2 Timoteo 4:5 - Dios Iwene

⁵ Timoteo, ba̧kwȩlö̧jatebö jweinö omukwatö kwö̧jo, ja̧danö usula kwemawenama, kwo̧'wo̧ 'dibachibö kwöbaledo. Otiwa jawa wene yöbawö kwotido, ja̧danö ju'wi Dios ökwönö wei̧bi otidö kwö̧jo.

2 Timoteo 4:5 Referans Kwoze

2 Timoteo 1:8

Jo̧kwajabetjö̧, Duluwo̧ jawa wene tabakwökönö yöbawö kwö̧jo Timoteo, ja̧danö ka̧lena chö̧bijayonö, ötjönöma kwötabakwokotjö, Pabloma chömöledöso̧bö̧kö̧ jö̧ba̧lö. Jau Timoteo, Jesús jawa wene yötawobetjö̧ ka̧lena chö̧bobe ötjöma, ja̧danö, ökwöbi otiwa jawa wene yökawobetjö̧, bakobe Dios ujulunö ötjökwö usula emawö kwö̧jo ökwöbi, öpöjödachibökönö.

1 Pedro 1:13

Ja̧ wenema isabenö wene chömöledö, ja̧danö ja̧ wene omukwatö kwö̧jaduwo, otiwanö ja̧bö kwö̧jaduwakobetjö̧. Ja̧danö jweinö omukwatö jwaikwöda ja̧ Dios ökwödönö iyakwa̧ jawa kwo̧'wo̧ kwöwana̧laduwo chömöledö, isabenö Jesucristo yemidanö ichenama, Dios otiwanö iyakwawö̧sa jö̧ba̧lö.

2 Timoteo 2:3

Ja̧danö, wanedö yötawa Timoteo: Cristo Jesús ömöayo̧ guardiaso̧danö ichejekwo̧ja, jo̧kwajabetjö̧ guardiaso̧ otiwo̧danö, usula kwemawijayonö, kwo̧'wo̧ 'dibachibö baledö kwö̧jo.

Colosenses 4:17

Ja̧danö Arquipo mikwo̧nö baikwö yökawaduwo chömöledö, Dios jo̧banö otidobö weinama, tupakwö kaatenanö baibanö ja̧ otidö ö̧jobö yökawaduwonö.

1 Timoteo 4:12

Ina möayo̧danöbo̧ja Timoteo, jo̧kwaijayonö Dios ösödi̧danö ja̧bö ja̧kwawa i̧sebö kwö̧jo, ju'wedö edö tjöwaisachibobö. Ja̧danö, yöba̧lö kwö̧ji̧bi, ja̧danö ja̧bö kwö̧ji̧bi, ja̧danö jojodönö ösödö kwö̧ji̧bi, ja̧danö Jesúsnö ösödö kwö̧ji̧ma, bakwainö Dios ösödi̧danö ja̧bö ja̧kwawada i̧sebö kwö̧jo. Jejenö ja̧bö kwö̧jo Timoteo, jojodö, Aaa, bite möayo̧danöbo̧ Timoteo yöawi̧ma da̧ja̧kwoko, jö̧ba̧lö yötja̧lökakobetjö̧.

Hechos 21:8

Ju'wi dewachö jobetjö labebö Cesarea nijinö ichibö, lamatajadö wa̧ibö di̧'yijatö Felipe, ji̧kwa wene yöbawo̧ ejube. Felipema Jesúsnö ösödadönö pjabato̧, jelemutjö du̧ju̧taja pjaatakwawa jojodötjö bakwo̧.

1 Timoteo 4:15

Biya̧ okobe jwiinö ökwönö wetaja̧ma ja̧bö kwö̧jo, ja̧danö jwaikwöda ja̧ jawa ja̧köbobö isakwö kwö̧jo, kwo̧'wo̧ luwo̧nö kwöda̧peachi̧ öwawakobetjö̧, okobe deinö tjedobö.

1 Tesalonicenses 5:6

Jo̧kwajabetjö̧, wanedö yötawa: Kwo̧'wo̧ luwo̧duwi jawama, ju'wedö tjaba̧li̧danöma daba̧laduwoko chömöledö, möle eda̧ladödanö dö̧jo, 'dukwachinö jö̧könö.

