2 Timoteo 4:13 - Dios Iwene

¹³ Ja̧danö, belö Troas comunidadtjö Carpo mikwo̧kwö chökamijido̧ tiyuwena 'duawakwado̧ chödibijatö, ja̧bi kwichejebobö chösöda, ja̧danö kwialubi kwichejebo. Ja̧ kwialutjö inesö kwichejebobö chösödi̧ma, i̧sȩdo̧tjö otikwa öjiya kwichejebobö chösöda.

2 Timoteo 4:13 Referans Kwoze

1 Corintios 4:11

Chömöledö, ökwödö Jesús webawedöma babebi ina a̧wi̧chi̧ tjöbö dö̧jobe, ja̧danö o̧ti̧tjö tjöbö usula demawobe. Ja̧danö, kamijido̧ sulabado̧ kȩachado̧ 'dubawadö dö̧jobe, ja̧danö jojodö kwakwatjawö̧ dö̧jobe usula emawö. Ja̧danö, jelobebi, jelobebi kwebachö dö̧jobe,

Hechos 16:11

Di̧'yakwowi badekwajö a̧jibö Troastjö pebibö di̧'yijatö Samotracia mikwa'o ö'wejesa'o jo̧bekwö. Ju'wi dewachö möle jobetjö labebajadö Neápolis comunidadnö dichibijatö

Hechos 16:8

Jo̧kwaobetjö̧, Misia niji baledö ichibijadötö Troas comunidadnö, ojwe ö'öbö.

2 Corintios 11:27

Ja̧danö, nöinö usula emawö otidiachijatö, ja̧danö nöinö yö̧te abökönö ji̧achijatö, ja̧danö a̧wi̧chi̧tjöbi ojwiyotjöbi, o̧ti̧ tjöbö ji̧achijatö, ja̧danö nöinö kwakwawabi jwibö ji̧achijatö, ja̧danö chejubi jwibö, kamijido̧ otiwado̧bi jwibö, tiyuwobe ji̧achijatö chömöledö.

Mateo 5:40

Ja̧danö, jelo̧ lȩekwa luwo̧ öba a'otjö kwökamisi 'döebobö isakwitjö̧ma, ja̧bi, wamesado̧bi kwiyonö.

Hechos 20:38

Jobadöma Pablonö yöawaja̧ omukwatö, Yemidanö ötjönö kwedaduwokobe, jö̧ba̧lö, yöawaja̧ omukwatö jwiinö tjo̧'wo̧ tjo̧tjekwinö babibijadötö. Ikenama jobadöma Pablokwö 'yi̧jadötö i̧'yakwowi lo̧bekwö.