Biblia Todo Logo
Bib sou entènèt

- Piblisite -




2 Timoteo 3:5 - Dios Iwene

5 Jobadöma wamenö Diosnö ösödadödanö tjichejekwakobe Timoteo, jo̧kwaijayonö jejenö tjichejekwijayonö, okwanö tjöpöjödakobe, Dios ujulu jwia jö̧ba̧lö. Jobadötjö 'da̧bachibö ja̧wi Timoteo,

Gade chapit la Kopi




2 Timoteo 3:5
20 Referans Kwoze  

Ja̧danö, Isabenö Jo̧ Diosma baikwö yöawajabe ökwödönö chömöledö: —Bidö jojodöma tjaanö yötja̧lobe, –Dioskwö yö̧ne ja̧dösa, –jö̧ba̧lö, ja̧danö tja̧jȩnö ötjönö ösödö yöba̧ladö, –Diosma otiwo̧, jo̧banö yebabinö ösödadösa, –jö̧balö. Jo̧kwaijayonö jobekwö yötja̧lijayonö, omöna, tjomajadenö yö̧ne jö̧kö̧nö chö̧jelö ödö ju̧kwadö. Ja̧danö, –Diosnö yebabinö ösödadösa, –jö̧ba̧lö yötja̧li̧ma, ötjöda weti̧ a̧ja̧kwö, jobekwö yöba̧löködö, jojodöda wetji̧ a̧ja̧kwö, jobekwö yöba̧ladö.


Jobadöma, Aaa, Diosnö waisadösa. jö̧ba̧lö yötjawijayonö, ja̧tji̧ma wainö i̧sebö yöbawadö, Diosnö öpöjödadösa, jö̧ba̧lö. Ja̧danö, jobadöma sulabedö, Dios wei̧ a̧ja̧kwökönö ja̧badö, ja̧danö ja'yubebi otiwanö ja̧bö tjuju̧kwoböma jwibadö.


Ja̧danö, ju'wibi yötawa. Jesúsnö ösödadötjö bakwo̧ iteda ömöledönö ite'ada̧lökötjö̧ma, iteda yöne ömöledönö ite'ada̧lökötjö̧ma, jo̧bama Cristonö ösödö dö̧ji̧ öpöjödo̧, ja̧danö Cristonö öpöjödo̧nötjö o̧penönö sulabo̧ jo̧bama.


Tupakwö yöawinobe Jesúsma: —Chömöledö, ö'wiakwawönö edö kwö̧jaduwo sulabenö yöbawadönö. Jobadöma, Dios yöawi̧ yöbawadösa, jö̧ba̧lö yötja̧lijayonö, omöna yöba̧ladö. Ja̧danö wanedö yötawa: O̧bȩja̧dödanö ichejekwadö tjichejekwijayonö, o̧bȩja̧döböködö. Labidö. Tebo a̧wi̧li̧dödanöbedö chömöledö.


Tito, Jesúsnö ösödadötjö bakwo̧ma Jesúsnö ösödadö ju'wedö Jesúsnö ösödadökwö tjölakwabikwawobö ja̧bo̧ ö̧jitjö̧ma, jo̧banö weköbo, jejenö ja̧bö ö̧ji̧ kaatibobö. Bakwötanö weköbajökwe ina a̧ja̧kwökötjö̧ma, yemidanö weköbonö, kaatibobö. Ja̧danö, dötölatajanö kaatibobö weköbajökwe ina a̧ja̧kwökönö jwaikwöda sulabenö tjölakwabikwawobö ja̧bo̧ ö̧jitjö̧ma, jo̧batjö 'da̧bachibö kwö̧jaduwo ökwödö Jesúsnö ösödadöma.


Ja̧danö, jejenö yöbawö kwö̧jonö, jojodö mikwawökö ji̧ sulabenö yötja̧li̧ma a̧ja̧kwökönuwi Timoteo. Jau Timoteo, jejenö yötja̧li̧ma, wanedö yötawa, jojodönö le'dedö loobedanö ichejekwa, ja̧danö ju'wibi, tupakwö Dios öpöjödi̧ jawa jwaikwöda ja̧tjobö ji̧.


