Apocalipsis 10:4 - Dios Iwene

⁴ Jobadö tjökwödi̧ma, Chiwȩyudo, jö̧ta̧lemi, mölejȩbetjö iwene ökwöi̧ cha̧ja̧kwijatö: —Ja̧ tjökwödi̧ wanekwachi̧ma jojodö tjöwaisoböma jwiobe. Wȩyudökönuwi— ökwöi̧ cha̧ja̧kwijatö.

Apocalipsis 10:4 Referans Kwoze

Daniel 12:4

Ja̧danö, ökwönö baikwö wetakwö Daniel, ökwönö yötawaja̧ jawa tojö kwujuno. Ju'wedö tjedapji jö̧ba̧lö, kwialu'ye kwiwȩyuda'ye mu'dudö tojö kwujuno, 'dö̧ibaji̧ möle baibenanö kabatö. Ja̧danö, ba̧jekwadö tjöwaisachibotö jö̧ba̧lö jelobebi, jelobebi tji̧'yakobe, ja̧danö ajayinö tjöwaisinatjö bajalekwönönö tjöwaisachibakobe— jö̧ba̧lö yöawinobe ángelma.

Daniel 8:26

Ja̧danö, yȩayiteniabi, yi̧benateniabi Diosnö iyawa iyökönö tjö̧jakwa̧ma, ja̧bi isabenö baledakobe, ja̧danö labebö lobö yötawa ökwö Danielnö. Jo̧kwaijayonö ina jwiinö lekwa ja̧ baledakwa̧ma, jo̧kwajabetjö̧ ökwönö labebö lobö yötawijayonö, ja̧ jawama ina ju'wedönö kwi̧seboko, tupakwö jawa— jö̧ba̧lö yöawinobe Gabrielma Danielnö

Daniel 12:9

Jejenö abebö cha̧ja̧kwökwe, atadinobe: —Ja̧ jawa omukwatöma kwo̧'wo̧ tjokekwa Daniel, abebö kwa̧ja̧kwaja̧ chatadobö jwiobe. Jau Daniel, 'dö̧ibaji̧ möle baibenanö kabatö ja̧ wene tojö ujunakobe Diosma, jo̧kwajabetjö̧ ja̧ omukwatöma kwo̧'wo̧ tjo̧kekwa.

Apocalipsis 22:10

Ja̧danö, jö̧a̧lijatö ángelma ötjönöma: —Kwiwȩyudakwöja wene, ökwönö chisȩbaja̧ baledakwa̧ wenema ju'wedönö yökawo. Lekwema kwite'ada̧loko. Chisȩbaja̧ baledakwa̧ma lekwökö baledakobetjö yökwawo, te'ada̧lökönö..

Deuteronomio 29:29

—Jau chömöledö, isabenö Dios wei̧ a̧ja̧kwö dö̧jobö jo̧be, ökwödöbi, ditji̧mu tupadanö jojodöbi. Duluwo̧ Isabenö Jo̧ Diosma, ju'wedö wajwitji̧ jawa waiso̧ chömöledö, ja̧danö ja̧ öwaisi̧ jawatjö, ju'wijayema tojö ujunajabe, –Ötjöda chöwaisobö jo̧be, –jö̧ba̧lö. Jo̧kwaijayonö, iteda wei̧ jawa, ökwödönö i̧sȩbina jawama, ökwödö jawa, ba̧kwelöjatebö a̧ja̧kwö dö̧jobö. Jo̧kwajabetjö̧ ökwödöbi di̧tji̧mu tupadanö jojodöbi bi'ye Dios wei̧ wȩyukwa'yenö laebi̧ jawa a̧ja̧kwö dö̧jobö jo̧be chömöledö, —jö̧ba̧lö yöawinobe Moisesma, israel jojodönö.

Apocalipsis 1:11

Ja̧ ökwöi̧ma jojo yöa̧li̧da cha̧ja̧kwijatö. Ja̧danö, baikwö jö̧a̧lijatö ötjönöma: —Juan, biya̧ kwedi̧ma wȩyudi weköbo jelemutjö dötölatajanö tjuju̧kwitenia ju̧kwadönö, ötjönö ösödö ko̧ko̧kwa̧ladönöma. Biya̧ comunidadesnö ju̧kwadönö, Éfesonö, Esmirnanö, Pérgamonö, Tiatiranö, Sardisnö, Filadelfianö, Laodiceanö ju̧kwadönö wȩyudi weköbo, ötjönö ösödö ko̧ko̧kwa̧ladönöma— jejenö weijatö ötjönöma, trompeta pjutji̧danö ökwöinö yöba̧lo̧ma.

Isaías 29:11

Isabenö yötawaja̧danö baledakwa̧ chi̧'wi̧didanö chedobö weajabe Diosma, ja̧danö ökwödönö yötawajabe chömöledö. Jo̧kwaijayonö, otiwanö yötawijayonö, yötawaja̧ma kwiyalu tumatö sȩyu dotjajobedanö ichejekwobe ökwödönö, baikwö yöta̧la. Ja̧ tumatö sȩyu dotjaja̧ kwiyaluma yöa̧lakwawa waiso̧nö iyö, —Yöba̧li̧, —jö̧ba̧lö wetjitjö̧ma, —Dakwö yöta̧lobö, sȩyu dotjajabe, —jö̧ba̧lö atadakwo̧, jö̧tö?

Isaías 8:16

Ja̧danö, babema baikwö weta, böja chi̧wȩyudaja̧ 'bo̧datö kwiteada̧laduwo, ja̧danö Dios weina weyukwöja seyu dobajadö, yötawi̧ waisachadönö kwiyaduwo.

Isaías 8:1

Jemi ikenama Isabenö Jo̧ma ötjö Isaiasnö weinobe: —Isaias, wȩyukwöte emibö, otiwanö öwawinö kwi̧wȩyudo, –Böte wȩyukwötema, Maher Salal Jasbaz mikwo̧ itea wȩyukwöte, –jö̧balö.

Apocalipsis 1:19

Ina yöawijatö: —Juan, wetakwö, kwedi̧ma kwiwȩyudo, babe baledi̧ kwedi̧bi, ju'winö baledakwa̧ chi̧sebobe kwedi̧bi.

Apocalipsis 10:8

Ikenama mölejȩbetjö iwene ökwöi̧ cha̧ja̧kwijatö, yemidanö ötjönö webö: —Juan, 'ya̧wibö emaji ösöja 'bo̧dawöjama, ojwe nöödönö, nijinö ja̧ta̧lö jo̧ ángel ömamutjö— wei̧ cha̧ja̧kwijatö.