2 Samuel 9:6 - Dios Iwene

⁶ Ja̧danö tjichejebiökwe, Saul itji̧ Jonatan itji̧ Mefiboset mikwo̧ma David öba a'o ichibinobe, ja̧danö ichibö David öba a'otjö öba nijakwö öbamatinobe, chuluwo̧ja jö̧ba̧lö. Ichibö, —Mefiboset kwö̧jiji̧? —David jö̧a̧lökwe, —Jau, kwömöayo̧ Mefibosetsa, —jö̧ba̧lö atadinobe.

2 Samuel 9:6 Referans Kwoze

1 Crónicas 9:40

Jonatanma Merib-baal mikwo̧ abe'doinobe. Ja̧danö Merib-baalma Micaia mikwo̧ abe'doinobe.

1 Crónicas 8:34

Jonatanma Merib-baal mikwo̧ abe'doinobe. Ja̧danö Merib-baalma Micaia mikwo̧ abe'doinobe.

2 Samuel 16:4

Jejenö yöa̧lökwe, la'aka luwo̧ Davidma Sibanö yöa̧linobe, —Mefiboset jejenö ötjönö öpöjödö ö̧jibinobetjö̧, okobe jwiinö jo̧ba ujuna̧linama, ökwönö chiyakwö, —jö̧ba̧lö. Yöa̧lökwe, Sibama atadinobe, —Chuluwo̧, kwöba a'o bȩbachibö chösödakwö, ba̧kwelöjatebö kwösödi̧nö ja̧bö chö̧jobö chösöda, —jö̧ba̧lö.

1 Samuel 25:23

Ja̧danö, Davidnö jedenama, Abigailma juluwanö jajwitjö mebibö, David ö̧jobekwö 'ya̧wibö, öba a'o nijakwö bȩjachibinobe, kwömöayujusa jö̧ba̧lö.

1 Samuel 20:41

Ikenama, tjemu ȩwa̧jaja okobema, Davidma inawiya o̧penö uju̧kwawajelö labebö, Jonatan ö̧jobekwö 'ya̧wibö, Jonatan öba a'ö öba nijakwö wapötakwanö bȩbachibö ja̧inobe. Ja̧danö, ösödabikwawö du̧batö, tjubudekwinobe, jo̧kwaijayonö Jonatan ubudekwi̧tjö bajalekwönönö nöinö ubudekwinobe Davidma.

Génesis 33:3

Ikenama Jacobma jobadönö baledibö tjabönö 'yi̧jetö öpöe ö̧jobekwö, jelemutjö̧ dötölatajanö bȩbacha̧liabö 'ya̧nö.

Génesis 18:2

Abrahamma jobe apjude a'o ba̧nö, edemi omönanö ömadö wa̧medukwa ji̧jadötö, jo̧ba ö̧bemi badeibö. Jobadönö edö omönanö a̧laibö jobadö tjö̧jobekwö 'ya̧wibö u̧yu̧jukijunö bamatö öba bȩbachibijetö nijakwö uunö, chuluwedö, jö̧ba̧lö.

2 Samuel 4:4

Ja̧danö jelo̧bi ö̧jinobe, Saul i̧tji̧mu tupadanö jojodötjöma, Saul ö̧'dö̧ Jonatanmine itji̧ Mefiboset mikwo̧ ö̧jinobe, ömasapiya suli̧ waekwinökwema. Jo̧ba ömasapiya suli̧ waekwina wenema baikwö laebobe. Mefiboset bakwamu jawa o̧biya ujuna̧lenama, abe'do Jonatanbi, a'dö Saulbi filisteo jojodökwö ölakwabikwawö debö tji̧'yinobe. Ja̧danö, ö'wö batjibaja̧ wene Jezrel comunidadtjö ichö yötjawenama, Mefibosetnö teada̧lujuma juluwanö jo̧banö do̧batö döjibajinobe, filisteo jojodö kwabawö tjichena jö̧ba̧lö. Ja̧danö juluwanö döjibajotö jö̧ba̧lö Mefibosetnö do̧ba̧lö ö'öjakwawemi ja'ötjö, Mefibosetma meinobe, ömasapiya 'deawinö. Jobekwö laebobe Mefiboset ömasapiya suli̧ waekwina wenema.

2 Samuel 9:5

Yöawökwe, La'aka luwo̧ Davidma weinobe, Lo Debar comunidadbe 'ya̧nö, Maquir ejutjö tjichejebobö Jonatan itji̧nö.

2 Samuel 1:7

Ja̧danö, ökömakwö jalachibö edö, ötjönö edinobe Saulma, ja̧danö edö, ötjönö jwöinobe. Jwöitjö̧, –Tajida chuluwo̧? –jö̧ba̧lö chatadijatö.

2 Samuel 21:7

Jo̧kwajabetjö̧ Davidma Saul i̧tji̧mu tupadanö jojodötjö ju'wedönö omudawö eminobe, gabaonitas jojodönö iyobö. Jo̧kwaijayonö, Saul itji̧ Jonatannö yöbawö ujunina omukwatö, —Ba̧kwelöjatebö kwi̧tji̧mu tupadanö jojodönö dösölö̧jinö chö̧jakwo̧sa, —jö̧ba̧lö yöbawö ujunina omukwatö, Jonatan itji̧ Mefibosetnö lȩlöinö edinobe, jo̧kwajabetjö̧ ju'wedö Saul itji̧mu tupadanö jojodönöda, Jonatan itji̧muböködönöda omudawö iyinobe.