2 Samuel 14:17 - Dios Iwene

¹⁷ ja̧danö omukwataju, tupakwö chomukwatijatö, –Chuluwo̧ la'aka luwo̧ ötjönö pjaatitjö̧ma ötjöbi chi̧tji̧bi otiwanö wene jwiinö dö̧jena, –jö̧ba̧lö chomukwatijatö. Jau la'aka chuluwo̧, ökwöma Dios weökwe angeldanö ichejekwo̧ja, wene dujuna̧li̧ a̧ja̧kwö, otiwi̧bi suli̧bi böjö jweinö yökawobö waiso̧köbobetjö̧. Kwuluwo̧ Isabenö Jo̧ Diosnö ateba, ökwökwö ja̧nö pjaatobö, —jö̧ba̧lö yöja̧linobe Tecoa jojosujuma.

2 Samuel 14:17 Referans Kwoze

2 Samuel 19:27

Ja̧danö ju'wibi chuluwo̧, chi̧'yobö jö̧ta̧lijayonö, jo̧ba Sibama sulabenö omöna yöa̧linobe ökwö la'aka chuluwo̧nö, ichobö öpöjödo̧, jö̧ba̧lö. Jejenö baledina yötawakwö chuluwo̧, ja̧danö ökwö inesö la'aka chuluwo̧ma, Dios weökwe angeldanö waiso̧ja, jo̧kwajabetjö̧ ökwöda otiwanö kwomukwati̧danö ja̧köbo.

1 Samuel 29:9

Atadökwe, Aquisma yöa̧linobe, —Ötjöma chöwaisa, isabenö chöba a'otjö wene jwibo̧ja jö̧ba̧lö, Dios weökwe angelso̧danö, wene jwibo̧ja. Jo̧kwaijayonö, jejenö chöwaisijayonö, ju'wedö filisteo luwedöma wainö omukwatadö, ja̧danö jobadöma yötja̧lajabe, –Davidma ökwödökwö ölakwabikwawöma ichö̧kö̧, –jö̧ba̧lö.

2 Samuel 14:20

Jau chuluwo̧, kwitji̧ jawa ajayinö kwomukwatina balewö lobö wainö kwomukwatotö jö̧ba̧lö, ökwönö yöta̧lobö weatö Joabma. Ja̧danö jo̧ba weaja̧ tojata̧lö ja̧ jawa yöta̧lobö domukwatijayonö, isabenö waiso̧ja chuluwo̧, ja̧danö dotojoböma jwiatö. Jau chuluwo̧, Dios weökwe angel öwaisi̧danö okobe jwiinö ditebo jawa waiso̧ja, ja̧danö dotojo jö̧da̧laja̧ma, kwöwaisachibajabe, —jö̧ba̧lö jatadinobe.

1 Reyes 3:9

Jo̧kwajabetjö̧, chomajadenö okwa jawa waisanö chomukwati̧nö pjakatobö atebakwö chuluwo̧, kwömöledö israel jojodönö otiwanö jwebebö, ötibakobetjö̧. Jau chuluwo̧, bakwo̧ iteda ujulunö, bidö inesö ba̧jȩkwadö kwömöledönö otiwanö jweebobö jwiena, jo̧kwajabetjö̧ waisanö chomukwatobö atebakwö, jobadönö jwebebö, otiwi̧ suli̧tjö böjö, otiwanö jobadönö jwetabakwa̧ chöwaisakobetjö̧, —jö̧ba̧lö aebinobe Salomonma.

Hebreos 5:14

Jo̧kwaijayonö da̧peachadöma kwakwawa kwadödanö ja̧dö. Jobadöma Dios iwene a̧ja̧kwö ja̧kwawa ö'wiawakwawö̧jö̧nö omukwatadö, Biya̧ma otiwa, biya̧ma sula, jö̧ba̧lö. Waisachibadö. Jo̧kwaijayonö ökwödöma ina, jobadö da̧peachadödanöböködöja.

