Apocalipsis 12:2 - Dios Iwene

² Jobujuma metu'wo ju̧ju. Ida̧ökö nioko. Jwöjobe cha̧ja̧kwijatö, ¡Akö, akö! jwöji̧ma.

Apocalipsis 12:2 Referans Kwoze

Apocalipsis 12:4

Jo̧ba öwali'boma juluwo̧. Öwali'bonö labinö wökwebö mölejȩbe lö̧jadö si̧li̧'i̧dönöma, ö'wedönöda böjȩkwö jaobe chedijatö. Ja̧danö, jo̧bama metu'wo nioko jö̧bemi badeibö te'ada̧lö jo̧nö chedijatö, jemibökwenö ukwotö jö̧ba̧lö.

Gálatas 4:19

¡Ökwödö pebadö chi̧tji̧mudanöbedöwe! Wanedö yötawa chömöledö: Jitji̧nö jemakwuju jitji̧nö jemakwa̧ abönö usula jemawi̧danö, ötjöma ökwödönö omukwatö chi̧tji̧muwe jö̧ba̧lö yemidanö usula chemawobe chömöledö, Cristo omukwati̧danö omukwatadö bakibaduwenanö kabatö.

Juan 16:21

Wanedö yötawa: Bakwuju, metu'wo niokoma yelösöda budekwabuju jemi̧ möle baibobetjö̧. Jo̧kwaijayonö tjemunö jemaja̧ ikena omukwatökuju ja̧ niaja̧ma. Jo̧'wo̧ ösöwanö juju, jitji̧nö ile nibebö— yöbawijetö—.

Gálatas 4:27

Jau chömöledö, baikwö laebobe Dios iwene: Ökwö tjemu debujuma, kwo̧'wo̧ ösöwachibanö kwö̧jo, ja̧danö kwo̧'wo̧ ösöwachibi̧ wene yöbawö jwököbo, ökwö la'akatjöda usula emawö kwitji̧nö eminökujuma. Isabenö jilekwe kaatibinokoma, jeluju jilekwe bu̧junötjö bajalekwönönö ba̧jekwadö ji̧tji̧munö jujuna̧lakwuju, jö̧ba̧lö laebobe.

Isaías 53:11

Ja̧danö, usula emawajo̧, otidaja̧ omukwatakobe Dios ömöayo̧ma, ja̧danö otidaja̧ okwa jawa omukwatö, o̧'wo ösöwanö omukwatakwo̧, —Chotidaja̧ma, otiwanö chotidajabe, —jö̧ba̧lö. Baikwö yöa̧lobe Diosma, iteda ömöayo̧nö: Chömöayo̧ma ba̧jȩkwadö tjusula emawajabe, jo̧kwajabetjö̧ iteda ida̧'ökö emawajobetjö̧, jobadönö lȩekwa yöawakwo̧, —Bidöma wene jwibadö, —jö̧ba̧lö.

Isaías 54:1

Baikwö wanedö yöawobe Isabenö Jo̧ma: Ökwö kwitji̧mu debuju, la'akatjöda kwitji̧munö eminökujuma, lo̧köbo. Jau Jerusalen, ökwö la'akatjöda tjemunö emawa nii̧ niinokokoma, labinö kwo̧'wo ösöwachibanö lo̧köbo, baikwö yötawa: Ökwö kwömöledö debuju o̧'wo tjoachujuma, jilekwenö ju̧ju̧tjö bajalekwönönö ba̧jȩkwadö kwitji̧munö kwujuna̧lakwujuja.

Isaías 26:17

Jau duluwo̧, ökwödönö lȩkebobetjö̧, nöinö usula demawijatö, metu'wo ju̧ju, jitjinö jemakwuju usula jemawi̧danö usula demawijatö. Jau, jitji̧nö juluwanö jemakwujuma, nioko pelebö jwöbeba̧luju, ja̧danö jobujuju usula jemawi̧danö usula demawijatö. Lȩkebiawö̧, jobekwö metu'wo ju̧ju usula jemawi̧danö usula demawijatö duluwo̧ Isabenö Jo̧,

Isaías 66:6

Jau, ju'winö Jerusalen comunidadtjö ökwöi̧ kwa̧ja̧kwaduwakwedöja, ja̧danö chejutjö bakwo̧ jwöeba̧lobe kwa̧ja̧kwaduwakwedöja. Ja̧ kwa̧ja̧kwaduwakwa̧ma, ötjö Isabenö Jo̧ chiwene ökwöi̧da kwa̧ja̧kwaduwakwedöja, chöpöjojodö sulabenö ja̧tji̧tjö̧, balekwa mikwa jobadönö lȩekwa yöba̧lö jwöteba̧lobe kwa̧ja̧kwaduwakwedöja, jö̧ba̧lö yöawobe Isabenö Jo̧ma, yöawi̧ otiwanö a̧ja̧kwö ju̧kwadönö.

Mateo 24:8

Ja̧ okobe jwiinö baledijayonö, ina 'dö̧ibaji̧ möle baibökakobe. Wanedö yötawa: Jitji̧nö jemakwuju jitji̧nö emö nöinö usula jemawakwa̧ abönö, ja'yubenö niobe, ¿jö̧tö? Ja̧danö ja̧ baledi̧ma, inesö usula tjemawakwa̧maökö, sule ja̧ abönö baledakwa̧ jawada ja̧kobe.