2 Samuel 23:20 - Dios Iwene

²⁰ Ja̧danö, inesö juluwadötjö jelo̧, Cabsel comunidad jojo Joyada itji̧ Benaias mikwo̧. Jo̧babi, nöinö ujulu i̧sȩbinobe. Jo̧bama Moab niji jojodötjö inesö juluwadö, didibadanö juluwadö du̧ju̧tajanö ujuluwinobe. Ju'wibi, ju'wi möle tiyuwena, ojwiyo o̧bidanö nieve jawa mölejebetjö tjoduwenama, laju nöaju okwa a̧jibö, jobe jo̧ didibanö kwabö loinobe.

2 Samuel 23:20 Referans Kwoze

2 Samuel 20:23

La'aka luwo̧ David ömöayedötjö luwedöma bidö: Joabma okobe deinö israel jojodötjö ölakwabikwawa jojodö tjuluwo̧ ö̧jinobe. Ja̧danö, Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

Josué 15:21

Juda nijitjö a̧li̧kwö bajalenö niji̧, Edom niji ö'öbö comunidadteniama, bi̧ya, Cabsel comunidadbi, Edar comunidadbi, Jagur comunidadbi,

1 Reyes 2:46

Ikenama, jö̧ba̧lajo̧, Salomonma Benaiasnö weinobe, ja̧danö weökwe, Siminö kwabö loinobe. Jobekwö laebobe Salomon öpöjojodönö ujuluwina jawama. Ja̧danö, Salomonma israel jojodö la'aka tjuluwo̧ ja̧nö, otiwanö 'diinö ö̧jinobe, isabenö Salomonda la'aka luwo̧ ja̧nö weinobe.

1 Reyes 1:38

Jemi ikenama, David weaja̧danö, ö'weje pjabato̧ Sadocbi, Dios yöawi̧ yöbawo̧ Natanbi, Benaiasbi, ömöayedö la'aka luwo̧nö tjöbeba̧lö teada̧ladöbi Salomonnö tjöwaninobe, inesö la'aka luwo̧ David ajwi kabayu oma'anö, jadanö jo̧banö öbibö tji̧'yinobe Guijon ojwese'dobe.

1 Reyes 1:26

Jo̧kwaijayonö ju'wedönö a̧debajayonö, ötjö kwömöayo̧nöbi, ö'weje pjabato̧ Sadocnöbi, ökwönö tjöbeba̧lö teada̧ladötjö la'aka tjuluwo̧ Benaiasnöbi, kwitji̧ kwömöayo̧ Salomonnöbi a̧debökötö.

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

Éxodo 15:15

Ja̧danö Edom jojodötjö la'aka luwedöbi jwiinö yebabidö, kwujulu kwisȩbaja̧ yötjawi̧ a̧ja̧kwö. Ja̧danö, Moab jojodötjö la'aka luwedöbi jwiinö yetjabobetjö̧ tjö̧tja̧wobe. Ja̧danö, okobe deinö Canaán nijinö ju̧kwadöma jwiinö yetjabobetjö̧ me'dawadöda tjuju̧kwobe.

1 Crónicas 12:8

Ja̧danö, Gadsaso jojodötjöbi ju'wedöma ajayi tjuluwo̧nö kabatibö, David ömöayedö batjibanö jo̧banö pjatjatinobe. Jobadöma ölakwabikwawa jawa waisadö juluwadö tjö̧jinobe, ja̧danö David ina jojodö deobe 'diinö tjöekwobe ö̧jayi, ö̧jobekwö tji̧'yinobe, ömöayedö batjibanö. Jobadöma tjöekwapinöbi, otokwötenöbi ölakwabikwawa waisadö tjö̧jinobe, ja̧danö didibadödanö labidö tjö̧jinobe, ja̧danö mösa'o ju̧kwadö yamadanö, juluwanö ö'öbakwawadö tjö̧jinobe.

2 Samuel 1:23

Isabenö otiwadö ba̧jȩkwadö tjösödawö̧ tjö̧jinobe Saulbi Jonatanbi, otiwanö bakobe tjö̧jinobe ina 'ya̧tja̧layima, ja̧danö debö tji̧'yenabi, bakobe ja̧nö debö tji̧'yinobe. Isabenö juluwadö tjö̧jinobe, muko köa̧litjö bajalekwönönö juluwadö tjö̧jinobe, ja̧danö didiba ujulutjö bajalekwönönö tjujuluwinobe.

1 Crónicas 18:17

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧muma, la'aka luwedö ja̧nö, yöne ömöayedö tjö̧jinobe.

2 Samuel 23:19

Jo̧bama Treintabedö ötjabawötjö bajalekwönönö jojodö tja̧ja̧kwökwe, ja̧danö jo̧bama tjuluwo̧ ö̧jinobe. Jo̧kwaijayonö inesö juluwadö wamedukwabedö ötjabawö̧tjö ji̧nö̧kö̧ Abisaima.

2 Samuel 23:21

Ja̧danö ju'wibi jwiinö nöbo̧ egipcio jojodötjö juluwo̧nö ujuluwinobe. Jo̧ba egipcio jojoma, otokwöte kwebatö ölakwabikwawinobe, ja̧danö Benaiasma sule ösö̧'ada kweatinobe, jo̧kwaijayonö egipcio jojokwö ölakwabikwawö, otokwöte emibö kwabö loinobe, iteda otokwötenö.

2 Samuel 23:22

Jobekwö Joyada itji̧ Benaiasma ujulu i̧sȩbinobe, ja̧danö jo̧banöbi okobe deinö tja̧ja̧kwinobe, abönö wamedukwa juluwadönö tja̧ja̧kwidanö.