2 Samuel 18:15 - Dios Iwene

¹⁵ ja̧danö ju'wibi Joab ömöayedö itea ölakwabikwawa jawa kwebatadötjö domulatajabedöbi Absalonnö kwatjinobe, ö'wö baibenanö.

2 Samuel 18:15 Referans Kwoze

2 Samuel 18:14

Atadökwe, Joabma yöa̧linobe, —Tjo̧wita, ökwökwö yöba̧lakwawö chiteada̧lobö chöpöjöda, teada̧lökönö Absalonnö kwabö lodobö jo̧be, —jö̧ba̧lö. Ja̧danö tokwöte wapötekwa emibö, Absalon ö̧lobekwö i̧'yinobe. Ichibö, ina 'yaba̧lo̧ towinö lo̧nö doinobe omajadenö,

2 Samuel 18:16

Ikenama, Absalonnö kwabö lobajo̧, Joabma trompeta pjuinobe, —Tjo̧wita, ölakwabikwawö kadato, —jö̧ba̧lö. Ja̧danö, jejenö katjatobö weawö̧, David ömöayedöma ȩwa̧bijö ju'wedö israel jojodönö lubö katjatibinobe.

2 Samuel 12:10

Jo̧kwajabetjö̧, jejenö ja̧köbi̧tjö̧, baikwö yötawakwö tupakwö baledakwa̧ma: Dios wei̧ma mikwawökö ji̧ jö̧ba̧lö, Hitita jojo Urias ilekwonö 'döbebö, kwilekwo bajibanö kweminobetjö̧, bemi tupakwö kwi̧tji̧mu tupadanö jojodötjö ba̧kwelöjatebö ölakwabikwawa ja̧kobe, —jö̧ba̧lö Dios yöawi̧ yöawinobe Natanma Davidnö.

2 Samuel 19:11

Jejenö yötja̧lakwawiökwe, la'aka luwo̧ Davidma Diostjö jojodötjö tjö̧'da̧de pjabatadö Sadocnöbi, Abiatarnöbi weinobe, judasaso jojodötjö luwedönö yötja̧lobö: —La'aka luwo̧ Davidma ju'wedö israel jojodö yötja̧lakwawi̧ wene a̧ja̧kwajabe, yemidanö tjuluwo̧ baibobö tjomukwati̧ma, ja̧danö ökwödönö yöa̧lobö jö̧a̧lobe, –Ökwödö judasaso jojodöma ju'wedö ötjönö tjösödakwa̧ abönö, kwösödaduwo jö̧ba̧ladöja, ikenadamaökö.

Proverbios 17:11

Ja̧danö, ju'wibi yötawa: Sulabenö omukwato̧ma Dios wei̧bi, la'aka luwedö wetji̧bi öpöjödö a̧ja̧kwökönö jo̧. Sule itedada sulabenö omukwati̧danöda omukwatö jo̧. Jo̧kwaobetjö̧ Diosma weakobe lȩ lö̧jökönö lȩbebo̧nöma sulabenö omukwato̧nö lȩebobö.

Proverbios 28:17

Ja̧danö, ju'wibi yötawa: Bakwo̧ jelo̧nö kwabö lobinama otiwanö jö̧kö̧, ba̧kwȩlö̧jatebö o̧'wo̧ tjo̧bekwöda jo̧, jelo̧ jojonö kwabö loinobetjö̧. Isabenö, jo̧bama döbiabinöda döbiabo̧ okobe jwiinö ö̧ji̧ma, debö i̧'yenanö baibanö. Jo̧banö jelobe döibajoböma pjakatokonö.