2 Timoteo 1:11 - Dios Iwene

¹¹ Ja̧danö, ja̧ wene yötawo jö̧ba̧lö Diosma 'da̧batö ujuninobe ötjönö, yöbawo̧ batibanö, ja̧danö Cristo webawo̧ batibanö, ja̧danö ja̧ wene ba̧ja̧do̧ batibanö.

2 Timoteo 1:11 Referans Kwoze

1 Timoteo 2:7

Ja̧danö, Diosma okobe deinö tjö̧jibobö ösödo̧obetjö̧, ötjönö weinobe, Jesús webawo̧ batibanö, ja̧danö judío jojodöböködönö yöbawo̧ batibanö. Ja̧danö, ötjönö weinobe judío jojodöböködönö isabenö wene yötawobö, Jesús jawa isabenö wene yötawobö weinobe. Ja̧ yötawi̧, judío jojodöböködönö yötawobö weinobe jö̧ba̧lö yötawi̧ma, jweinö yötawa, omöna yöta̧lökö.

Hechos 9:15

Jejenö jö̧a̧liökwe Duluwo̧ma jö̧ba̧lijetö: —Yayonö jo̧ba ö̧jobekwö 'ya̧wi Ananías. Jo̧banö ötjö jawa wene yöbawo̧ baibanö 'da̧batö chujunökweobetjö̧ 'ya̧wi. Jo̧bama Israel jojodöböködönöbi, Israel jojodöböködö tjuluwedönöbi yöawakwo̧ ötjö jawa wenema. Ja̧danö, Israel jojodönöbi yöawakwo̧ jo̧bama ötjö jawa wenema.

1 Timoteo 1:7

Ja̧danö, jobadöma Dios weina Moisés iwȩyudina jawa yötjawobö tjösödijayonö, wajwibö yötjawobe. Jau Timoteo, wajwibadö jobadöma, idöda yötjawi̧ jawabi wajwibadö. Ja̧danö Dios wei̧ jawa waisadösa, baikwö webo̧, jö̧ba̧lö labinö yötjawijayonö, wajwibadöda yötjawobe.

1 Corintios 9:1

Chömöledö, ötjö Pabloma ju'wedö tjömöayo̧bö̧kö̧sa, ¿jö̧tö? Ja̧danö, ötjöma Jesús webawo̧ chö̧jobe, ¿jö̧tö? Ja̧danö, Duluwo̧ Jesúsnö chedinobe, ¿jö̧tö? Ja̧danö, ökwödö Corintio jojodöma ötjönötjö Duluwo̧nöma kwösödinaduwobe, ¿jö̧tö?