Biblia Todo Logo
Bib sou entènèt

- Piblisite -




2 Samuel 15:15 - Dios Iwene

15 Yöa̧lawö̧, —Jau duluwo̧, ökwödöma kwömöayedösa, okobe jwiinö ökwö la'aka duluwo̧ omukwatö kwujuni̧danö pjadatakwedösa, —jö̧ba̧lö tjatadinobe.

Gade chapit la Kopi




2 Samuel 15:15
8 Referans Kwoze  

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.


Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.


Yöawökwe, Davidma ömöayedö jo̧bakwö Jerusalennö ju̧kwadönö yöa̧linobe, —Juluwanö a̧la̧ibö dödibajaduwo, Absalon ökwödönö kwabö loapji jö̧ba̧lö. Juluwanö ladebökötjö̧ma, dö̧jibobö jwiena, ichibö ökwödönöbi, ju'wedö okobe deinö Jerusalennö ju̧kwadönöbi kwabö lotjena, —jö̧ba̧lö.


Jo̧kwajabetjö̧, juluwanö latjebinobe. Davidma weinobe, ömöayedödanöbedö ilekwamu domulatajabedönö okobe ji̧bö, o̧do tjiteada̧lobö, ja̧danö ju'wedö David ömöledöbi, Jerusalennö ju̧kwadötjö ba̧jekwadöbi Davidkwö tji̧'yinobe. Jerusalentjö labebö, bajaleapo o̧do, comunidad ö'öbösejunö tjöjamatinobe.


Yöa̧lökwe, Jonatan ömöayo̧ma atadinobe, —Okobe jwiinö kwomukwati̧danö ja̧bi, ötjöma jwaikwöda ökwönö pjabatö chö̧jakwo̧sa, okobe jwiinö kwomukwati̧ma, —jö̧ba̧lö.


Ja̧danö Mefiboset ömöayedö kwö̧jaduwakwedöja jö̧ba̧lö yöawökwe, —Jau chuluwo̧ la'aka luwo̧, otiwa. Kwömöayo̧sa chuluwo̧, ja̧danö okobe jwiinö weköbaja̧danö ja̧dakwedösa, —jö̧ba̧lö atadinobe Sibama. Jemi ikenama, David i̧tji̧mu tjukwi̧danö, Mefibosetma David iteasöte mesasötetjö ba̧nö kwiainobe.


Swiv nou:

Piblisite


Piblisite