2 Samuel 18:9 - Dios Iwene

⁹ Ja̧danö, tjölakwabikwawonö, Absalonma David ömöayedökwö tjöbadekwachinobe. Absalonma iteda ajwi kabayunö wanö kweachinobe, ja̧danö towi nöowi encina ötjabowi teebe kweachena, akwachajö öwö'ye udawajinobe, ja̧danö Absalonma öwö'yenö udawajö ö̧linobe. Ja̧danö jobe okobe ö̧lonö, ajayinö öwa̧jökwe kabayuma le'dedibö tupakwö i̧'yinobe.

2 Samuel 18:9 Referans Kwoze

2 Samuel 14:26

Ja̧danö, öwö'yema, jwiinö otiwa'ye wana̧linobe. O̧ba bakwabakwena bakwötanöda öwö'ye 'witjobö weinobe, ja̧danö 'witjenama, la'aka luwo̧ itea ömöki̧ nönawapinö öba̧ja̧dinobe, dokwa nöinö ömökojobö jö̧ba̧lö, ja̧danö dötölataja kilo bajalekwönönö ömökinobe Absalon öwö'yema.

Proverbios 30:17

Ja̧danö, ju'wibi yötawa: Abe'donö obo̧ma, ja̧danö ojo'do weji̧ a̧ja̧kwö̧kö̧ma jwiinö sulabenö omukwato̧. Jo̧bama debö i̧'yobö jo̧be, ja̧danö wobajo̧nö yȩbadö pji̧yu̧ öbajalenö dodotjobö jo̧be, ja̧danö okobe jwiinö itebiyabi bo̧lö̧ tjukwökwe, sulabenö abe'donö obö, ojo'do weji̧ a̧ja̧kwökönö ö̧jobetjö̧.

Diosnö ösödo̧ Job mikwo̧ usula emawina jawa 31:3

Dios wei̧ a̧ja̧kwöködöma, suli̧ waekwi̧ jawa emadö, sulabenö ja̧badöma söbebö loawa jawada emadö, jö̧tö. Ja̧ jawa chemapji jö̧ba̧lö, otiwanö Dios wei̧ a̧ja̧kwö chö̧jijatö.

Gálatas 3:13

Ja̧danö, Dios weina Moisés iwȩyudinatjö Dios lȩebi̧ma demo jö̧da̧linobe chömöledö, okobe jwiinö laebi̧danö ja̧dokobetjö̧. Jo̧kwaijayonö ökwödö Dios lȩebi̧tjö demo jö̧da̧linama, Cristonöda baibinobe. Dios lȩebi̧ma Cristonö baibinobe Dios iwene laebi̧danö. Baikwö laebobe Dios iwenema: Okobe deinö towinö la̧dönöma, Dios lȩebawö̧, jö̧ba̧lö laebobe.

Marcos 7:10

A̧ja̧kwaduwitjö, Moisés damötjö Dios wei̧ iwȩyudinama. Baikwö laebobe Dios iwenetjö: Kwabe'doduwinöbi, kwojo'doduwinöbi otiwanö omukwatö kwö̧jaduwo, jö̧ba̧lö. Ja̧danö ju'wibi Dios wei̧ wȩyudijetö Moisésma: Ökwödötjö bakwo̧ iteda abe'donöbi, iteda ojo'donöbi öpöjödö sulabenö yöa̧litjö̧ma jo̧ba sulabenö yöba̧lo̧nö kwabö lotjobö jo̧be, jö̧ba̧lö. Jejenö Moisés wȩyudijetö Dios wei̧ma.

