Apocalipsis 12:5 - Dios Iwene

⁵ Ja̧danö, metu'wo ju̧juma jemajökwe iso̧nö chedijatö. Jo̧ba jitji̧ma inesö la'aka luwo̧ baibakwo̧. Ja̧danö, okobe deinö böjȩnö ju̧kwadönö iteda weakwo̧, öpöjojodönö söbebö lobö. Toba'dadanöso̧ma, jemibajökwenö ukwotö jö̧ba̧lö ite'ada̧lijayonö omönanö Dios ö̧bobekwö kaekwajobe chedijatö, Dios tjemunö pjaatobetjö̧.

Apocalipsis 12:5 Referans Kwoze

Apocalipsis 19:15

Ja̧danö, Dios Iwene ötjabökwe aatjö isa̧pi̧ ödöapi̧, bakwachakwadanö sȩapi̧ aatjö laebi̧pi̧ chedijatö. Ja̧pi̧nö okobe deinö böjȩnö ju̧kwadö, jelobebi jelobe Diosnö öpöjödadönö ujuluwakwo̧, Dios Iwene ötjabökwema. Ja̧danö, ujuluwajawö̧nöma webö ö̧jakwo̧, iteda inesö ujulunö, iteda wei̧ ja̧tjoböma. Yelösöda, bakwo̧bi jo̧banö ujuluwakwo̧ma deobe. Ja̧danö, jo̧bama Juluwo̧ Dios jwiinö ölabi̧ i̧sebö, uba ochiju tjöja̧takwi̧danö öja̧takwo̧ Diosnö öpöjödadönöma.

Apocalipsis 12:2

Jobujuma metu'wo ju̧ju. Ida̧ökö nioko. Jwöjobe cha̧ja̧kwijatö, ¡Akö, akö! jwöji̧ma.

Isaías 7:14

Jobekwö sulabenö ja̧köbiökwe, i̧sȩbakwa̧ jawa Dios i̧sȩbobö akebököjayonö, yayonö Dios i̧sȩbakwa̧ jawa yötawakwö baikwö: Möayujuma metu'wo babibaju, jitji̧nö jemakobe, ja̧danö emaju, Emanuel jö̧ba̧lö jimidakobe jitji̧nö, Diosma ökwödökwö jo̧ jö̧ba̧lö.

Apocalipsis 11:12

Jemi ikenama, mölejȩbetjö iwene ökwi̧ma, Baikwö kabekwachajaduwi, jö̧ba̧lö, jwöobe. Ja̧danö, jobadönö öpöjödadö tjeda̧lonö mölejȩbekwö katjekwajobe ojwiyo'wonö.

Mateo 1:25

Jo̧kwaijayonö, jobujunö emijayonö, jobujunö ja̧inokobe, jitji̧nö jemenanö kabatö. Ja̧danö, jitji̧nö jemenama, Joséma jo̧banö Jesús jö̧ba̧lö imidinobe.

2 Corintios 12:2

Jau chömöledö, bakwo̧ Cristonö ösödo̧nö chöwaisa, ja̧danö jo̧banö baledina baikwö yötawa. Damötjö, catorce o̧biya jenanö, jo̧bama Dios ö̧jobe mölejȩbe kaekwajinobe. Jejenö kaekwajinama wajwita chömöledö, isabenö atji̧o kaekwajinenaö̧kö̧, sule i̧'wi̧di̧danö kaekwajinenaö̧kö̧, ötjöma wajwita chömöledö, sule Diosda waiso̧.

Marcos 16:19

Ikenama yöba̧lö kaatena Diosma mölejȩbe kaekwajinö ja̧bijetö Jesúsnöma. Jobe mölejȩbema Jesúsma Dios öwaisobekwöchobe bamatijetö.

Isaías 66:7

Isabenö otiwanö pjabato̧ Diosma Jerusalen comunidadnö ju̧kwadönö, baikwö wanedö yötawa: Ina tjemunö emawa nii̧ niököjayonö, Jerusalenma juluwanö jijti̧nö jemajabe.

2 Corintios 12:4

ja̧danö jobe mölejȩbe kabekwajo̧, jobetjö yötja̧li̧ a̧ja̧kwinobe, böjȩnö ju̧kwadö yötja̧lobö jwii̧ jawa a̧ja̧kwinobe chömöledö.

Apocalipsis 12:13

Ikenama chedemi, toba'dadanöso̧, ¡Mölejȩbetjö böjȩkwö jatjajökwesa! jö̧ba̧lö, waisachibajo̧nö chedijatö. Jejenö waisachibö jitji̧nö emajajunö kwabö lootö jö̧ba̧lö i̧'yobe chedijatö, jobuju jö̧jobekwö.