2 Samuel 8:17 - Dios Iwene

¹⁷ Ajitob itji̧ Sadoc mikwo̧bi, Abiatar itji̧ Ajimelec mikwo̧bi, Diostjö jojodötjö tjö̧'dade pjabatadö otidö tjö̧jinobe. Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe.

2 Samuel 8:17 Referans Kwoze

1 Crónicas 18:16

Ajitob itji̧ Sadoc mikwo̧bi, Abiatar itji̧ Ajimelec mikwo̧bi, Diostjö jojodötjö tjö̧'dade pjabatadö otidö tjö̧jinobe. Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe.

1 Crónicas 6:8

Ahitobma Sadoc mikwo̧ abe'doinobe. Sadocma Ahimaas mikwo̧ abe'doinobe.

1 Crónicas 16:39

Isabenö Jo̧ iteapjo ida̧ökö Jerusalen comunidadnö ji̧najayonö, Isabenö Jo̧ eju, Moises sabana'wotjö otidinejuma ina ju'wi comunidad, Gabaon comunidadnö ji̧nobe. Jo̧kwajabetjö̧ jobadö Jerusalennö ja̧nö tjotidonö, Davidma Diostjö jojodötjö ö'weje pjabato̧ Sadoc mikwo̧nö weinobe, ömöledö ö'weje pjabatadökwö, Isabenö Jo̧nö ösödakwawemi Gabaon comunidadnö ja̧nö, Isabenö Jo̧ ejutjö otidö tjö̧jobö.

1 Crónicas 6:53

Ja̧danö Ahitob itji̧ma Sadoc mikwo̧. Ja̧danö Sadoc itji̧ma Ahimaas mikwo̧.

Marcos 2:26

Ja̧danö, a̧wi̧chi̧lö̧jawö̧ Davidminema Dios eju okwa tebachijetö, Diostjö jojodötjö ö'weje la'aka pjabato̧, Abiatar mikwo̧, ö̧jinanö. Tebachajo̧ Diosnö iyawapja̧ pan kwijetö Davidma, ¿jö̧tö? Ja̧danö chömöledö, Davidma ö'weje pjabato̧ ö̧jokobetjö̧ la'akatjöda ja̧ pan ukwobö jwiinena ¿jö̧tö? Jo̧kwaijayonö, la'akatjöda ja̧ pan ukwobö jwiobe jö̧ba̧lö Moisés iwȩyudina laebijayonö, ja̧ pan kwijetö Davidma, wene jwiinö. Ja̧danö, iteda ömöayedönö iyinobe, jobadöbi wene jwiinö tjukwobö, ¿jö̧tö? Jau, jojodö edö, Sulabenö kwadö, jö̧ba̧lö yötja̧lo jö̧tja̧lijayonö Dios öba a'otjö wene jwiinö kwijadötö. Ötjö chöba̧ja̧di̧ waisachadöbi ja̧danö. Ökwödöma edö, Sulabenö tjebö kwadö, jö̧ba̧lö, kwomukwataduwijayonö Davidmine wene jwiinö ukwinadanö bidöbi Dios öba a'otjö wene jwiinö kwadö— jö̧ba̧lö atadijetö Jesúsma.

2 Samuel 15:24

Comunidadtjö latjebakwa̧ abönö, Diostjö jojodötjö tjö̧'da̧de pjabatadö Abiatar mikwo̧bi, Sadoc mikwo̧bi tjichinobe, ja̧danö jobadökwö levita jojodöma Dios iteapjo, Dioskwö Israel jojodökwö yöbawö tjujunina wene i̧sȩkwapjo e'ewö tjichinobe. Comunidad ö'öbö ichibö, Dios iteapjo nijinö tjujuninobe, okobe deinö Davidkwö kwebachadö comunidadtjö latjebenanö kabatö.

2 Reyes 12:10

Ja̧danö, ida̧ökö nöinö balada a̧jobe, jö̧ba̧lö tjedenama, inesö la'aka luwo̧ ömöayo̧ secretario jawa otido̧bi, ö'weje pjabatadötjö la'aka luwo̧bi ichö, isapjonö a̧ji̧ balada tjö̧ba̧ja̧dinobe, ja̧danö ba̧jadajadö, tuda'wijunö tjaninobe.

