2 Samuel 15:32 - Dios Iwene

³² Ja̧danö, mösa'o wa̧pekwa'o Diosnö iyawemibe ichibenama, jobe arquita jojo Husay mikwo̧no öbadekwajinobe, o̧'wo tjoachö, ökamiji̧do̧ kȩ'ekwö, uunö ökwölaso̧pja̧ wanawo̧nö.

2 Samuel 15:32 Referans Kwoze

Josué 16:2

Ja̧danö, Beteltjö bakwachobema tupakwö baledobe, Luz comunidadbe ichibanö, ja̧danö jobetjö arquita jojodö tjitebo comunidad Astarotbe ichibanö.

2 Samuel 1:2

Jemi ikenama, dötölataja möle baledibajenama, Saul ömöayedö ölakwabikwawa jojodö tjö̧jinelö bakwo̧ David ö̧jobekwö ichibinobe. Jo̧bama kamiji̧do̧ kȩ'ekwö, uunö niji̧so̧pja̧ wanawö o̧'wo tjo̧achi̧ isȩbö ichibinobe, ja̧danö ichibajo̧, David öba a'o bȩbachibö öbamatinobe, Inesö la'aka chuluwo̧ja, jö̧ba̧lö.

Lucas 19:29

Ja̧danö, Betfagué comunidadbi, Betania comunidadbi yönea'o Olivos ötjaba'o mö'ösa'obe ichibenama, iteda öba̧ja̧di̧ waisachadötjö du̧ju̧tajanö abönö tji̧'yobö weinobe, baikwö:

1 Reyes 11:7

Jwiinö sulabenö ja̧inobe Salomonma, Jerusalen comunidadtjö jawo̧ laebobekwö ja̧'o mösa'otjö, Salomonma moabitas jojodö tjösödökwe inesö sulabo̧ Quemosnö ösödakwawemi möemi otidinobe, ja̧danö ju'wibi amonitas jojodö tjösödökwe inesö sulabo̧ Molocnö ösödakwawemi möemi otidinobe.

2 Samuel 15:30

Tjȩwa̧jonö, Davidma Jerusalentjö labebö Olivos ötjaba'o mösa'o önöchinobe, tupakwö döibajobö. Ja̧danö, 'ya̧nö, Davidma budekwö, sapatu jwiinö, uu möchekwö kweachinobe, o̧'wo tjo̧acho̧sa jö̧ba̧lö. Ja̧danö okobe deinö Davidkwö kwebachadöbi, kwetjachonö tjuu möchekwö tjubudekwinobe.

2 Samuel 13:19

Ja̧danö, jo̧'wo tjo̧achö, ja̧do̧ ödöado̧ kȩ'ekwö lojinobe Tamarma, ja̧danö ökwölaso̧pja̧ juunö jöwaninobe, ja̧danö juu do̧ba̧lakwawö, labinö budekwiabö jȩwa̧jinobe.

1 Samuel 4:12

Ja̧danö, i̧ya̧da möle bakwo̧ israel jojo, Benjaminsaso jojoma, tjölakwabikwawelö Silobe döbibajö ö'öakwawinobe. Jo̧bama ö̧ka̧miji̧do̧ kȩekwö, uunö nijisjopja̧ wanawö, ichibinobe, isabenö o̧'wo tjo̧acho̧sa jö̧ba̧lö.

2 Samuel 16:1

Ja̧danö, mösa'o wa̧pekwa'o tupakwö David öbaledajabema, Mefiboset ömöayo̧ Sibanö öbadekwajinobe. Sibama du̧ju̧taja bu̧lu̧dönö, doscientos pan öpji̧yabi, cien ochiju uba köködakwawabi, cien ochiju higo wa̧ji̧bi, ubasobu o̧'do̧busa'wo bakwa'wobi, e'ewadö bu̧lu̧dönö öbibö ichinobe.

2 Samuel 17:5

Jo̧kwaijayonö, Ajitofel yöa̧li̧ ösödijayonö, Absalonma yöa̧linobe, —Husaynöbi jwöbaduwi, jo̧ba waisakwawa ji̧ lȩekwabi da̧ja̧kwobö, Ajitofel omukwati̧danö omukwatojobö jö̧ba̧lö.

1 Reyes 4:16

Husay itji̧ Bana mikwo̧ma, Asersaso nijibi, Alot comunidadbi la'aka luwo̧ ö̧jinobe.

1 Crónicas 27:33

Ahitofel mikwo̧ma la'aka luwo̧ David waisanö omukwatobö pjabatö lȩbebö yöbawina. Arquita jojo Husai mikwo̧ma, la'aka luwo̧ David yöne ömöledöso̧ ö̧jinobe.

2 Samuel 16:15

Ja̧danö, David jejenö döibajonö, Absalonma ömöayedö israel jojodökwö ichibinobe Jerusalenbe, ja̧danö waisakwawa lȩbebo̧ Ajitofelbi Absalonkwö ichibinobe.