2 Samuel 18:27 - Dios Iwene

²⁷ Ikenama eda̧lo̧ma yöawinobe, —Chedemi abönö ö'öbakwawo̧ma, Sadoc itji̧ Ajimaz ö'öakwawi̧danö ö'öakwawobe, Ajimazdaena, —jö̧a̧lökwe, —Kwatjö̧ma, Ajimaz ichitjö̧ma, otiwanö baledajena. Ajimazma otiwo̧, ja̧danö jwaikwöda otiwa jawa weneda yöbawo̧, —jö̧ba̧lö yöa̧linobe Davidma.

2 Samuel 18:27 Referans Kwoze

2 Reyes 9:20

Jobekwö balediökwe, eda̧lo̧ma yemidanö yöawinobe, —Tjöba a'o ichibajayonö, tjebachajö̧kö̧. Ja̧danö kolukiyanö tjichobe edö, Jehuda ömöayedökwö baikwö ichena ichejekwa. Jau, Jehuma kolukanö kweachenama, labinö kwebacho̧, ja̧danö idö baikwö ichadöma jobekwö labinö kwebachadö, jo̧kwajabetjö̧ chedemi Jehuda baikwö ichena, —jö̧ba̧lö.

1 Reyes 1:42

Ina abebö a̧ja̧kwemi ja'ötjö, ö'weje pjabato̧ Abiatar itji̧ Jonatan mikwo̧ma ichibinobe. Ichibiökwe, Adoniasma jo̧banö yöa̧linobe, —Tebachi chömöledöso̧, ökwöma isabenö otiwanö tjomukwatökweja, otiwa jawa wene yöbawö kwichaji̧? Yöbawi, —jö̧ba̧lö.

Romanos 10:15

Ja̧danö, ¿dakwö yöawobö yöbawo̧ma, jo̧banö, Yöbawaji, jö̧ba̧lö wetjokobema? Waekwena, ¿jö̧tö? Dios iwene baikwö laebobe Dios iwene yöbawadönöma: Otiwa jawa wene yötjawakwedö tjichi̧ma jwiinö otiwobe, jö̧ba̧lö laebobe.

Isaías 52:7

Ayö, otiwa jawa wene yötjawakwedö tjichi̧ma jwiinö otiwobe, mösa'ijutjö tjömasapiya edö, —Jwiinö otiwobe, —jö̧ba̧lö edadösa. Jau, wene jwiinö dö̧jakwa̧ wene yöbawö ichadö, do̧'wo ösöwachibanö ja̧kwawa jawa yöbawö ichadö, otiwanö dö̧ji̧bakwa̧ jawa yöbawö ichadönö edö ösödadösa. Jau, Sion mösa'o ju̧kwadönö yöbawadö, —Kwuluwo̧ Diosma webö jo̧, —jö̧ba̧lö, ja̧danö ja̧ wene yöbawadö tjichi̧ma do̧'wo ösöwachibanö edadösa.

Proverbios 25:25

Ja̧danö, ju'wibi yötawa: Jelobe ödötjö otiwanö baledina yötjawi̧ a̧ja̧kwö jwiinö dösödobe. Wanedö yötawa: Jwiinö ojwiyo o̧ti̧ lö̧a̧jabena ojwiyo tiyuwobu tjowi̧danö dösödobe ödötjö otiwanö baledina yötjawi̧ a̧ja̧kwö.

Proverbios 25:13

Ja̧danö, ju'wibi yötawa: Bakwo̧ luwo̧ma iteda ömöayo̧nö yötawaja̧ yöawobö weobe ju'wedönö. Ja̧danö, weajökwema uluwo̧ yöawaja̧danö otiwanö jweinöda yöawitjö̧ma uluwo̧ma o̧'wo ösöwanö ö̧jobe, yötawaja̧ma otiwanö tja̧ja̧kwajabe, jö̧ba̧lö. Wanedö yötawa: Batjo tju̧junaja̧ ikena ojwiyo o̧bi̧ma niji tju̧junajemi otiwanö tiyuwachi̧danö jo̧ba uluwo̧ma o̧'wo ösöwanö ö̧jobe ömöayo̧ otiwanö yöawobetjö̧.

2 Samuel 18:26

eda̧lo̧ma jelo̧ ökömanö ö'öbakwawo̧nöbi edinobe, ja̧danö apjude teada̧lo̧nö jwöinobe, —Jelo̧nöbi chedobe, ja̧danö jo̧babi jo̧dawa'ye ö'öakwawobe, —jö̧ba̧lö. Yöawiökwe, David yöa̧linobe, —Jo̧babi baledaja̧ wene yöbawö ichena, —jö̧ba̧lö.