Apocalipsis 3:2

Yötawaduwakwö. Wilubakwawaduwi, kwo̧'wo̧ luwo̧duwi okwanö ö'wiawakwawalö̧jönö kwö̧jaduwobö. Ina kwo̧'wo̧ luwo̧duwi okwanö ja'yubeda kwujuna̧laduwena otiwanö kwomukwataduwi̧ma. Jo̧kwaobetjö̧, ö'wiawakwawalö̧jönö ja̧nö, kwo̧'wo̧ luwo̧duwi okwanö kwujuluwaduwo, ja'yubebi otiwanö kwomukwataduwi̧ma jwiinö baibapji jö̧ba̧lö. Chömöledö, Chuluwo̧ Diosma okobe jwiinö ja̧köbaduwobe edo̧. Ja̧danö, chedemi jo̧ba wei̧ kakatibinaduwobe, iteda ja̧bö kwö̧jaduwobö wei̧ma.

Efesios 4:11

Chömöledö, jo̧bama, mölejȩbe kabekwajinama, damötjö Dios iwenenö iwȩyudinökwe. Jo̧ba iwȩyudinökwe iyabinadanö, otiwa jawa iyabijetö. ¿Dakwö yöawobeda, otiwa jawa iyabijetö, jö̧ba̧löma? Biya̧ chömöledö: Cristoma jo̧banö ösödadönöma bakwo̧nökwena wainökwena jelo̧nö ju'wi, jelo̧nö ju'wi, tjo̧'wo̧ luwo̧ jawa tjotidawakwena iyabinobe, jojodönö pjabatö, Dios wei̧ tjotidobö. Jo̧banö ösödadötjö ju'wedönöma 'da̧batö ujuninobe iteda weawö̧ batjibinö ja̧bö. Ja̧danö, ju'wedönö 'da̧batö ujuninobe Dios iwene yötjawobö Jesúsnö ösödadönö. Ja̧danö, ju'wedönö ji̧bakwawa wene yötjawobö 'da̧batö ujuninobe. Ja̧danö, ju'wedönö Jesúsnö ösödadönö tjite'ada̧loböbi, tjöba̧ja̧doböbi 'da̧batö ujuninobe Cristoma.

Hebreos 13:17

Ju'wi jawabi chömöledö. Dios iwene yöawakwawa jojodönö yötjawi̧ a̧ja̧kwö kwuju̧kwaduwo, Bidöma waisanö te'ada̧ladö do̧'wo̧ luwo̧nö da̧peachö di̧'yobö, jö̧ba̧lö. Chömöledö, bajaleapo möle baibena Diosma jobadönö yöawakobe, tjite'ada̧linawö̧nö otiwanö tjite'ada̧linojobö, otiwanö tjite'ada̧linokojobö, jö̧ba̧lö. Jo̧kwaobetjö̧ ökwödönö otiwanö te'ada̧lö pjatjatobö jö̧tja̧lobe. Jo̧kwaijayonö yötjawi̧ öpöjödö kwa̧ja̧kwaduwökötjö̧ma jobadö ökwödönö otiwanö pjatjatobö, kwöda̧peachaduwobö pjatjatoböma jwiena chömöledö. Jo̧kwaobetjö̧ jobadö yötjawi̧ a̧ja̧kwö kwuju̧kwaduwo chömöledö.

2 Timoteo 2:10

Ja̧danö, Dios iwene pje'datakwawokobetjö̧, usula chemawijayonö, Dios ösödawö̧ ömöledö batjibakwedönö omukwatö, öpöjödachibökönö usula chemawobe. Jau Timoteo, öpöjödachibökönö usula chemawobe, cho̧'wo̧ 'dibachibö usula chemawi̧tjö jobadöbi Cristo Jesúsnö ösödö tjö̧jibakobetjö̧, ja̧danö jo̧bakwö mölejȩbetjö ba̧kwȩlö̧jatebö tjö̧jakobetjö̧.

Lucas 12:37

Ja̧danö, tjuluwo̧ ichibena ina eda̧lö̧ tjite'ada̧litjö̧ma, isabenö tjo̧'wo̧ ösöwanö tjö̧jakwedö joba̧ ömöayedöma chömöledö. Isabenö yötawaduwakwö chömöledö, ina te'ada̧lö tjö̧jiökwe, tjuluwo̧ma jobadönö ösödö iteda otidadö 'dutjawado̧ kamijido̧ 'duawena, ja̧danö iteda ömöayedönö weena, mesasötenö ba̧nö jo̧bada ite'ada̧lonö tjukwobö.

