3 Juan 1:14 - Dios Iwene

¹⁴ Te'ada̧lökönö chichobö chösöda kwö̧jobema, ökwönö ediakwawö yöta̧lobö. Gayo, Diosma kwo̧'wo̧ luwo̧nö wene jwiinö kwö̧jobö pjaatakwo̧ja. Bena ju̧kwadö kwö̧ja̧wo̧döma debawö atjebobe, Dokwa, jö̧ba̧lö. Ja̧danö, ötjöbi jobe ju̧kwadö chö̧ja̧wo̧dönö debawö ateba, Dokwa, jö̧ba̧lö, bakwo̧nökwena. Tjo̧wi̧ta biya̧da yöbawö chiwȩyuda.

3 Juan 1:14 Referans Kwoze

1 Pedro 5:14

Kwömöledöduwinö du̧batö kwösödaduwo chömöledö, Jesúsnö ösödadö ösödabikwawö du̧batö dösödi̧danö. Okobe deinö ökwödö Cristonö dötewadö kwo̧'wo̧ luwo̧ ösöwachibanö kwö̧jaduwobö chösöda. Biya̧data.

Efesios 6:23

Chömöledö, Dabe'do Diosnöbi, Duluwo̧ Jesúsnöbi atebobe ökwödönöma, kwo̧'wo̧ ösöwanö kwö̧jaduwobö. Ja̧danö, Jesúsnö kwo̧'wo̧duwi kwöwana̧laduwobetjö̧, kwömöledökwö otiwanö ösödabikwawö kwö̧jaduwobö atebobe Dabe'do Diosnöbi, Duluwo̧ Jesúsnöbi.

Gálatas 5:16

Baikwö yötawaduwakwö chömöledö: Dios O̧'wo̧ Luwo̧ yöawi̧danö ja̧bö kwö̧jaduwo, sulabenö kwösödaduwi̧ jawa ja̧bökönö.

Daniel 4:1

Ju'wi o̧ba, la'aka luwo̧ Nabucodonosorma jojodönö yöawinobe jo̧banö baledina wene, baikwö: —Ötjöma Nabucodonosor mikwo̧sa, ja̧danö okobe deinö jelesokwena jojodönö, ja̧danö tjitebotenia jojodönö, ja̧danö tjiwenetenia yöba̧ladönö yötawa baikwö: Wene jwiinö otiwanö kwö̧jaduwobö chösöda.

Génesis 43:23

Jejenö jö̧tja̧lökwe: —Jau otiwa. Yebabiduwökönuwi. Ökwödö Kwuluwo̧duwi Diosma, kwabe'doduwi Uluwo̧ Diosma aninobe kwutu̧da'wijuduwinö baladama. Ötjöma chemijatö ökwödö belö kwimidinaduwa baladama. Otiwa— jö̧ba̧lijetö José ömöayo̧ma. Ikenama Simeónnö ka̧lela ba̧kwawejutjö labebö ichejebijetö ömöledö tjuju̧kwobekwö.

Juan 10:3

Ja̧danö, o̧bȩja̧dönö te'ada̧lo̧ ichena, apjude ja̧nö po̧bebo̧ma apjude po̧ebobe o̧bȩja̧dönö te'ada̧lo̧ teachobö. Ja̧danö, o̧bȩja̧döma idöda a̧dekwanö te'ada̧lo̧ iwenema a̧ja̧kwadö. Ja̧danö, te'ada̧lo̧ma iteda ite'ada̧lawö̧ tjimikwena waiso̧. Ja̧danö, ite'ada̧lawö̧ tjimibiyanö jwöawö̧ma ichadö, te'ada̧lo̧kwö tji̧'yobö.

Juan 20:19

Ikenama ja̧ möle, abönö möle ötjabi̧ möle yi̧bena, Jesús öba̧ja̧di̧ waisachadöma o̧do okwa tjö̧bajinobe. Jeju apjudebiya pje'datakwawibö tjö̧bajinobe, judío jojodönö yebabinö ja̧nö, tjöwaisapji jö̧ba̧lö. Ja̧danö, Jesús omönanö öwawachinobe o̧do okwa. Jobadökwö ja̧nö jö̧a̧linobe: —Kwo̧'wo̧duwi ösöwanö ja̧duwi— jö̧a̧linobe.

Juan 20:21

Ikenama Jesúsma yemidanö jö̧a̧linobe: —Kwo̧'wo̧duwi ösöwanö ja̧duwi— jö̧ba̧lö—. Chabe'do ötjönö weinadanö ökwödönö wetobe, chiwene yökawaduwobö— jö̧ba̧lö weinobe jobadönö.

2 Juan 1:12

Chö̧ja̧wo̧dö, ina nöinö yöta̧lo jö̧ta̧lijayonö̧ kwialusöjanö wȩyudö yöta̧lo jö̧ta̧lökö. Kwö̧jaduwobe chichobö chosöda, ökwödönö ediakwawö yöta̧lobö. Jejenö ökwödönö ediakwawöda yöta̧lobö jö̧ta̧la, do̧'wo̧ ösöwanö dö̧jobö.