Proverbios 20:20

Ja̧danö, ju'wibi yötawa: Isabenö, tjȩmu̧ma abe'donöbi ojo'dönöbi o̧'wo̧ sulinö edö, mikwawöködö jö̧ba̧lö yötja̧loböma jwiyobe. Ja̧danö, bakwo̧ iteda abe'donö, ojo'donö o̧'wo̧ sulinö editjö̧ma isabenö debö i̧'yakwo̧. Wanedö yötawa: Jo̧bama dȩju̧wa̧'yu tiibi̧danö ö̧ji̧ma tiibökwe, tjabe'donö, tjojo'donö mikwawöködö jö̧ba̧lö tjo̧'wo̧ sulinö edobetjö̧.

2 Samuel 18:14

Atadökwe, Joabma yöa̧linobe, —Tjo̧wita, ökwökwö yöba̧lakwawö chiteada̧lobö chöpöjöda, teada̧lökönö Absalonnö kwabö lodobö jo̧be, —jö̧ba̧lö. Ja̧danö tokwöte wapötekwa emibö, Absalon ö̧lobekwö i̧'yinobe. Ichibö, ina 'yaba̧lo̧ towinö lo̧nö doinobe omajadenö,

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.

Deuteronomio 27:20

Ja̧danö, –Bakwo̧ iteda abe'do ilekwokwö sulabenö bakobe baibitjö̧ma, sulabenö iteda abe'do a̧do̧ jwii̧ i̧sȩbobedanö jo̧be, ja̧danö Dios lȩebakwo̧ jo̧banöma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö ja̧kobe.

Deuteronomio 27:16

Ja̧danö, –Bakwo̧ iteda abe'donöbi, ojo'donöbi otiwanö omukwatökönö, sulabenö ja̧itjö̧ma, Dios lȩebakwo̧ jo̧banöma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö jo̧be.

Deuteronomio 21:23

Jobekwö baleditjö̧ma, yöte baledibanö iteba'o towinö ö̧lo̧böma weköbaduwoko chömöledö, i̧ya̧da möleda iteba'o kwo̧tjaduwobö ja̧kobe. Baikwö labebö lobö yötawa chömöledö, towinö lö̧jadöma, Dios lȩebawö̧ lö̧jadö chömöledö, ja̧danö iteba'o lekwe lö̧jo̧bö kwönaduwitjö̧ma, kwiteboduwi niji suli̧ kwöwaedaduwena. Jo̧kwajabetjö̧ jo̧banö kwabö loköbaduwelö mölȩda, iteba'o meatö jo̧banö kwo̧tjaduwobö ja̧kobe, kwiteboduwi, kwuluwo̧duwi Isabenö Jo̧ Dios kwiteboduwi baibanö iyakwa̧ niji suli̧ kwöwaedaduwapji jö̧ba̧lö, —yöawinobe Moisesma, israel jojodönö.

Mateo 27:5

Ikenama Judasma tjiyina balada jobe Dios eju okwa nijibe ikwö loinobe, ja̧danö jobetjö labebajo̧, nubawö ö'wö baibinobe.

2 Samuel 13:29

Ja̧danö, weawö̧, weaja̧danö ja̧tjinobe, Amnonnö kwabö lotjinobe. Ja̧danö, jejenö kwabö lotjiawö̧, okobe deinö ju'wedö La'aka luwo̧ David itji̧muma, tjajwikwena kabayu wanö, dötjibajinobe.

2 Samuel 18:8

Ja̧ niji ba̧kwemeachibanö tjölakwabikwawinobe, ja̧danö Absalon ömöayedötjö ba̧jȩkwadö tebo labi̧ jawatjö 'debö tji̧'yinobe, David ömöayedö kwölöte'onö kwabö lotjajawö̧tjö̧ bajalekwönönö ba̧jȩkwadö tebö labi̧ jawatjö 'debö tji̧'yinobe.

2 Samuel 18:10

Ja̧danö, David ömöayedötjö bakwo̧ Absalon tjowinö lo̧nö edinobe, ja̧danö Joabnö yöawinobe, —Chuluwo̧ Joab, Absalonnö chedajabeta, towinö öwö'yenö udawajö lo̧nö, —jö̧ba̧lö.