Proverbios 29:5

Ja̧danö, ju'wibi yötawa, wanedö: Bakwo̧ma ömöledöso̧nö o̧'wo̧ tjo̧achapji jö̧ba̧lö jo̧banöma jweinö yöbawökönö, otiwanöda yöa̧lobe. Ökwöma otiwo̧ja, otiwanö omukwato̧ja, jö̧ba̧lö yöa̧lobe, jweinöma yöbawökönö. Isabenö yötawa: Jobekwö yöa̧litjö̧ma yöa̧li̧ma omöna yöa̧li̧danö mikwawokobe. Ja̧danö, yöa̧li̧ma 'daliwa öni̧danö wanekwachobe, ömöledöso̧ma ö̧libobö jelobekwö omukwatö öbibö, jweinöda yöawokobetjö̧.

Proverbios 27:21

Ja̧danö, ju'wibi yötawa: Orobi, platabi otidadöma ökwölanö jwiinö ubolanö tobadö salöinö i̧sekwobe, bakwai̧ oroda, platada jo̧ojobö, bakwai̧maökö̧ jo̧ojobö tjöwaisachibanö. Ja̧danö jojo, ¿dakwö i̧sebobeda ju'wedö tjöwaisachibanö otiwanö omukwatojobö, sulabenö omukwatojobö jö̧ba̧lö? Isabenö yötawa: Ju'wedöma jo̧ba ö̧ji̧ edinö, jo̧banöma ösödö yötja̧li̧ma i̧sebobe, bitema otiwanö omukwato̧, jö̧ba̧lö.

Diosnö ösödo̧ Job mikwo̧ usula emawina jawa 6:30

Isabenö yöta̧li̧ kwösödaduwobö jo̧be chömöledö, omöna yöba̧lö̧kö̧sa. Jau chömöledö, otiwi̧bi, suli̧bi waiso̧sa ötjöma, ja̧danö omöna yöba̧lökönö, jweinö yöba̧lo̧sa ötjöma, isabenö yöta̧li̧ kwösödaduwobö jo̧be, —jö̧ba̧lö yöa̧linobe Jobma.

1 Reyes 3:28

Jejenö waisanö omukwatö, lȩekwa yöawiawö̧, okobe deinö israel jojodöma tjaja̧kwinobe, jadanö a̧ja̧kwajadö, la'aka tjuluwo̧ Salomonö ösödö, otiwanö tjomukwatinobe jo̧banö, —Isabenö Diosda waisanö omukwatobö pjaatökwe, jweinö lȩekwa yöawobö waiso̧ duluwo̧ Salomonma, —jö̧ba̧lö.

2 Samuel 14:18

Yöja̧liökwe, la'aka luwo̧ Davidma atadinobe, —Babe ökwönö abebö cha̧ja̧kwocha, ja̧danö jweinö, ja'yubebi tojökönö kwatadobö wetakwö, —jö̧ba̧lö. —Jau la'aka chuluwo̧, abebö a̧ja̧kwi, —jö̧ba̧lö yöja̧liökwe,

Josué 1:17

Jau Josue, inesö dösödi̧ma Kwuluwo̧ Isabenö Jo̧ Dios Moiseskwö ö̧jinadanö ökwökwö ja̧nö pjaatobö. Ja̧danö, jejenö ökwökwöbi ö̧jitjö̧ma, okobe jwiinö Moises weina a̧ja̧kwö dö̧jinadanö, bakwainö ökwö weköbi̧ a̧ja̧kwö dö̧jakwedösa.

2 Samuel 19:28

Jau chuluwo̧, cha'dö ökwönö sulabenö ja̧inobetjö̧, okobe deinö ötjönöbi, chömöledönöbi kwabö loköbo jö̧ka̧linobe. Jo̧kwaijayonö kwabö lobökönö, ötjö kwömöayo̧nö kwujunijatö, ökwö inesö la'aka chuluwo̧kwö chukwobö. La'akatjöda jejenö dösölö̧jinö kwedoböma chimikwawijökötö chuluwo̧, ja̧danö tupakwö ötjönö pjakato jö̧ba̧lö ateboböma jwiobe, —jö̧ba̧lö atadinobe Mefibosetma.