2 Samuel 17:29 - Dios Iwene

²⁹ wa̧yo̧bi, cuajadabi, obejadönöbi, quesobi tjichejebinobe, Davidnö tjiyobö, Davidbi ömöledöbi otiwanö tjukwobö. Jobadöma tjöwaisinobe, jojodö deobekwe kwebachö baledajadö, a̧wi̧chi̧tjöbi ojwiyo o̧titjöbi tötjena, ja̧danö tjime'dawachibajena jö̧ba̧lö. Jo̧kwajabetjö̧ Davidnö pjabatö tjitea ichejebö tjiyinobe Davidnö.

2 Samuel 17:29 Referans Kwoze

2 Samuel 16:2

Jejenö ichibiökwe, Davidma Sibanö abebö a̧ja̧kwinobe, —Bi̧ya, ¿dai e'ewö kwi̧'ya? —jö̧ba̧lö. Abebö a̧ja̧kwökwe, Siba atadinobe, —Bidö bu̧lu̧döma, ökwö la'aka chuluwo̧ kwömöledö tjöwanobö chichejebejabe, ja̧danö pan öpji̧yabi, higo waji̧bi, kwömöayedö tjukwobö chichebajabe, ja̧danö ubasobuma, jojodö deobe kwekachaduwonö me'dawadö tjowobö chichejebajabe, —jö̧ba̧lö atadinobe Sibama.

Isaías 21:14

Jo̧kwajabetjö̧, ökwödö jobe ju̧kwadöma, ojwiyo kwe'ewaduwo, jobadötjö o̧ti̧ tjöbadöma tjowakobetjö̧, ja̧danö Arabia niji comunidad Temanö jukwadöma, kwakwawa kwe'ewaduwo, jobadö Dedan comunidadtjö döbibajadö tjukwobö.

2 Samuel 16:14

Ja̧danö, la'aka luwo̧ Davidbi, jo̧bakwö kwebachadöbi, me'dawachibajadö tjichibinobe Jordan mikwödö ojwebe, ja̧danö jobe ichibö, tjö'wachinobe.

Romanos 12:13

Kwömöledöduwi Cristonö ösödadö jwibö tjö̧jenama, pjakataduwo, ja̧danö jelobetjö ichajadö tjichibenama, öpöjödabökönö te'ada̧lö pjakataduwo.

Lucas 8:3

Ja̧danö, Juana mikwujubi Jesúskwö kwejachinobe. Jobuju Juanama, la'aka luwo̧ Herodes ömöayo̧ Chuza mikwo̧ ilekwo. Jo̧ba Chuzama okobe deinö Herodes eju otidadötjö tjuluwo̧ ö̧jinobe. Ja̧danö Susana mukwujubi, Jesúskwö kwejachinobe. Jobadö María Magdalenabi, Juanabi, Susanabi, ju'wedö ya̧döbi Jesúskwö kwebachö, idöda tjujuna̧li̧tjö tjiyinobe, Jesúsbi Jesús webawedöbi kwakwawa tjukwobö. Jejenö iyö otiwanö pjatjatinobe Jesúsnö, ja̧ niji bakwameachibanö yöbawö kweachonö.

Isaías 58:7

Ja̧danö ju'wibi, kwu̧kwaduwitjö a̧wi̧chi̧ tjöbadönö iyabikwawö pjakataduwobö, ja̧danö tjeju jwibanönö pjabatö, kwejuduwinö tekataduwobö, ja̧danö tjökamisi jwibadönö 'dukataduwobö, ja̧danö kwömöledöduwi tjöba a'o ju̧kwawökönö, otiwanö jobadönö pjakataduwobö. Jobekwö laebobe isabenö chösödi̧danö ö̧tö̧chö ja̧kwawa chömöledö, ökwödö kwisȩbaduwi̧danömaökö.

2 Samuel 17:2

Jejenö jo̧banö lubö, nöinö kweachajabetjö me'dawachibajo̧nö, ujulu jwibo̧nö mebibö dichibakobe, ja̧danö jejenö dichibiawö̧, jo̧babi jo̧bakwö kwebachadöbi yetjaibakobe, ja̧danö ömöayedöma dötjibajakobe. Jejenö sule la'aka luwo̧ Davidnöda kwabö lodakobe,

1 Samuel 17:18

Ja̧danö bi̧ya queso domulataja jawabi e'ewö kwiyo, ölakwabikwawa jojo tjuluwo̧nö. Ja̧danö, kwöpöedö dakwö tjö̧jojobö kwedö, ja̧danö otiwanö tjö̧jitjö̧ma, ötjönö wetji̧ kwichejebo, otiwanö tjö̧ji̧ chöwaisakobetjö̧, —jö̧ba̧lö weinobe Isaima, itji̧ Davidnö.

Proverbios 21:26

Isabenö, jo̧ba 'du̧wȩkwo̧ma ba̧kwȩlö̧jatebö ju'wi jawabi ju'wi jawa emö ujuna̧lobö omukwatijayonö jwibo̧. Jobekwö omukwatokobe Dios wei̧ a̧ja̧kwo̧ma. Jo̧bama ujuna̧li̧tjö iyobö omukwato̧. Jao, ujuna̧li̧tjö ju'wedönö omukwatö a̧'dȩlökönö pjabatö iyo̧ Dios wei̧ a̧ja̧kwo̧ma.