ötjönö öbibö i̧'yijatö mö'ösa'o wa̧pekwa'obe. Jobe ja̧nö chedijatö 'yayi̧ Jerusalén, Dios 'da̧batö ujuninemima, Dios ö̧jobetjö böjȩkwö jwiachobe.

Apocalipsis 21:10 Referans Kwoze

Apocalipsis 21:2

Ikenama 'yayi̧ Jerusalén ötjabemi chedijatö, Dios 'da̧batö ujuninemima. Jemi 'yayi̧ Jerusalénma mölejȩbetjö böjȩkwö jwiachobe chedijatö. Yelösöda, otiwemi 'yayi̧ Jerusalénma. Bakwuju jilekwenö jemakwuju otiwanö otikwö, otiwanö 'dujawi̧danö otiwemi, 'yayi̧ Jerusalénma.

Apocalipsis 17:3

Ikenama, Dios O̧'wo̧ Luwo̧ma cho̧'wo̧ luwo̧nö i̧sebonö, ángelma ötjönö öibijatö jelobekwö, jojodö deobekwö. Jobetjöma isujunö chedijatö, sulabo̧ duwo̧ oma'a wame wu̧junö. Jo̧ba sulabo̧ma okobe jwiinö wȩyukwo̧, Diosnö waneda̧lö ötjabi imibiya, Ötjödasa Diosma, jö̧ba̧lö. Ja̧danö, uubiyabi jelemutjö doyulatajanö juna̧lo̧. Ja̧danö, ö'yekiyabi domulataja jawa ökiya juna̧lo̧.

Apocalipsis 1:10

Ja̧danö, belö bi'onö ja̧nö, domingo möle baledibajena, Dios O̧'wo̧ Luwo̧ma ötjö cho̧'wo̧ luwo̧ okwanö i̧sebö öba̧ja̧da̧lijatö. Ja̧danö, cha̧ja̧kwijatö labinö ökwöi̧, trompeta pjutji̧danö ökwöobe.

Hechos 8:39

Ikenama jobadöma ojwetjö a̧laibö Dios O̧'wo̧ Luwo̧ma Felipenö jelobe ö̧jobö e'ewijetö. Etiopía jojoma yemidanöma edijökötö Felipenöma. Jo̧bama Felipenö e'ewaja̧ ikena o̧'wo̧ ösöwanö ȩwa̧jijetö.

Apocalipsis 4:2

Ikenama, omönanö Dios O̧'wo̧ Luwo̧ma ötjö cho̧'wo̧ luwo̧ okwanö öwawinö i̧sebijatö mölejȩbe ji̧ jawama. Bakwo̧nö chedijatö, inesö la'aka luwo̧ ba̧kwawakanö bo̧nö.

1 Reyes 18:12

Jejenö yötawoböma yetabi chuluwo, baikwö yöta̧la, Acabnö yöbawö chi̧'yaja̧ okobe, Isabenö Jo̧ o̧'wo luwo̧ma jelobekwö ökwönö öibakwo̧, wajwitobekwö. Ja̧danö, Acabnö yötawaja̧ okobe, ökwönö öbadekwajökötjö̧ma, –Omöna yöba̧lo̧ja, –jö̧ba̧lö ötjönö kwabö loakwo̧ Acabma. Jobekwö suli̧ kwöwaedokotjö chuluwo̧ Elias, ötjöma Isabenö Jo̧nö yebabinö ösödo̧chobetjö̧. Jau Elias, tjemubayo̧ chö̧jinemi baikwöma, bakwelöjatebö Diosnö ösödo̧sa, Acab ötjönö kwabö loobö kwisakwoko chuluwo̧.

2 Reyes 2:16

Ja̧danö jobe ju̧kwadö Dios yöawi̧ yöbawadöma Eliseonö yötja̧linobe, —Eliseo, ökwödö kwömöayedötjö̧, cincuentabedö kwetjachobö juluwadö tjuju̧kwobe, weköbobö adebakwö, ajayi kwuluwo̧bina Elias iteba'o isakwö kwetjachobö. Dedemi Isabenö Jo̧ O̧'wo Luwo̧ma, Eliasnö emajo̧, iteba'o jelobe ikwö loajena, mösa'o jele'otjöena, wabeko jelekotjöena, weköbakwa̧ji̧? —jö̧ba̧lö atjebökwe, —Tjisakwobö weköbaduwoko, —jö̧ba̧lö atadinobe Eliseoma.

Gálatas 4:26

Jo̧kwaijayonö, jeluju midö emawökuju Sarama, mölejȩbetjö Jerusalén comunidad badekwachuju, jobe ju̧kwadöma ömöayedöböködö tjuju̧kwobetjö̧. Ja̧danö, jobuju midö emawökujuda ökwödö dojo'doma chömöledö.

Apocalipsis 3:12

Chömöledö. Sulabetjö juluwinadönö, kabebö chujunakwo̧sa la'aka luwedö batjibanö, ba̧kwȩlö̧jatebö tjö̧jobö Dioskwö. Ja̧danö, jobadö tji̧sȩdo̧nöma Chabe'do Dios imi chiwȩyudocha. Ja̧danö, jo̧ba ö̧jemi imibi chiwȩyudocha, 'yayi̧ Jerusalén mikwemi. Jemima, Dios ö̧jobetjö böjȩkwö jwiachakwemi, cho̧'wo̧ chöwana̧lökwe Dios ö̧jobetjö. Ja̧danö, ötjö 'yayi̧ chimibi chiwȩyudocha jobadö tji̧sȩdo̧nöma.

Apocalipsis 11:2

Jejenö ba̧ja̧dö kwedobö wetijayonö cheju a̧petuma ba̧ja̧döma kwedoko. Jobema judío jojodöböködö sulabenö ja̧tjobö jo̧be. Jobadöma, ötjö 'da̧batö chujuninemi comunidadnö tebachö, tjujuluwakwedö. Ja̧danö, ja̧wo̧dö cuarenta y dosnö, jobetjöma, la'aka luwedödanö sulabenö webö tjö̧jakwedö— weijatö Diosma ötjönöma.