Marcos 13:37

Ökwödönö yötawi̧ma okobe deinö jojodönöbi tjöwaisobö chösöda. Otiwanö tjöbeba̧lakwawö kwuju̧kwaduwo—jö̧ba̧lö wanedö yöbawijetö Jesúsma öba̧ja̧di̧ waisachadönöma.

Colosenses 1:25

Jau chömöledö, Diosma ötjönö ujuninobe, Cristonö ösödadö tjömöayo̧ batibanö, ja̧danö chotidobö ujuninobe, Dios iwene okobe jwiinö yötawo jö̧ba̧lö.

Romanos 15:19

Ja̧danö Dios O̧'wo̧ Luwo̧ weitjö̧, Dios O̧'wo̧ Luwo̧ ujulunö jojodö edajitjökö jawa chi̧sebijatö, Dios ujulu chi̧sebijatö, edö Diosnö tjösödo jö̧ba̧lö, Dios wei̧ jobadöbi ja̧tjo jö̧ba̧lö. Ja̧danö, jejenö yötawiawö̧, judío jojodöböködöbi Diosnö tjösödinobe, jobadöbi Dios wei̧ ja̧bö. Jau chömöledö, nöinö yöbawö kwebachiachijatö, Jerusaléntjö jamatö, Ilírico niji baibanö. Jobe okobe jwiinö Cristo jawa otiwa jawa wene yöbawiachijatö.

Marcos 13:34

Wanedö yötawa: Bakwo̧ la'aka luwo̧, jelobe i̧'yajabe okobema ejunö ömöayedöma tjuluwo̧ weaja̧ otidö tjuju̧kwobe. Jobadöma bakwo̧nökwena tjotidawa otidö tjuju̧kwobe tjuluwo̧ weaja̧ma. Apjude a'o te'ada̧lo̧nöbi, Eda̧lö kwite'ada̧lo, jö̧ba̧lö, webijetö tjuluwo̧ma i̧'yakwa̧ abönö, yemidanö ichakwa̧ma ite'ada̧lobö. Ja̧danö, ömöayedöma wajwibadö tjuluwo̧ yemidanö ichakwa̧ma.

Isaías 62:6

Chitebo comunidad Jerusalen, eda̧lö tjöbeba̧la̧dönö chujunajabe, tjöekwemi ja̧nö, Diosnö atjebakobetjö̧. Jau Jerusalen, mölebi, yö̧tebi baledibanö, wi̧inö jö̧könö, kabatökönö Diosnö abebö tjö̧jakwedö. Isabenö Jo̧ma Jerusalennö ju̧kwadönö pjaatakwa̧ jawa yöbawö ujunajabe, jo̧kwajabetjö̧ ökwödö jo̧banö abebadöma, ö'wachökönö, jwaikwöda yöbawö ujunina jawa omukwatibobö akebaduwo.

Efesios 4:12

Jejenö Cristoma Dios ömöledö babibinadönö, bakwo̧nökwena, iyabinobe tjotidawakwena, okobe deinö Dios ömöledö babibinadönö öbibö tjöba̧ja̧dobö. Jejenö öbibö tjöba̧ja̧do jö̧ba̧lö, iyabinobe Cristoma, okobe deinö Dios ömöledö babibinadöma otiwanö tjotidobö Dios weinama. Ja̧danö, okobe deinö Cristo iteba'obedöma tjo̧'wo̧ luwo̧nö jemi tupakwö juluwachibanö tji̧'yobö iyabinobe tjotidawakwenama.

2 Timoteo 4:17

Ja̧danö, ju'wedö le'dedibö lotjijayonö, Duluwo̧ma le'dediböma loinokobe ötjönö, Duluwo̧ma ötjökwö ö̧jinobe, ja̧danö chujuluwachibanö pjaatinobe okobe jwiinö Dios yöawi̧ yötawobö. Jejenö pjaatobetjö̧, okobe deinö jobe ju̧kwadö judío jojodöböködöma Dios yöawi̧ tja̧ja̧kwinobe, ja̧danö ju'wibi, Duluwo̧ma chö̧jibinö pjaatinobe, lȩekwa luwedö ötjönö kwabö lotjapji jö̧ba̧lö.

Mateo 25:16

Jo̧ba ömöayedötjö cinco mil iyajökwema, ja̧ baladanö otidö midö eminobe, ja̧danö mikwanö iyinobe. Waisanö ja̧ baladanö otidobetjö̧, cinco milda ajayinö ujuna̧linatjö, diez mil baibanö otidinobe.