2 Samuel 18:28 - Dios Iwene

²⁸ Ja̧danö, yöne ichibö, Ajimazma la'aka luwo̧ Davidnö jwöinobe, —Otiwa, wene jwia, —jö̧ba̧lö. Ja̧danö David öba a'o ichibö, öba nijakwö bȩbachibö yöawinobe, —Isabenö Kwuluwo̧ Isabenö Jo̧ Diosnö dösödobö jo̧be, kwöpöjojodötjö, ökwönö suli̧ tjöwaedobö jö̧ba̧lajadötjö kwö̧jibinö pjaatajobetjö̧, —jö̧ba̧lö yöawinobe.

2 Samuel 18:28 Referans Kwoze

2 Samuel 14:4

Weoko, Tecoa jojosujuma Joab weaja̧danö ja̧jinobe, ja̧danö David öba a'o ichibö, jöba nijakwö jöbamatinobe, inesö la'aka chuluwo̧ja jö̧ba̧lö. Ja̧danö, David öba a'o bamataju, ajebinobe, —La'aka chuluwo̧, pjabatitjö, —jö̧ba̧lö.

Génesis 14:20

Ja̧danö, La'aka Inesö Diosnö dösödobö jo̧be, kwöpöjojodönö kwujuluwobö otiwanö pjaatajabetjö̧— yöba̧lijetö Melquizadekma Abramnöma. Ikenama Abramma ujuluwajawö̧ tea tjönaukwinatjö domulataja jawa o'wotjö bakwa'wo iyijetö, jelemutjö ö'wejemu jawa a'wo ji̧bö.

2 Samuel 22:27

Bakwainö tjusula jwibadönö, bakwainö dösölöjinö edö pjabato̧ja, jo̧kwaijayonö sulabedönö ölakwabikwawö jo̧ja.

2 Samuel 1:2

Jemi ikenama, dötölataja möle baledibajenama, Saul ömöayedö ölakwabikwawa jojodö tjö̧jinelö bakwo̧ David ö̧jobekwö ichibinobe. Jo̧bama kamiji̧do̧ kȩ'ekwö, uunö niji̧so̧pja̧ wanawö o̧'wo tjo̧achi̧ isȩbö ichibinobe, ja̧danö ichibajo̧, David öba a'o bȩbachibö öbamatinobe, Inesö la'aka chuluwo̧ja, jö̧ba̧lö.

1 Samuel 26:8

Jejenö edajo̧, Abisaima Davidnö yöa̧linobe, —Isabenö Diosma otiwanö pjaatajabe, kwöpöjojonö kwujuluwobö. Atebakwö, Saulnö kwabö lotobö webitjö. Ötjöma jo̧ba nijinö bo̧nö tokwötenö tibatö kwabö lotitjöma, sule bakwötanöda titatena, jenada niji̧nö ba̧nö titatökwe ö'wö baibenanö. Isabenö dötölatajanö titatobö jwiakobe, bakwötanö titatena ö'wö baibakobe, —jö̧ba̧lö.

1 Samuel 24:18

Babe möle kwi̧sebajabe ötjönö otiwanö ja̧köbi̧ma, Isabenö Jo̧ma ötjönö kwabö loköbobö iyajayonö, ötjönö kwabö lobökönö otiwanö ja̧köbajabe.

Génesis 24:27

Ösödö abebijetö: — Isabenö Jo̧ Diosnö, chuluwo̧ Abraham Uluwo̧ Diosnö, ökwönö chösöda, jwiinö otiwo̧ja, jö̧ba̧lö. Chuluwo̧ Abrahamnö ösödinö omukwatö pjakatajabe, kwiwene yöbawö kwujuninadanö baibobö. Ötjönö öbibö kwi̧sebajabe chi̧'yobema, chuluwo̧ ömöledö tjeju chichibenanö. Chösödakwö, jwiinö otiwo̧ja, jö̧ba̧lö— ösödö abebijetö Abraham ömöayo̧ma Isabenö Jo̧ Diosnö.

Éxodo 18:10

Ötjöma Isabenö Jo̧nö chösöda, jo̧bama jwiinö otiwo̧. Jo̧bada ökwödönö Faraóntjö, iteda ömöayedö Egipto jojodötjö kwö̧jibaduwinö otiwanö pjaatinobe.

1 Samuel 17:46

Ja̧danö babema Isabenö Jo̧ma ökwönö kwabö lotobö iyakobe, ja̧danö ökwönö kwakibanö kwatocha, ja̧danö kwuu bulatö lotocha. Ja̧danö kwömöledö filisteo jojodö tjiteba'o pji̧yu̧ tjukwobö chiyocha, ja̧danö tebonö ju̧kwadö tjukwobö chiyocha, okobe deinö bö̧je jojodö Diosnö tjöwaisachibakobetjö̧, isabenö Diosma Israelnö ö̧jobe, jö̧ba̧lö.

1 Samuel 25:23

Ja̧danö, Davidnö jedenama, Abigailma juluwanö jajwitjö mebibö, David ö̧jobekwö 'ya̧wibö, öba a'o nijakwö bȩjachibinobe, kwömöayujusa jö̧ba̧lö.