Ja̧danö kwöwaisa Timoteo, jojodö wajwibö omukwatökönö yötja̧lakwawi̧ma, Aaa, biya̧daena, ju'widaena, jö̧ba̧lö yötja̧lakwawi̧ma mikwawokobe, sule jojodö jwöjwötjakwawobö ja̧i̧ ji̧, ¿jö̧tö? Jo̧kwajabetjö̧ ja̧ jaye yöa̧lakwawama kwöpöjödo, jojodökwö jwöjwöbakwawö kwö̧japji jö̧ba̧lö.


Jejenö da̧peachadö badibenama, ökwödöma tjemu wajwibadödanö dö̧jökena, Dios iwenema. Ja̧danö, waisanö ja̧nö, ju'wedö wainö omukwatö yötjawi̧ma da̧ja̧kwökena. Wanedö yötawa chömöledö: Isowi, tjolanö nubökönö nönawowi, jwa̧lȩ'epjo ichobe balawa loobö jwa̧lȩ'epjo e'ewibobekwö 'yo̧wi. Ökwödöma jejenö dö̧jaduwoko. Jowi isowi balawa loobö jwa̧lȩ'epjo e'ewibidanöma e'ewibököwö̧sa, do̧'wo̧ luwo̧nö da̧peachö dö̧jenama. Ja̧danö ju'wedökwöma, ökwödönö tjo̧'wo̧ sulinö edö, sulabenö doma'a o̧pekwönö ja̧badöma tje'ewibököwö̧sa, isowi tjolanö nubökönö nönawowidanöma.


Chömöledö, ökwödö Jesúsnö ösödadötjö ju'wedö tjuju̧kwobe, döba̧ja̧dina a̧ja̧kwökönö 'dö̧wekwachibö ju̧kwadöma. Duluwo̧ Jesucristo iminö wedaduwakwö, okobe deinö jejenö ja̧bö ju̧kwadö Jesúsnö ösödadötjö 'da̧bachibö kwö̧jaduwo jö̧ba̧lö.


Ökwödötjö bakwo̧ böjanö diwȩyudaja̧ma a̧ja̧kwökönö öpöjöditjö̧ma, jo̧banö kwedaduwo, a̧ja̧kwö̧kö̧ jö̧ba̧lö. Ja̧danö, jo̧bakwö bakobe kwö̧jaduwoko, tabakwö ö̧jakobetjö̧.


Ja̧danö, böjȩ jojodö tja'dödötjö tja̧ja̧kwina jawa, mikwawökö jawa yötjawi̧tjö 'da̧bachibö kwö̧jo, ja̧ jawa a̧ja̧kwö omukwatökönö. Jwaikwöda Dios ösödi̧ jawada isakwö kwö̧jo, ja̧da ja̧bö kwö̧jo.


Wanedö yötawa: Ju'wedö juluwadö batjibobö isakwadöma, kabatökönö ö'öba̧libadö, ja̧danö ju'wibi ja̧badö, tupakwö juluwadö batjibobö. Ja̧ ja̧tji̧ma ja'yubeda pjaatijayonö, nöinö pjaatokobe, sule böjȩnö ja̧nö tjiteba'o jawada tjujuluwachibobö pjaatobetjö̧. Jo̧kwaijayonö, Dios ösödi̧danö ja̧dobö isawama, ja̧danö Dios ösödi̧danö ja̧bö ja̧kwawama inesö pjaati̧ do̧'wo̧ luwo̧nö dujuluwachibanö. Ja̧danö, böjȩnö ja̧nöbi, mölejȩnö Dioskwö ja̧nöbi pjaatobetjö̧, do̧'wo̧ luwo̧ ösöwachibanö dö̧jakobe.


Swiv nou:

Piblisite


Piblisite