2 Samuel 7:1 - Dios Iwene

¹ Isabenö Jo̧ma otiwanö pjaatinobe Davidnö, okobe deinö israel niji ö'öbötenia tjöpöjojodönö ujuluwobö. Nöinö pjaatinobe, Davidma wene jwiinö iteda eju otiwejunö ö̧jenanö baibanö. Jemi ikenama, wene jwiinö ejunö ö̧jena,

2 Samuel 7:1 Referans Kwoze

Proverbios 16:7

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatö jo̧nö, bite ö̧ji̧ma chösöda jö̧ba̧lö. Jobekwö ö̧jobetjö̧ Isabenö Jo̧ma jo̧banö pjaatobe, ite öpöjojodöbi jo̧bakwö wene jwiinö tjö̧jobö.

1 Reyes 5:4

Jo̧kwaijayonö, chabe'do ina 'yaa̧layi otidobö jwiinajayonö, chuluwo̧ Isabenö Jo̧ Dios otiwanö pjaatobetjö̧, babe isabenö chitebo ö'öbötenia wene jwibö, ölakwabikwawökönö chö̧jobe. Jau, Dios pjaatobetjö̧, chöpöjojodö deinö, wene jwiinö jo̧sa.

Josué 23:1

Ajayinö nöinö tjöpöjojodökwö ölakwabikwawö tjö̧jinajayonö, Isabenö Jo̧ma otiwanö pjaatinobe israel jojodönö, wene jwiinö tjitebonö tjö̧jobö, ja̧danö pjaatobetjö̧ tjöpöjojodötjö bakwo̧kwöbi ölakwabikwawökönö tjö̧jinobe. Jejenö lekwe möle baledajadö, Josuema jwiinö pöe jwöachinobe.

Josué 21:44

Ja̧danö, damötjö tja'dödönö yöbawö ujuninadanö, Isabenö Jo̧ma jobadönö otiwanö pjaatinobe, tjöpöjojodökwö ölakwabikwawökönö, wene jwiinö tjö̧jobö. Jau, Isabenö Jo̧ Diosda jobadönö otiwanö pjaatinobetjö̧, tjöpöjojodötjö bakwo̧bi tjöba a'o ö̧jobö jwiinobe, isabenö okobe deinö tjöpöjojodönö tjujuluwobö Dios pjaatinobetjö̧.

Hechos 7:46

Davidminenöma Diosma otiwanö edijetö. Jo̧bama Diosnö abebijetö Dios eju otidobö, Jacob ösödökwe Dios ejuma.

2 Samuel 6:23

Ja̧danö, Saul itjiju Mical mikwujuma, ji̧tji̧mu debuju jö̧jinobe, ö'wö bajibenanö baibanö.

2 Samuel 5:11

Ja̧danö, Tiro comunidad la'aka luwo̧ Hiram mikwo̧ma yöbawadönö weinobe Davidnö, chömöledöbi kwömöledöbi wene jwiinö dö̧jakwedösa jö̧ba̧lö. Ja̧danö ju'wibi nöinö towi ötebiya weinobe Hiramma, otiwowi cedro ötjabowi ötebiyama, ja̧danö ja̧ towi ötebiya otidadönöbi, inawiya jawa otidadönöbi weinobe, David ö̧jakweju otiweju tjotidobö.

1 Crónicas 22:6

Jemi ikenama, Davidma iteda itji̧ Salomonnö jwöinobe, ö̧jobekwö ichobö. Ja̧danö, ichajo̧nö weinobe, Isabenö Jo̧ Israel jojodö tjösödökwe Dios eju otidakwa̧ jawa, baikwö:

1 Crónicas 22:7

—Chitji̧ Salomon, chösödökwe Isabenö Jo̧ Diosnö ösödö, ötjöda eju chotidobö chomukwatijatö, chösödökwenö otiwanö tjomukwatobö jö̧ta̧lobetjö̧.

1 Crónicas 28:2

Ja̧danö, öba a'o tjichibiökwe, tjöba a'o a̧la̧ibö öjamatinobe Davidma, ja̧danö jobadönö yöawinobe baikwö: —Chömöledö chömöayedö israel jojodö, baikwö yötawaduwakwö: Ötjöma Isabenö Jo̧ eju, wei̧ wȩyukwaba döbölataja a̧ja̧pjo ja̧kweju chotidobö chösödijatö, jejuma ba̧kwelöjatebö duluwo̧ Dios ömasapiya wanawemidanö ja̧kobetjö̧. Ja̧danö, jobekwö omukwatö jeju chotidakwa̧ abönö jawa chotidijatö.

Mateo 25:16

Jo̧ba ömöayedötjö cinco mil iyajökwema, ja̧ baladanö otidö midö eminobe, ja̧danö mikwanö iyinobe. Waisanö ja̧ baladanö otidobetjö̧, cinco milda ajayinö ujuna̧linatjö, diez mil baibanö otidinobe.