Apocalipsis 11:5 - Dios Iwene

⁵ Ja̧danö, jobadönö öpöjödo̧ma, Kwabö lotodönö, jö̧ba̧lö, ja̧bo̧ma, isabenö jo̧banö juwö lotjökwe. Jobadö Dios yöawi̧ yöbawadö tjaatjö, ökwöla labeibö jwiinö juwö lotjena jo̧banö, Kwabö lotodönö, jö̧ba̧lo̧nöma.

Apocalipsis 11:5 Referans Kwoze

Isaías 11:4

Jo̧ba lȩebakwa̧ma, jojodönö wainökwena edöma lȩebökakwo̧, jweinö Dios wei̧danö lȩebakwo̧. Jweinö bakweminö lȩekwa yöawakwo̧, jwibadöbi, ju'wedö sulabenö ja̧tja̧jawö̧bi öba a'o tjichibenama, mikwawöködö jö̧ba̧löma öpöjödökakwo̧, jojodönö bakweminö edö, isabenö lȩekwa yöawo jö̧a̧li̧danö lȩebakwo̧. Isabenö otiwanö lȩebakwo sulabedönöma, jweinö lȩekwa yöbawö, sulabenö ja̧badönö kwabö lotjobö weakwo̧, debö tji̧'yakobetjö̧.

Apocalipsis 9:17

Ja̧danö, ötjönö i̧sebi̧ma, baikwö chedijatö, abökönö chi̧'wi̧di̧danö: Jobadö ka̧ba̧yu̧dönö wa̧nö 'ya̧döma tjomuko tjöeba̧li̧ 'dubawadö. Ja̧ tjöeba̧li̧ 'dii̧ jawa 'dutjawi̧ma duwi̧, ökwöla ubi̧danö duwi̧. Ja̧danö, ö̧'dö̧wibi, duwapjayibi, ja̧ jawa tjöeba̧li̧ 'dutjawi̧ jawama. Ja̧danö, tja̧jwi̧mu ka̧ba̧yu̧döma, tjuuma, di̧di̧ba̧dö tjuudanö ichejekwadö. Ja̧danö, jobadö ka̧ba̧yu̧dö tjaatjöma ökwöla ubi̧kwö, imiyu'wokwö tubinö pjubadö. Ja̧danö, ju'wi jawa, azufre mikwi̧ laebi̧ chedijatö, jwiinö tubinö ubi̧ jawa, jobadö ka̧ba̧yu̧dö tjaatjö.

Apocalipsis 13:13

Jo̧bama, böjȩ teebetjö labebajo̧ma, ba̧kwȩlö̧jatebö ujulu i̧sebö jo̧. Ökwöla ubinö mölejȩbetjö böjȩkwö meinö i̧sebö webo̧, jojodö tjedonö.