2 Reyes 18:18

Ichibajadö, inesö la'aka luwo̧ Ezequias ichobö jwötjinobe, ja̧danö ichibö jwötjiawö̧, Ezequias ömöayedöma jobadökwö yötja̧lakwawobö tji̧'yinobe, Ezequias eju teada̧lakwawa luwo̧ Eliaquin mikwo̧bi, wȩyukwa luwo̧ Sebna mikwo̧bi, weawa wȩyu̧kwa luwo̧ Joa mikwo̧bi.

1 Crónicas 6:4

Eleazarma Finees mikwo̧ abe'doinobe. Fineesma Abisua mikwo̧ abe'doinobe.

1 Crónicas 12:28

Ja̧danö ölakwabikwawa jawa juluwo̧ Sadoc mikwo̧bi, yöne ömöledö veintidosbedö tjömöledösasotjö luwedöbi.

1 Crónicas 16:40

Ja̧danö, jobe ja̧nö, yȩayikwenabi, yi̧benakwenabi jwiinö ubinö iyawa jobe japjo iyawapjotjö kwabö juwö tjiyinobe, Isabenö Jo̧ weina wȩyukwa'ye, Israel jojodö ja̧bö tjö̧jobö weina'ye laebi̧danö.

2 Samuel 17:15

Ikenama jobetjö labebö, Husayma Diostjö jojodötjö tjö̧'da̧de pjabatadö Sadocnöbi, Abiatarnöbi yöawinobe, —Ajitofelma baikwö Absalonnöbi, israel jojodötjö damönöbi yöawatö ja̧tjobö, ja̧danö ötjöma baikwö ja̧tjobö yötawatö, —jö̧ba̧lö.

2 Samuel 19:12

Jau chömöledö juda jojodö, ötjöma kwömöledöso̧ juda jojosa, diwe'ijubi, ditebiyabi bakwaibedösa, okobe deinö Judamine itji̧mu tupadanö jojodödobetjö̧. Jo̧kwajabetjö̧ ju'wedö tjetachajobö atjebaja̧ ikenada akebaduwitjö̧ma otiwenaji̧? Sulena, ökwödöda abönö tjetachakwa̧ kwisakwaduwobö jo̧be, —jö̧ba̧lö judasaso jojodönö yötja̧lobö weinobe.

1 Reyes 1:26

Jo̧kwaijayonö ju'wedönö a̧debajayonö, ötjö kwömöayo̧nöbi, ö'weje pjabato̧ Sadocnöbi, ökwönö tjöbeba̧lö teada̧ladötjö la'aka tjuluwo̧ Benaiasnöbi, kwitji̧ kwömöayo̧ Salomonnöbi a̧debökötö.

1 Crónicas 9:11

Azarias mikwo̧bi. Jobadötjö Dios eju la'aka luwo̧ma, Azariasda, ja̧danö Azarias a'dödö tjimibiya wȩyukwa'ye baikwö laebobe: Azariasma Hilcias mikwo̧ itji̧inobe. Ja̧danö Hilciasma Mesulam mikwo̧ itji̧inobe. Ja̧danö Mesulamma Sadoc mikwo̧ itji̧inobe. Ja̧danö Sadocma Meraiot mikwo̧ itji̧inobe. Ja̧danö Meraiotma Ahitob mikwo̧ itji̧inobe.

1 Crónicas 12:29

Saul ömöledösaso Benjaminsaso jojodötjö, tres milbedö ölakwabikwawadöma David ömöayedö batjibinobe. Ja̧ möle abönö, Benjaminsaso jojodötjö ju'wedökwena David ömöayedö tjö̧jinajayonö, ba̧jȩkwadö Benjaminsaso jojodöma tjömöledöso̧ Saul yöne ömöledö tjömöayedöda tjö̧jinobe.

1 Crónicas 15:11

Ja̧danö Davidma Diostjö jojodötjö ö'weje pjabatadötjö Sadocnöbi, Abiatarnöbi, ju'wedö jwöinawö tjuluwedö Urielnöbi, Asaiasnöbi, Joelnöbi, Semaiasnöbi, Elielnöbi, Aminadabnöbi jwöinobe, öba a'o tjichibobö.