Apocalipsis 11:9 - Dios Iwene

⁹ Ja̧danö, wa̧pötakwa mölenö ja'ö baledibanö, jojodöma böjȩ bakwameachibanö ju̧kwadötjö, wainökwena tjiwene yöba̧ladöbi, wainökwena ji̧nadötjö tupadanö jojodöbi, jelobebi jelobe ju̧kwadöbi, lödawöködöda ö'weje mananö tjö̧bajobe baledö tjeda̧lobe. Jobadönö edö, Otiwa, wainö woböda tjö̧bajadö, jö̧ba̧lö, jobadö tjö̧bajonö tjöbaledobe. Ja̧danö, jojodöma, jobadönö i̧lȩdo̧ okwa lödö tje'ewoböma yelösöda wetjokobe.

Apocalipsis 11:9 Referans Kwoze

Apocalipsis 17:15

Ina yöawijatö ötjönöma: —Ojwebiya ba̧jekwi̧ ödö kwedaja̧, isuju jelo̧ jelo̧nö juju ö'öbönö jö̧bena ojwebiya kwedaja̧, jojodönöda wanekwachobe, böjȩ okobe jwiinö ju̧kwadö jojodö, jelobebi, jelobe ju̧kwadönö, wainökwena tjiwene yöba̧ladönö.

Apocalipsis 11:11

Jo̧kwaijayonö wa̧pötakwa mölenö ja'ö baibajena wobinadöma yemidanö 'yabibajadö tjö̧jobe. Jobadönö kwabö lotjinajayonö, wa̧pötakwa möle ja'ö baibajena Dios imiyu'wo teachibawö̧ yemidanö 'yabibajadö tjö̧jobe. Ja̧danö, 'yabibajö tjöjamatiawö̧, jobadönö edadöma, ¡Ayö! jö̧ba̧lö, jwiinö yetjaibobe, yelösöda.

Apocalipsis 10:11

Ikenama juluwo̧ ángelma ötjönö yöawijatö: —Ökwöma Dios yöawi̧ yökawobö jo̧be, iteda ja̧akwa̧ma. Okobe deinö jojodönö, jelobebi, jelobe ju̧kwadönöbi, wainökwena tjiwene yöba̧ladönöbi, la'aka luwedönöbi yökawobö jo̧be, Juan— yöawijatö ötjönöma.

Apocalipsis 13:7

Ja̧danö, Dios ömöledö babibinadönö kwabawö lobö ujuluwobe chedijatö, Diosma jejenö badedö ujuninobetjö̧. Ja̧danö, juluwajo̧ma, okobe deinö böjȩnö ju̧kwadö tjuluwo̧ baibanö jo̧, wainökwena ji̧nadötjö tupadanö jojodöbi, jelobebi jelobe ju̧kwadöbi, wainökwena tjiwene yöba̧ladöbi tjuluwo̧.

Apocalipsis 5:8

Ikenama, tjöbajalebiya a̧tja̧bayedöda ju̧kwawö̧ ö'wejemu luwabi, damö la'aka luwedö veinticuatronöbi tju̧yu̧ju̧ki̧junö bamatö, tjuu nijakwö bȩtjachibijatö, Obeja Itji̧danö Jo̧ öba a'o. Jobadöma, bakwo̧nökwena, harpa do̧ba̧lakwawö bȩtjachibijatö. Ja̧danö, dȩja̧'di̧ju, orotjö otikwa o'di̧ju, bakwo̧nökwena do̧ba̧la̧kwawö bȩtjachibijatö. Ja̧ o'di̧junöma söinö nöekwi̧ jawa, imiyu'wo söinö nöekwi̧ o'wo baibanö tjujuwi̧ jawa, okwijatö, su̧'bȩnö. Ja̧ söinö nöekwi̧ jawatjö söinö nöekwi̧ imiyu'woma Dios ömöledö babibinadö Diosnö atjebi̧ wanekwachobe.

Mateo 7:2

Jau chömöledö, ökwödö jojodönö lȩkebaduwi̧danö, ökwödönöbi lȩebakwo̧ Diosma, ja̧danö ökwödö jojojodönö, Aaa, biya̧ ja̧tjobetjö̧ sulabedö, jö̧ba̧lö badedö kwomukwataduwi̧danö, Diosma ökwödönö omukwatö edakobe, sulabedö kwö̧jaduwojobö jö̧ba̧lö.

Isaías 33:1

Isabenö Dios lȩebakwawö̧ döpöjojodönö, ökwödö Juda jojodönö söbebö lotjobö jö̧ba̧ladönö, jobadönö baikwö yöta̧la: —¡Ökwödö suli̧ waedadöwe, isabenö usula kwemawaduwakwedöja! Ökwödöma ju'wedö tjitebokwena jojodönö suli̧ waedadöja, ju'wedö ina söbebö lotjököwö̧ja. Ja̧danö ökwödöma ju'wedönö omöna yöba̧lö suli̧ waedadöja, ina ju'wedö ömöna yöba̧lö, suli̧ tjöwaedö̧kö̧wö̧ja. Jo̧kwaijayonö, ökwödönö baledakwa̧ wene, baikwö yötawaduwakwö, ju'wedönö söbebö lököbaduwakwa̧ 'dö̧ibajenama, ju'wedö söbebö lotjakwawö̧ bakibaduwakwedöja, ja̧danö ju'wedönö omöna yöba̧lö, suli̧ kwöwaedaduwakwa̧ 'dö̧ibajenama, ju'wedö omöna yöba̧lö suli̧ tjöwaedakwawö̧ bakibaduwakwedöja, ökwödöwe, —jö̧ba̧lö yöta̧la döpöjojodönö.

1 Reyes 13:22

Jau, ökwönö, -Ja̧ nijinö ja̧nö kwukwoko, ja̧danö kwowoko, -jö̧ba̧lö weinajayonö, yayonö tjebachajö baikwö ichö kwukwajabe, ja̧danö kwowajabe. Jo̧kwajabetjö̧, weti̧ a̧ja̧kwökönö wainö ja̧köbajobetjö̧, ökwönö tjo̧tjenama, kwa'dödönö tjo̧tjinemi tjo̧tjökakwo̧ja ökwönöma, jelobeda kwiteba'o tjo̧tja̧kwo̧ja, —jö̧ba̧lö Dios yöawaja̧ yöawinobe pöema.

Apocalipsis 5:9

Ja̧danö, tjöbajalebiya a̧tja̧bayedöda ju̧kwawö̧ma, damö la'aka luwedökwö Obeja Itji̧danö Jo̧nö ösödö lo̧tjijatö. Lo̧tji̧ma 'yayi̧ lo̧awa, biya̧: Ökwöda jwiinö mikwawo̧ja, böja ösöja tö'awa'be kabebö kwedoböma. Ökwö, kwabö lotjinökweda, jwiinö mikwawo̧ja, kwökwösobu ebawinö kwimidawinobetjö̧. Ökwöda jwiinö mikwawo̧ja, jojodö Dios ömöledö batjibanö kwimidawinobetjö̧. Böjȩ bakwameachibanö ju̧kwadönö midawinaja, Dios ömöledö batjibanö. Bakwasokwena ju̧kwadönöbi, wainökwena tjiwene yöba̧ladönöbi, jelobebi, jelobe ju̧kwadönöbi, okobe deinö böjȩnö ju̧kwadönö midawinaja.