2 Samuel 7:14 - Dios Iwene

¹⁴ Jo̧ba kwitji̧ma, ötjö chitji̧ ö̧jakobe, ja̧danö jo̧ba abe'do chö̧jakwo̧sa. Ja̧danö, abe'do ja̧nö, sulabenö ja̧enama, bö̧je tjabe'dodö jwebebö kwatji̧danö, jo̧banö jwebebö kwatocha.

2 Samuel 7:14 Referans Kwoze

Apocalipsis 3:19

Chömöledö, ötjöma ile nitebawö̧nöma, jelobekwö tjomukwatitjö̧ma pjabatö lȩbebo̧sa, sulabenö tjomukwati̧ kabatibö tjöbalewachoböma. Jo̧kwaobetjö̧ babeda, te'ada̧lökönö, sulabenö kwomukwataduwi̧ma kabatibö balewachaduwi, ökwödönö lȩtebapji, jö̧ba̧lö.

1 Crónicas 28:6

Ja̧danö, jobekwö omudawö junajo̧, Diosma baikwö yöawinobe ötjönö: –David, ötjöma kwitji̧ Salomonnö omudawö chujunajabe, ötjöda chitji̧ baibanö, ja̧danö ötjöma jo̧ba abe'do chö̧jakwo̧sa. Jo̧kwajabetjö̧ jo̧ba Salomonda ötjö chejubi, cheju a̧petu jawabi otidakwo̧ma.

1 Crónicas 17:13

Jo̧ba kwitji̧ma, ötjö chitji̧ ö̧jakobe, ja̧danö jo̧ba abe'do chö̧jakwo̧sa. Ja̧danö, la'akatjöda le'dedö lötökakwo̧ kwitji̧nöma, damötjö ökwötjö ajayinö ji̧na Saulminenö le'dedö lotinadanöma, ba̧kwelöjatebö jo̧banö ile nibebö chö̧jakwo̧sa.

Deuteronomio 8:5

—Isabenö kwomajadeduwinö kwöwaisaduwobö jo̧be chömöledö, tjabe'dodö tji̧tji̧munö ba̧ja̧dö jwetjebi̧danö, kwuluwo̧duwi Isabenö Jo̧ma ökwödönöbi jwebebö ba̧ja̧do̧, jö̧ba̧lö.

1 Corintios 11:32

Ja̧danö, Duluwo̧ma ökwödönö lȩbebö jweebobe chömöledö, ju'wedö böjȩ jojodönö Dios lȩebenama, ökwödönöbi lȩebapji jö̧ba̧lö chömöledö.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Diosnö ösödo̧ Job mikwo̧ usula emawina jawa 5:17

—Isabenö yötawakwö Job, babe ökwönö baledi̧ jawama: Sulabenö ja̧köbiökwe, Diosma ökwönö jweebotö jö̧ba̧lö lȩbebo̧. Ja̧danö, Dios jweebi̧ öpöjödökönö, otiwanö kwa̧ja̧kwitjö̧ma, isabenö kwo̧'wo ösöwachibanö kwö̧jakwo̧ja. Jau Job, Diosma bakwo̧nö jweebitjö̧ma, isabenö o̧'wo ösöwanö ö̧jobö jo̧be jweebökwema, –Dios otiwanö pjaatökwesa, –jö̧ba̧lö. Jo̧kwajabetjö̧ kwöpöjödoko Okobe Jwiinö Juluwo̧ Dios ökwönö jweebi̧ma, baikwö labebö lobö yötawa:

2 Corintios 6:18

ja̧danö ökwödö kwabe'doduwi chö̧jakwo̧sa, ja̧danö chi̧tji̧mu ömadöbi, chi̧tji̧mu ya̧döbi kwö̧jaduwakwedöja, jö̧ba̧lö laebobe Dios iwene, okobe jwiinö juluwo̧ Duluwo̧ yöbawö ujunina wenema.

Apocalipsis 21:7

Ja̧danö, sulabetjö juluwinadö, chö̧jobekwö ichibadönö jwiinö otiwi̧ jawa iyabo̧sa. Ja̧danö, ötjödasa, sulabetjö juluwinadö tjo̧'wo̧ tjöwana̧lökwe Diosma. Jobadönöma, Chi̧tji̧mu, jö̧ba̧lö, öbabo̧sa.

1 Reyes 9:6

—Jo̧kwaijayonö ökwöbi, kwitji̧mubi ötjönö kabatibö, ja̧bö kwö̧jaduwobö weti̧bi, ju'wi weti̧bi a̧ja̧kwökönö kwö̧jaduwitjö̧ma, jadanö a̧ja̧kwökönö ja̧nö, ju'wedö tjösödawö̧ diosbedö wetji̧da a̧ja̧kwö, jobadönö kwösödaduwitjö̧ma,

1 Reyes 11:34

— –Jo̧kwaijayonö, la'aka luwo̧ ö̧ji̧ Salomontjö 'dötebijayonö, ina 'ya̧alayima 'dötebökakwo̧sa. Israel jojodö la'aka tjuluwo baibanö omudawö chujuninökwe, Salomon abe'do Davidma otiwanö weti̧ a̧ja̧kwö ji̧na, jadanö ja̧ weti̧ a̧ja̧kwö ö̧jina omukwatö, ina Salomon 'ya̧alayima la'aka luwo̧ ö̧jobö wetakwo̧sa.

1 Crónicas 22:10

Jo̧ba kwitji̧ Salomonda cheju otidakwo̧ma, ötjönö otiwanö omukwatakwaweju baibanö. Jo̧bama ötjöda chitji̧ ö̧jakwo̧, ja̧danö ötjöma jo̧ba abe'do chö̧jakwo̧sa. Ja̧danö ju'wibi jo̧ba itji̧mu tupadanö jojodönö chujunocha, ba̧kwelöjatebö israel jojodötjö la'aka luwedö tjö̧jakobetjö̧, –jö̧ba̧lö yöawinobe Isabenö Jo̧ma.