2 Timoteo 1:4 - Dios Iwene4 Jau Timoteo, isabenö ökwönö chomukwatobe, ja̧danö belö o̧'wo̧ tjo̧achö kwubudekwina wene chomukwatibobe. Jejenö omukwatö, cho̧'wo̧ tjo̧achobe, yemidanö chömöledöso̧ Timoteonö chedowe jö̧ba̧lö, yemidanö dediakwawenama otiwanö cho̧'wo̧ ösöwachibanö chö̧jakobetjö̧. Gade chapit la |
Chömöledö, ökwödö kwö̧jaduwelö ja'yubeda lekwajabetjö 'da̧bachibö dö̧jajabema, jwiinö ökwödönö dedobö dösödijatö. Ja̧ 'da̧bachibö dö̧ji̧ma, do̧'wo̧ luwo̧tjöma la'akatjöda 'da̧bachibö dö̧jijökötö chömöledö. Jo̧kwaijayonö diteba'otjö 'da̧bachibö dö̧jobetjö̧, dömöledönö dedowe jö̧ba̧lö ökwödönö yemidanö döbabiyakwena dediakwawobö disakwijatö chömöledö.
Diosma, ömöledönö otiwanö ite'ada̧lakobe. Jobadöma belöma budekwabinö tjuju̧kwinajayonö, tjo̧wi̧, babema budekwaböködö. Ja̧danö, yemidanö wotjökakwedö. Ajayi suli̧ baledinama, la'akatjöda yemidanöma suli̧ma baledökakwawö̧. Ja̧danö, tjo̧'wo̧ tjo̧ebi̧bi yemidanöma baledökakwawö̧. Budekwöbi, nii̧bi niökakwawö̧ ajayinö baledinadanö— jö̧ba̧lö cha̧ja̧kwijatö.
Ja̧danö, Obeja Itji̧danö Jo̧ma otiwanö ite'ada̧lobetjö̧ inia tjötjinö baledököwö̧. Ja̧danö, jobadönö otiwanö öbibö 'yo̧ ojwese'do jo̧bekwö, ba̧kwȩlö̧jatebö ja̧kwawa okwe'dokwö. Ja̧danö, jobadöma belöma budekwabinö tjuju̧kwinajayonö, tjo̧wi̧, babema budekwaböködö. Otiwanö ju̧kwadö, Diosma pjaatinobetjö̧— damö la'aka luwedötjö bakwo̧ma jö̧a̧lijatö ötjönöma.
Jo̧banö wetobö jö̧ta̧la chömöledö, nöinö ökwödönö edobö o̧'wo̧ tjo̧achobetjö̧. Jau chömöledö ökwödöma Epafrodito ö'wöchi̧ wene kwa̧ja̧kwinaduwobe, ja̧danö jejenö kwa̧ja̧kwaduwiökwe, Epafroditoma o̧'wo̧ tjo̧achobe, ja̧danö nöinö ökwödönö edobö ösödobe chömöledö, chömöledöma ötjönö tjo̧'wo̧ tjo̧achena jö̧ba̧lö.
Ötjöma, Ökwödötjö o̧penönö jo̧sa, jö̧ba̧lö, la'akatjöda omukwatö chö̧jijökötö, ökwödökwö chö̧jonö. Jejenö, ötjönöda omukwatökönö, Duluwo̧ weina ja̧bö chö̧jijatö. Yelösöda usula chemawijatö judío jojodöma ötjönö kabatökönö, Kwabö lodonö, jö̧ba̧lö, omukwatö tjisakwobetjö̧. Ökwödökwö ja̧nö budekwaböbi chubudekwabijatö usula emawö.
Jau, okobe deinö Jerusalen comunidadtjö budekwadönö, ökwölaso̧pja tjuunö tjöwanajelö, balekwaka o̧bubiyatjö otikwaka butjawaka tjubutjawobö chiyobö weökwesa, ja̧danö tjubudesobu ji̧nemi, balekwobu o̧'wo ösöwachibakwawa o̧te chiyobö weinökwesa, ja̧danö budekwadö 'dutjawa̧do̧ 'dutjawajemi, balekwa̧do̧ tjo̧'wo ösöwachibanö Diosnö ösödadö 'dutjawa̧do̧ chiyobö weinökwesa. Ja̧ möle 'diinö ja̧nö Dios wei̧ a̧ja̧kwö tjö̧jobetjö̧, —Isabenö Jo̧ wei̧ a̧ja̧kwi̧owi encina towibiya, —jö̧ba̧lö ötjabikwawö̧. Jobekwö 'diinö tjö̧jobö ujunakwo̧ Diosma, jobadönö edö, jo̧banö otiwanö omukwatö tjösödakobetjö̧.