2 Samuel 2:8 - Dios Iwene

⁸ Ja̧danö, Juda jojodö Davidnö la'aka tjuluwo̧ baibanö tjujunijayonö, ju'wedö israel jojodöma jelo̧ ömöayedö baibanö tjö̧jinobe. Saul ömöayedö ölakwabikwawa jojodö tjuluwo̧, Abner mikwo̧ma, Saul itji̧ Isboset mikwo̧nö öbibö, Majanayin comunidadbe i̧'yinobe,

2 Samuel 2:8 Referans Kwoze

1 Samuel 14:50

Ja̧danö Saul ilekwoma Ahinoam mikwuju, Ahimaas mikwo̧ itjiju. Ja̧danö Saul ömöayedö ölakwabikwawa jojodö la'aka tjuluwo̧ma Abner mikwo̧, Saul abe'do öjawo̧ Ner miwko̧ itji̧.

Génesis 32:2

Jacobma jobadönö edö, Bemima Dios weawö̧ guardia jojodö ángelesdö tjujukwemi, jö̧ba̧lö jobe midijetö, Mahanaim, jö̧ba̧lö.

1 Crónicas 9:39

Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua miwko̧bi, Abinadab mikwo̧bi, Es-baal mikwo̧bi tjabe'doinobe.

1 Crónicas 8:33

Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua mikwo̧bi, Abinadab mikwo̧bi, Es-baal mikwo̧bi tjabe'doinobe.

1 Samuel 26:14

Ja̧danö, ödö ja̧nö, Davidma Saul ömöayedönö jwöinobe, tjuluwo̧ Abner mikwo̧nö jwöinobe. —Abner, kwa̧ja̧kwiji̧? Kwatadakwa̧ji̧? —jö̧ba̧lö jwöinobe. Jwöökwe, —Tiköba, la'aka luwo̧ Saulnö wiludö jwöbeba̧lo̧ma, tiköba, —jö̧ba̧lö atadinobe Abnerma.

1 Samuel 17:55

Ajayinö David Goliat ö̧jobekwö i̧'yenama, Saulma edö abebö a̧ja̧kwinobe ömöayo̧ ölakwabikwawa jojodö tjuluwo̧ Abner mikwo̧nö, —Abner, bite Davidma ti itji̧da? —jö̧ba̧lö. Aebökwe, Abner atadinobe, —Wajwita chuluwo̧, isabenö yötawakwö, David abe'donö wajwita, —jö̧ba̧lö.

Josué 21:38

Ja̧danö Gadsaso jojodöbi tjitea niji tjiyinobe, tjöeba̧lakwawa comunidad Ramot de Galaadbi, Majanayin comunidadbi,

2 Samuel 2:7

Ja̧danö, babe yötawaduwakwö, kwuluwo̧duwi Saul debö i̧'yinajayonö, yayonö kwujuluwaduwachibanö yebabökönö kwö̧jaduwo. Jau chömöledö, Juda niji̧ jojodöma ötjönö 'da̧batö tjujunajabe inesö la'aka tjuluwo̧ batibanö, ja̧danö ökwödöbi otiwanö yebabökönö chömöayedö kwö̧jaduwo. —jö̧ba̧lö yöbawadö yötjawobö weinobe Davidma, Jabes jojodönöma.

2 Samuel 2:29

Jemi ikenama, ölakwabikwawö kabatajadö, Abnerma ömöayedönö öbibö ȩwa̧jinobe Majanayinbe. Yö̧te baledibanöbi, yȩayi baledibanöbi Araba ötjabobe baledö kwetjachinobe. Ja̧danö, Jordan mikwödö pebibö, möle ja'ö Majanayinbe tjichibinobe.

2 Samuel 3:6

Saulmine ömöledökwö, David ömöledökwö ölakwabikwawö tjöjinobe, ja̧danö ölakwabikwawö tjö̧jonö, Abnerma ajayitjö bajalekwönönö Saul ömöledötjö luwo̧ baibinobe.

1 Crónicas 12:29

Saul ömöledösaso Benjaminsaso jojodötjö, tres milbedö ölakwabikwawadöma David ömöayedö batjibinobe. Ja̧ möle abönö, Benjaminsaso jojodötjö ju'wedökwena David ömöayedö tjö̧jinajayonö, ba̧jȩkwadö Benjaminsaso jojodöma tjömöledöso̧ Saul yöne ömöledö tjömöayedöda tjö̧jinobe.

Génesis 32:3

Ikenama Jacobma webijetö ömöayedönö yöbawö tji̧'yobö öpöe Esaú ö̧jobekwö, Seir mö'ösa'iju ju̧kwobekwö, Edom nijibe.

2 Samuel 3:38

Ja̧danö Davidma iteda yöne ömöayedönö yöa̧linobe, —Kwomukwataduwökiji̧, babe mölȩ bakwo̧ la'aka luwo̧ma ö'wö baibajabe, isabenö israel jojodötjö bakwo̧ inesö juluwo̧ma ö'wö baibajabe, ja̧ kwomukwataduwobö jo̧be, —jö̧ba̧lö.

1 Crónicas 12:30

Efrainsaso jojodötjö veinte mil ochocientos ölakwabikwawa juluwadöma David ömöayedö batjibinobe. Okobe deinö jobadöma, bakwo̧nökwenö tjömöledö otiwanö tjomukwatawö̧ tjö̧jinobe.