2 Samuel 23:13 - Dios Iwene

¹³ Ju'wi imiame, jojodö batjo̧ wa̧ji̧ tjemenanö jenanö, David ömöayedö inesö juluwadötjö wamedukwa David ö̧jobekwö tji̧'yinobe, inawa ötöla nööla Adulan ötjaböla ö̧jenama. Ja̧ möle filisteo jojodö ölakwabikwawadöma Refayin wabekonö tjö̧jinobe,

2 Samuel 23:13 Referans Kwoze

2 Samuel 5:18

Ja̧danö, filisteo jojodö tjichenama, wabeko Refayin ötjabobe ichibö, wabeko ba̧kwemeachibanö tjölakwabikwawobö tjabakwemi tjotidinobe.

1 Samuel 22:1

Jejenö balediökwe, Davidma Gattjö döbibajö, inawa ötöla Adulam mikwölabe janö i̧'yinobe. Ja̧danö, David yö̧ne ömöledöbi, ju'wedö ömöledöbi jobe inawa ötölanö ö̧ji̧ wene a̧ja̧kwö, jo̧bakwö ja̧nö tji̧'yinobe.

Isaías 17:5

Jau, okobe jwiinö israel niji trigo batjosayuma, ida̧ökö waji̧ 'wibö tjemajobedanö ichejekwakobe. Jau, tjöbatjo waji̧ tjemotö jö̧ba̧lö tji̧'yenama, sule ja'yubeda tjemakwedö, Refaim wabekotjö waji̧ tjemaja̧ ikena usula jojodö u'yukwaja̧ isakwö tjemi̧danö tjemakwedö.

2 Samuel 5:22

Jemi ikenama, ja'yubenö lekwajabetjö, filisteo jojodöma yemidanö Davidnö tjujuluwobö tjichinobe, ja̧danö yemidanö wabeko Refayin ötjabeko ba̧kwemeachibanö tjölakwabikwawobö tjö̧jinobe.

Josué 15:35

Jarmut comunidadbi, Adulán comunidadbi, Soco comunidadbi, Azeca comunidadbi,

Josué 12:15

Libná comunidad la'aka luwo̧nöbi, Adulán comunidad la'aka luwo̧nöbi,