2 Samuel 17:22 - Dios Iwene

²² Jejenö yötjawiökwe, Davidma juluwanö a̧la̧ibö peibinobe, jo̧babi okobe deinö jo̧bakwö kwebachadöbi. I̧yada yöteda petjibinobe, ja̧danö dewachakwa̧ abönö, okobe deinö bakwo̧bi ö̧ji̧bökönö Jordan ojwe petjibinobe.

2 Samuel 17:22 Referans Kwoze

Juan 18:9

Jejenö jö̧ba̧lö iteda ajayinö yöawina badekwachinö jö̧a̧linobe. Ajayinö aebinobe Abe'do Diosnö, Bidö, ökwö kwiyinawö̧nö chite'ada̧lobe Chabe'do tjo̧'wo̧ luwo̧nö jelobekwö tji̧'yapji jö̧ba̧lö.

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

Proverbios 27:12

Ja̧danö, ju'wibi yötawa: Isabenö, ö'wöyawakwawönö omukwato̧ma labi jawa baledakwa̧ omukwato̧, chedemi labinö baledakobe, jö̧ba̧lö. Jobekwö omukwatobetjö̧ labobekwöma 'yö̧kö̧nö itedada te'ada̧lakwawö jo̧. Jobekwö baledokobe jweinö omukwatobö wajwibo̧nöma. Jo̧bama omukwatökönö labobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

2 Samuel 17:21

Ja̧danö, isakwadö tjȩwa̧jaja̧ ikena, Jonatanbi Ajimazbi ojwese'dotjö labebö, la'aka luwo̧ Davidnö yöbawö tji̧'yinobe. David ö̧jobe ichibö, baledaja̧ wene yötjawinobe. Ajitofel juluwanö Davidnö isakwobö lȩebaja̧ wenebi yöbawö, —Juluwanö a̧la̧ibö teada̧lökönö Jordan ojwe pekibaduwo, —jö̧ba̧lö yötja̧linobe.

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.