Apocalipsis 17:6 - Dios Iwene

⁶ Ja̧danö, jobujunö edö, Dukwachokodanö bu̧ju, jö̧ba̧lö, chomukwatijatö. Chedemi, Bisuma Dios ömöledö babibinadö, Jesúsnö tjösödi̧ yötjawobetjö̧ kwabawö lotjinawö̧ tjökwösobutjöda owö 'dukwachokodanö bu̧ju, jö̧ba̧lö, chomukwatijatö. Jobujunö edinö, ¡Ayö! jö̧ba̧lö, chöbajale jalaka ja̧nö cheda̧lijatö.

Apocalipsis 17:6 Referans Kwoze

Apocalipsis 16:6

Bidö lȩkebawö̧ma, ökwö kwömöledö babibinadönö kwabö lobinadö. Ja̧danö, ökwö yökawi̧ yöbawinadönö kwabö lobinadö. Yelösöda, bidö lȩkebawö̧ma, ökwö kwömöledönö tjökwösobu ebawinö kwabö lobinadö. Jo̧kwaobetjö̧, ökwöma otiwanö balekwa mikwa ja̧köbajabe jobadönöma, tjökwösobuda tjowobö— ángel Diosnö yöa̧lobe cha̧ja̧kwijatö.

Apocalipsis 13:15

Ja̧danö, böjȩ teebetjö labebajo̧, ujulu iyajökwema, ojwe okwatjö labebajo̧ o̧'wo̧ jawa otikwama 'yaa̧linö ja̧obe chedijatö. Ikenama, jojodönö ja̧ o̧'wo̧ jawa otikwa tjösödobö weobe chedijatö. Jo̧kwaijayonö ju'wedönö chedijatö, Jo̧banöma dösödökökwe, jö̧ba̧lö, öpöjödadönö. Jejenö jö̧tja̧liökwe, jobadönö kwabawö lotjobö weobe chedijatö, böjȩ teebetjö labebajo̧ma.

Apocalipsis 2:13

Jo̧bama baikwö yöawobe ökwödö Pérgamo jojodönö, jo̧banö ösödadönöma: Ötjöma chöwaisa, jobe kwiteboduwima Awetja ba̧nö wei̧danö jo̧be. Jo̧kwaijayonö chedemi ökwödöma jweinö omukwatö, otiwanö kwö̧jaduwobe, Jesúsnöda ösödadösa, jö̧ba̧lö. Ja̧danö, bakwo̧, ötjönö ba̧kwȩlö̧jatebö yöbawo̧, Antipas mikwo̧nö, kwabö lotjenabi ökwödöma kwo̧'wo̧duwi 'dibachibö kakatibinaduwokobe ötjönöma.

Apocalipsis 13:7

Ja̧danö, Dios ömöledö babibinadönö kwabawö lobö ujuluwobe chedijatö, Diosma jejenö badedö ujuninobetjö̧. Ja̧danö, juluwajo̧ma, okobe deinö böjȩnö ju̧kwadö tjuluwo̧ baibanö jo̧, wainökwena ji̧nadötjö tupadanö jojodöbi, jelobebi jelobe ju̧kwadöbi, wainökwena tjiwene yöba̧ladöbi tjuluwo̧.

Apocalipsis 12:11

Dios ömöledö babibinadö wobinadöma Awetja weelö ji̧binadö, Obeja Itji̧danö Jo̧ ökwösobutjö tjidichawobetjö̧. Ja̧danö, Dios iwene yötjawinobetjö̧ Awetjanö juluwinadö. Jobadöma tjo̧'wo̧ 'dibachibö ja̧nö yöbawinadö, jobadönö kwabö lotjenabi.

Hechos 22:20

Ja̧danö, Estebannö, inawiyanö tjikwawökwe ö'wöchobe edö jwiinö chösödijatö, jo̧banö ikwawadö tjökamisi te'ada̧lö ja̧nö, jö̧ba̧lö, yötawijatö Chuluwo̧nö.

Daniel 7:25

Ju'wibi jo̧bama sulabenö Diosnö yöa̧lakobe, ja̧danö Diosnö ösödadönö sulabenö ja̧akobe, usula tjemawinö. Ja̧danö Dios weina pjiesta jawa möle balewö loobö isakwakobe, ja̧danö Dios jojodönö wei̧bi balewö lobö wainö weobö isakwakobe. Ja̧danö Diosma weakobe, wa̧pötakwa o̧biabi, ju'wi o̧ba ja'öbi Diosnö ösödadönö ujuluwobö.

Daniel 7:21

Ja̧danö chedemi, ja̧kama Diosnö ösödadökwö ölakwabikwawö jo̧bekwö chedatö, ja̧danö jobadönö juluwobekwö chedatö.

Juan 2:10

Jo̧banö jö̧a̧linobe: —Chuluwo̧, jojodöma, pjiesta tjujunena, ajayinö ubasobu o̧'do̧bu otiwobu, nöinö mikwawobu tjiyobe, ajayinöma. Ikenama, a̧debajawö̧ma lekwe möle tjö̧jajena, ubasobu ida̧ökö nöinö tjowajena, jo̧kwadasobuda tjiyobe— jö̧a̧linobe—. Jo̧kwaijayonö ökwöma jwiinö otiwobu, nöinö mikwawobu ajayinöma iyökönö, bajaliyanöda kwiyajabe— jö̧a̧linobe, Otiwanö kwiyajabe, jö̧ba̧lö.