2 Samuel 22:23 - Dios Iwene

²³ Okobe jwiinö ja̧bö dö̧jobö wei̧ omukwatö ja̧ichobe, ja̧danö wei̧ öpöjödöma katatakwawokobe.

2 Samuel 22:23 Referans Kwoze

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Lucas 1:6

Jobadö Zacaríasbi, ilekwo Elisabetbi Dios öba a'otjö otiwanö ja̧bö tjö̧jinobe, ja̧danö omukwatönö ja̧bö tjö̧jinobe, okobe jwiinö Duluwo̧ wei̧danö ja̧bö tjö̧jobö.

Deuteronomio 8:11

—Jo̧kwaijayonö, baikwö lȩtebaduwakwö chömöledö, jejenö otiwanö kwiteboduwinö kwö̧jaduwenama, teada̧lönö kwö̧jaduwo, kwuluwo̧duwi Isabenö Jo̧ Diosnö kwo̧'wo jwikibaduwapji jö̧ba̧lö. Ja̧u chömöledö, kwuluwo̧duwi Diosnö omukwatö, jo̧ba wei̧, ja̧bö kwö̧jaduwobö wei̧bi, ju'wi wei̧bi jwaikwöda a̧ja̧kwö kwö̧jaduwobö ja̧kobe, babe ökwödönö yötawi̧ jawama.

Deuteronomio 7:12

Tupakwö yöawinobe Moisesma, israel jojodönö: —Chömöledö, kwuluwo̧duwi Isabenö Jo̧ Diosma kwa'dödönö yöbawö ujuninobe, jobadönöbi, tji̧tji̧mu tupadanö jojodönöbi ile nibebö pjaatakwa̧ wenema, ja̧danö baikwö yötawaduwakwö: Ökwödönö yötawi̧ Dios wei̧ teada̧lönö a̧ja̧kwö kwö̧jaduwitjö̧ma, Diosma isabenö ökwödönö ile nibebö pjaatakobe, jobadönö yöbawö ujuninadanö.

Deuteronomio 17:20

Jejenö Dios wei̧ wȩyukwa'ye yöba̧lö öwaisachobö ja̧kobe, –Aaa, ötjöma ju'wedö israel jojodötjö bajalekwönönö jo̧sa, –jö̧ba̧lö omukwatapji jö̧ba̧lö, ja̧danö Dios wei̧ a̧ja̧kwökönö, jelobekwö jalachibö sulabenö wainö ja̧apji jö̧ba̧lö. Ja̧danö, jo̧ba kwuluwo̧duwi ö̧jakwo̧ otiwanö Dios wei̧ a̧ja̧kwö ö̧jitjö̧ma, jo̧babi, itji̧mu tupadanö jojodöbi lekwe möle otiwanö israel jojodö tjuluwedö tjö̧jakwedö, wei̧ a̧ja̧kwiökwe Diosma otiwanö pjaatakobetjö̧.