2 Samuel 18:4 - Dios Iwene

⁴ Yötja̧lökwe, la'aka luwo̧ Davidma, —Jau, kwatjö̧ma ökwödö kwomukwataduwi̧danö ja̧tocha, —jö̧ba̧lö atadinobe. Jo̧kwajabetjö̧, jobadökwö labebökönö, comunidad apjude a'o eda̧lö ö̧jinobe, ömöayedö ölakwabikwawa jojodö bakwasokwena jojodö latjebonö.

2 Samuel 18:4 Referans Kwoze

2 Samuel 18:24

Jobadö ö'ötjakwawonö, Davidma comunidad apjude a'o teada̧lö ö̧binobe. Apjude dö'delataja ji̧nobe, okwasadebe, a̧petukwöchobesadebi, ja̧danö Davidma 'da̧de ö̧binobe. Ja̧danö, jejenö ö̧bonö, tjöbeba̧lö eda̧lo̧ma apjude pjeanö mö önöchinobe, edobö. Ja̧danö, edö, bakwo̧ ödötjö ö'öbakwawo̧nö edinobe, jo̧dawa'ye ö'öbakwawo̧nö.

Isaías 28:6

Ju'wibi ja̧ möle Diosda lȩekwa luwedönö pjaatakwo̧, okwa jawa waisanö tjomukwatakobetjö̧, jadanö jobada israel jojodötjö ölakawabikwawadönö tjujuluwachibanö pjaatakwo̧, comunidad apjude a'ö ölakwabikwawö, tjitebo comunidad tjötjeba̧lakobetjö̧.

2 Samuel 18:1

Ja̧danö, Majanayinnö ja̧nö, Davidma iteda ömöayedö ölakwabikwawa jojodönö o̧ko̧kodinobe, ja̧danö ölakwabikwawadö tjuluwedönöbi ujuninobe, cienbedö tjuluwedönöbi, milbedö tjuluwedönöbi.

1 Samuel 29:2

Ja̧danö, filisteo la'aka luwedöma, tjömöayedönö 'da̧batö tjujuninobe, ölakwabikwawö tjö̧jakwa̧sokwena, jeleso cienbedö, jeleso milbedö jenanö. Ja̧danö, Davidbi, ömöayedöbi ju'wedö tjökömanö la'aka luwo̧ Aquiskwö kwetjachinobe.

2 Samuel 18:5

Ja̧danö latjebonö, la'aka luwo̧ Davidma ölakwawabikwawadö tjuluwedönö weinobe, Joabnöbi, Abisainöbi, Itaynöbi, —Ötjönö omukwatö, chitji̧ Absalonnö lȩlöinö edö, kwabö lobökönaduwinö, —jö̧ba̧lö. Ja̧danö okobe deinö jojodöma ja̧ weawa tja̧ja̧kwinobe.